Ke bindeena no xe ne’eena YOB 1:1 - NQAARIIT NE ROOG

¹ Kam saax laa Uus, a jeg’a o koor o ne’e Yob. O koor oxeene kaa woor’u too a jof. Kaa saɗar’u a Roog soo a wootooxaa paaxeer.

Ke bindeena no xe ne’eena YOB 1:1 Referans Kwoze

Saak 5:11

In we layaa yee a ƭaaya, yaam kaa da saƭik’u. Yob o mat, nu nana boo ƈut o saƭkel ole ten. Nu andahina ke o Yaal oxe a coox’uuna cinj ƭeetlax ke ten. No ndigil, o Yaal oxe a yirma wiin we, a naaga o fi’anaa a den paax.

Heseki’el 14:14

A jeg’angaa sax kam saax leene goor daduk wene: Nowe, Dañel fa Yob, o cofel den, o ñis den soom a mucilkoogu. Mi o Yaal oxe na refkaa boo faw layun.

Heseki’el 14:20

ne ta wooritna yee mexe ñoowaa, mi o Yaal oxe na refkaa boo faw layun, Nowe, Dañel fa Yob a ndeeƭangaa a ndeer saax le mucilkoogee xa ƥiy xa koor mbaat xa tew axe den, o cofel den, o ñis den soom a mucilkoogu.»

Ke bindeena no xe ne’eena YOB 28:28

Cinj kaaga, a laya o kiin oxe yee: «O saɗar o Yaal oxe refu o and, goƭatir fo paaxeer a ref o jeg-yiif.»

Ke bindeena no xe ne’eena YOB 2:3

O Yaal oxe a layaan ee: «Ndax ga’aa a Yob fee o tag es? Jegee oxaa nandna fo ten no lanq ke. Kaa ref o kiin o booru too a jof, a saɗar a Roog soo a wootooxaa paaxeer. Boo fa ndiik jegee soqel leng, ke taxaxamoona o ñaknoorin na xa koɓong fop oo.»

Ke bindeena no xe ne’eena YOB 1:8

O Yaal oxe a laya a Saytaane yee: «Ndax ga’aa a Yob fee o tag es? Jegee oxaa nandna fo ten no lanq ke. Kaa ref o kiin o booru too a jof, a saɗar a Roog too a wootooxaa paaxeer.»

Mberaand 6:9

Keeke refu a kon ake na xa taan axe Nowe. Nowe kaa reeƭu o kiin o cofu o cegee ŋañel na jamaane um, too a ñaaƴooga fa Roog.

YEGIL MBAAX NE YEESU ne Lik a bindtuuna 1:6

Den ɗik fop a njof’a mbaambir Roog, a ndeefaa kebil ke fo bargal ke no Yaal oxe ne waritna.

Xa peƭit axe 8:13

O saɗar o Yaal oxe refu o fañ paaxeer. Ke sibuuma refu o nga’atinax fo a magnandax, a pi a paaxeer fo fa lay fa naanaxir.

Mberaand 22:12

Malaaka fee a layaan ee: «Ba o ɓay of a fad no goor ole, too ba o fi’in dara! Ndiiki koy andaam tigi yee saɗaraa a Roog, too xañiraamo o ƥeef o leng kut onqe jegoona.»

Mberaand 17:1

Ye Abram a jegna xa kiid qarɓeen ɓetuu nahik fo xa kiid ɓetaa nahaq, o Yaal oxe a feeñooxaan, a layin ee: «Mi refu Roog o Cegu katil oxe. Ñaaƴti o cofel mbaambir es boog!

A ƭomatax ake 4:21

Felakinooxi rek too ref no ɗaay, wo Edoom o ndoog onqe, genna no saax le Uus! Kaa koy, wo itam xan o daawnel o feeƭ ole no fuux le no Yaal oxe, way teen nep soo woloox boo yoq ƭuc.

Xa peƭit axe 16:6

O mbeq fo ngor kaa muuraa tooñ, o saɗar o Yaal oxe a taxaa o wootoox paaxeer.

2 Maad we 20:3

«Ey, o Yaal oxe, wetandooxi yee ñaaƴaam mbaambir of fo ngor fo kam fa letu, too ke feloonga rek fi’oogum.» Cinj kaaga, xa kooniit um a yuura, ta naag ɓusiid a lool.

1 Piyeer 3:11

Fat a goƭatir fo paaxeer, soo a fi’aa paax. Fat a waaƭ jam, a reefanin.

Yeremi 25:20

qeet pogreer ke na ñoowaa Misira fop, – maad we no saax le Uus fop, – we no saax le no Fiifilista we fop, ndefna we na teeru fee Askalon, fee Gaasa, fee Ekron fo we yoqna na fee Asdod,

1 Caloori ke 1:42

Xa ƥiy axe Eseer ndefu: Bilhan, Saawan fa Yaakan, xa ƥiy axe Disan a ndef Uus fa Aran.

1 Caloori ke 1:17

Xa ƥiy axe Seem ndefu: Elam, Asuur, Arpaksad, Luud, Araam, Uus, Hul, Geteer fa Mesek.

A sutax ale 18:21

Jili ndeer xeet fee fop wiin deyu waa saɗarna a Roog, a saɗ ndigil, a mbañ oxaa gerna a den. No wiin juni wuu ndefna fo no wiin teemeed wuu ndefna fo no wiin qarɓeen ƥetik wuu ndefna fo no wiin xarɓaxay wuu ndefna, dodi o leng no weene jiloona, ta adooxan a den.

Mberaand 36:28

Xa ƥiy axe Disan ndefu: Uus fa Aran.

Mberaand 10:23

Xa ƥiy axe Araam ndefu: Uus, Hul, Geteer fa Maas.

Mberaand 42:18

No ñaal ndadkandeer naa, Yoseef a laya a den ee: «Mbi’yo kene, too xan nu ñoow, yaam saɗaraam a Roog!

A cangatin ale 18:13

Nuun o mat, fat nu ndamoox no Yaal oxe Roog nuun soom.

Ke bindeena no xe ne’eena YOB 4:6

Ndax ne saɗaroona a Roog refee ndamlooxand of? Ndax yaakaar of refee no ñak soqel of?

Ke bindeena no xe ne’eena YOB 9:21

Jaambuur refum, ndaa a ƭat es yongee teen, bugatiim o ga o ñoow.

Xa peƭit axe 3:7

Ba o fi’oox o cegu yiif. Saɗari o Yaal oxe, wootoox paaxeer.

Xa peƭit axe 14:2

Oxe na ñaaƴaa no cofel kaa saɗar o Yaal oxe, oxe na xotaa a ƭat a quƴooxu ke mat kaa xeefin.

Xa peƭit axe 14:16

O cegu yiif oxe kaa saɗaraa paaxeer, a wootooxan, fanxoy fee mat a foolaa a fi, yaam a foog ee oxey no woor.

Xa peƭit axe 16:17

Jofu we kaa ngoƭatiraa fo paaxeer, oxe na gayaa a pesoorooƭ um a geekaa o ñis um.

Xa peƭit axe 20:7

O kiin oxe a jofangaa too a woor, xa ƥeem axe na nguutankan sax a ƭaaya.