YEGIL MBAAX NE YEESU ne Saŋ a bindtuuna 9:2 - NQAARIIT NE ROOG

² Daalbe we ten a laamtaan ee: «Ndi o Caajangin oxe! Mbuulaanaq ne no qoye, pakaad um ngartun, ndi pakaad no we ndimuuna?»

YEGIL MBAAX NE YEESU ne Saŋ a bindtuuna 9:2 Referans Kwoze

YEGIL MBAAX NE YEESU ne Lik a bindtuuna 13:2

Yeesu a doona a den ee: «Ndax kaa nu mboog ee Gaagalile waaga moƴ’u o ndef baabakaad wiin lakas we ngenna Galile yaam coono fee da coono’na?

YEGIL MBAAX NE YEESU ne Saŋ a bindtuuna 9:34

A ndoonaan ee: «Woxe rime kam bakaad, soo tee koo bug o jangin a in.» Naaga, a ndalfooxaan o ndax.

A pi ake 28:4

Yaa waa ngenna no fimb laa a nga’na ƥood ne a saayooxaa no ɓay ole Pool, a layrooga yee: «A woora o mat ee oxene o baawar oo. Ke ta mucna muc no maag ole fop oo, o cofel ole Roog ci’iran ta ñoow.»

A sutax ale 20:5

Gungkiro mbaambir den too faɗooxkiro a den, yaam mi o Yaal oxe Roog of, Roog fa naalu refum, faa na rabdinooxaa njofaƭar ne no paap ke took xa ƥiy den boo no suk ndadkandeer mbaat no nahkandeer naa no we sibaxama.

Mace 16:14

A ndoonaan ee: «Leng we kaa layaa yee Saŋ o Paabatiise xe, lakas we a layaa yee Eliya. A jega itam lakas waa na layaa yee Yeremi mbaat o lakas no duleer we.»

Mace 23:7

A mbexa o simnel kam qel ke, too a mbuga wiin we a nqoyaa a den ‹O caajangin o maak!›

Mace 23:8

Nuun o mat, ba nu ne’oox ‹O caajangin o maak!›, yaam o leng soom refu o Caajangin nuun. Nuun fop, fog nu ndefu.

YEGIL MBAAX NE YEESU ne Saŋ a bindtuuna 4:31

Kaaga kaa soƥ’u daalbe we ten a mbam’an, a ndamin na: «O Caajangin oxe! Gari ñaam waay!»

YEGIL MBAAX NE YEESU ne Saŋ a bindtuuna 9:1

Yeesu a joona, a ga o koor oxaa rimteena mbuulaanaq.