Kolos 1:16 - NQAARIIT NE ROOG

¹⁶ No ten ke sakeena fop a reefande, ta ref ke lanq mbaat ke took, ke waageena o ga fo ke waagaandeena o ga, ta jof no maat fo ngelfa fo a adax fa sañ-sañ. No ten Roog a saktu fop, a sakanin o ten.

Kolos 1:16 Referans Kwoze

O leetar ole Pool a bindna GIMU WE NGENNA ROM 11:36

Yaam fop no ten a inooru, a sakoor no ten soo a refanin. Roog feene a hela o ɓoxotel o ndam boo faw! Amiini.

YEGIL MBAAX NE YEESU ne Saŋ a bindtuuna 1:3

Roog a saktin fop. Dara kaa sakeena too reefandaand no ten jegee meen.

1 Korint 8:6

Kaa koy, nuu ta saxitna yoo, na in Roog fa leng soom jegu, ta ref Faap fee sakna fop, a jeg a in. Na in o Yaal o leng kut jegu itam, ta ref o Yaal oxe Yeesu Kiristaa. Ke sakeena fop koy, no ten a reefne, i saktel no ten itam.

Hebre 2:10

Oxe sakna fop, a jeg fop, a buga o ɓis xa ƥiy xa mayu da mbog no ndam um. Ten taxu ta fi boo o Cofu xe waagna o fadin a muc ale den a ñak sik na pexey coono ke.

1 Caloori ke 29:11

O Yaal oxe, wo jegu o magnel fa katil fo o mosel fo o ndam fo o niwel. Fop ke refna na asamaan fo took lanq ke wo jegun, yaam wo refu o maad, o Yaal oxe no pindel ke fop.

Hebre 1:2

ndaa na pe akene, na ne’eel a paktaand ake, a laya fa in na pexey o Ƥeem. No ten Roog a saktu adna fee, too o ten Roog a jilu, ndax ta jeg fop.

Efees 1:10

Yuuƥ neene, Roog a fadandkaa yaa hap fee a fadna, refu ta fokat fop ke refna na asamaan fo took lanq ke, da mbog o aa-adax o leng kut, ta ref Kiristaa.

Esayi 44:24

Keeke o Yaal oxe refna o baawat of, a moolong no fud ya of, a layu: «Mi saku ke jegna fop. Mi letnu asamaan fee, mi soom, letin lanq ke, too o leng dimle’iraam.

Xa peƭit axe 16:4

Kuu o Yaal oxe a fi’na tig taxun, boo no soxodu xe sax jagandaneena ñaal taamaala ne.

Kolos 1:15

Kiristaa refu nitaal Roog fee a ngid a waageerna o ga, a ref taaw um yaaga dara sakafulaand.

Kolos 2:10

No ten nu njegtu fop, ta dey sik, too ten kelfa’u sañ-sañ fuu refna fo maat nuu refna.

Esayi 43:21

Maaga, xeet feene sakuuma xan a simataxam.»

A cangatin ale 4:39

Xaye, andyo too ndam na qoox nuun ee o Yaal oxe refu Roog fee na asamaan, maaga took-ee-took fo took lanq ke, too jegee fa lakas.

Filip 2:10

ndax no gon Yeesu fop a ngooknoox, ta ref na asamaan mbaat took lanq ke mbaat ɗuga lanq ke,

Kolos 1:20

Na Kiristaa, Roog a fi’u fop a njofooratin fo ten, a xotit no ke refna took lanq ke boo no ke refna na asamaan, a njamsa’oor fo ten na pexey fo’oy um le ta ɓaxna na kurwaa.

1 Piyeer 3:22

fee ŋaayna na asamaan, a ref na ñamaak Roog, a maadooxaa took malaaka ke fo sañ-sañ ke fo katil aa-asamaan ke.

Kolos 2:15

Neene a sañtitu itam sañ-sañ ke fo maat ke, a huyit a den bo dee huyit mbaambir no fop, soo a ɓis a den nen faɗ we mbogna na qaaj ale Kiristaa a maafna.

Efees 6:12

Yaam i mbaree o maafir fo wiin we, ndaa fo kelfa ke fo sañ-sañ ke fo aa-adax we na yiif ake ndefna no niɓaan ole fo katil ke na yiif a paaxeer ake ndefna ndeer asamaan fa lanq.

O leetar ole Pool a bindna GIMU WE NGENNA ROM 8:38

Yaam a wooraxam ee dara waagkee o saƭtirand a in fo o mbeq um, ta ref fa nqon mbaat o ñoow, malaaka mbaat cini ke, ke na xewaa ndiiki mbaat ke na garaa,

Nehemi 9:6

Wo doŋ refu o Yaal oxe! Wo fi’u asamaan fee, asamaan fee took-ee-took fo katil ke ten fop, lanq ke fo ke refna teen fop, xa maag axe fo ke da mbofna fop. Wo na ñoownaa ke sakeena fop, too katil ke na asamaan mbaambir of a ngungaa.

YEGIL MBAAX NE YEESU ne Saŋ a bindtuuna 1:10

A qoolaand ale a reeƭa kam adna fee, ndaa ke adna fee a reefandeena no ten fop oo anddiran.

O leetar ole Pool a bindna GIMU WE NGENNA ROM 9:5

Kaam ee, den o mat ndefu xa taan axe no daan maak we, soo Kiristaa fee no fo ɓaal a fog na xeet den. Kiristaa feene koy hupu fop, a ref Roog fee heleena o simat. Amiini!