Ke bindeena no xe ne’eena YOB 4:3 - NQAARIIT NE ROOG

³ Yooɓ’aa o asaa lakas we, dimle’aa we neewna doole.

Ke bindeena no xe ne’eena YOB 4:3 Referans Kwoze

Esayi 35:3

Saƭkinyo xa ƥay axe nqijna, too ndifi kuɓay ke ngeesna.

Hebre 12:12

Yaaga boog, fat nu yoɗatin xa ƥay axe nuun yaarna too saƭkand kuɓay ke nuun neewna doole.

YEGIL MBAAX NE YEESU ne Lik a bindtuuna 22:32

Kaa koy, xeɗanaaxoong, ndax o ngim of ñufkee. Boo nomtooxiidoona, fat o saƭkand xa teɓ of.»

Xa peƭit axe 10:21

Fa lay no cofu xe kaa jootnaa wiin mayu, panxoy ke mat a nqonaa yaam o ñak-xoox.

Ke bindeena no xe ne’eena YOB 16:5

Saƭakinitkoogaam a nuun fa lay es, ɗelem es a yaal a nuun.

Efees 4:29

Ba nu lay ɗelem faaxeer leng! Layyo soom a ƭelem a cegu o njiriiñ akaa na ndimle’aa lakas we, da njof mbaambir no ngim onqe. A ƭelem a nandu neene kaa ƭaxaa soxla, too a mbi’anaa paax we na nan-gilooxaa a den.

YEGIL MBAAX NE YEESU ne Lik a bindtuuna 22:43

Maaga, malaaka no Yaal oxe a feeñooxaan na asamaan, ndax ta saƭakinin.

A cangatin ale 3:28

Fat o jangin a Yosuwe, saƭakinin soo ɓaatin njambaar, yaam ten na adooxankaa Ii-isra’el we, a xaajrand a den saax le o ga’kaa.›

Heseki’el 13:22

Yaam ne nu mboosɗandtaa xeeñ le no cofu xe xa maaƥ, yaa gooyɗandaneeruuma mi fa xoox es fo yaam ne nu saƭkandaa xa ƥay no soxodu xe, ndax nu yaqanin ta fes a ƭat a paaxeer um a cinj soo a ñoow,

Esayi 50:4

O Yaal oxe na refkaa boo faw a ci’axam a layoorooƭ ale no daalbe we, ndax um and nam warum o saƭakinit o neewu doole xe. Nqes nuu refna kaa wetaa nof es, ndax um nan-giloox nen daalbe we.

Xa peƭit axe 16:21

Oxe jegna yiif kaa xoyeel o ƈiƴu xe, fa lay fa ƥuuɓu a gimnooraa ke layeena.

Xa peƭit axe 15:7

Xa ton no jegu yiif we o and a pictaa, a qoox no panxoy ke mat, dara refee teen.

Mberaand 18:19

Feek kaam jil a Abraham, ndax ta hebil xa ƥeem fo wiin mbind um da ngayaa a ƭat ale no Yaal oxe, a ndeefaa a ƭat fo o cofel, xam fadnanin a tegit ake fi’ananuuma.»

Kolos 4:6

Fat a ƭelem nuun a yoon fa yirmande, a njem, nu mbaag o and ke nu mbarna o ndoon o kiin oo kiin.

Esdaraas 6:22

A ndoofanda fo o ɗaay boo ñaal ɓetuu ƭik Xew fee no puuru canja’e ke, yaam o Yaal oxe kaa ɗaaynoor’u a den, ye ta fi’na boo o maad oxe Asuur a damit a den no calel ke no Mbind ne na Roog fee Isra’el.

Ke bindeena no xe ne’eena YOB 4:4

Fa lay of a inatina oxe tolofna, o saƭkand kuɓay no xe na tiipaa.

Ke bindeena no xe ne’eena YOB 29:11

We nanoogaxama kaa layoogaam ee: «Ɗaayaa!», we nga’oogaxama, a seede’anaxam paax.

Ke bindeena no xe ne’eena YOB 29:15

Kaam reeƭu a ngid no puul oxe, ref a caf no ƥoof oxe.

Ke bindeena no xe ne’eena YOB 29:16

Kaam reeƭu faap no rool we, topatooxaa oxe andaandeena meen.

Ke bindeena no xe ne’eena YOB 29:21

Kaa cungoogu um lay, a nan-gilooxaxam, a mbodandooxaa xa as axe mi.

Sofoni 3:16

A koom, xan Yeerusaleem a layel ee: «Wo Siyoŋ, ba o saɗar dara! Ba xa ƥay of a leeƈoox!