YEGIL MBAAX NE YEESU ne Saŋ a bindtuuna 9:41 - NQAARIIT NE ROOG

⁴¹ Yeesu a doona a den ee: «Mbuulaanaq-yiif a dam’angaa a nuun, nu njegkoogee bakaad. Kaa koy, nuun we layaa yee nu mbaaga a ka, ten taxu yoo, pakaad nuun a sax na nuun.»

YEGIL MBAAX NE YEESU ne Saŋ a bindtuuna 9:41 Referans Kwoze

Esayi 5:21

Ndaw naqad took no we na ƭeetaa a qoox den nen waa njegna o and, soo a mbi’ooxaa jegu yiif.

YEGIL MBAAX NE YEESU ne Lik a bindtuuna 18:14

Mexe layaa a nuun ee: Oxene a xaada, too Roog a ɗeetaan nen o cofu, o lakas oxe koy, ɗeetaand. Yaam oxuu magnandooxna, xan a neewandel, too oxuu neewandooxna, xan a magnandel.»

Hebre 10:26

Boo andoona koy ee i ndiya o mbakaadaa, a cinj yaa i andna ndigil ne Roog, jegkatee sadax fa leng faa waagna o forit pakaad ke.

Xa peƭit axe 26:12

O xetangaa fo xaa na fi’ooxaa o cegu yiif, andi yee yaakaar a fanxoy moƴu o yaakaarin.

Yeremi 2:35

o lay ee: ‹Fi’iim cageer leng. Fat fuux le no Yaal oxe a goƭaam!› Kaa koy, mi o Yaal oxe, xam layoor fa wo, feek kaa o lay ee: ‹Bakaadiim.›

YEGIL MBAAX NE YEESU ne Lik a bindtuuna 12:47

O paɗ oxe andna ke o yaal mbind um a bugna, soo a fañ o jagandoox mbaat ta fañ o fi ke o yaal mbind um a bugna, na moƴkeel o xaw.

Saak 4:17

too o kiin a andangaa ke ta warna o fi, too fi’iran, yaaga a bakaada.