YEGIL MBAAX NE YEESU ne Saŋ a bindtuuna 8:6 - NQAARIIT NE ROOG

⁶ O nanangaa da laamtan, o ndamnoorin soom a mbug’u. Yeesu o mat, oxe yoornooxa, a bindaa a lanq fo nqol um.

YEGIL MBAAX NE YEESU ne Saŋ a bindtuuna 8:6 Referans Kwoze

Yeremi 17:13

O Yaal oxe, wo refu yaakaar Isra’el! Fop we na mbaasang xan a sed, we mbesoonga a cinj xan a sooƴ nen a kon akaa mbindeena a lanq, yaam kaa mbaasong, wo o Yaal oxe, a cur foofi fo ñoow ole.

YEGIL MBAAX NE YEESU ne Lik a bindtuuna 10:25

O caajangin o maak no kebil ke a bug’a o ɗeetloox a Yeesu. A inooxa, a laamtin ee: «O Caajangin oxe, xar warum o fi ndax um jeg o ñoow o fagkeer ole?»

Mace 19:3

Farisiya waa a matiidaan ndax da ƭeetlooxin. A laamtaan ee: «Ndax o kiin a waaga o waas o teem yaam kuu ta waagna waag o ref?»

Amos 5:10

Andaam koy ee nu mbugee oxaa lalna a nuun njofaƭar nuun, ne’atiim oxaa na doonaa nqol no ndigil ne yaa fo nqeloor.

O baawaare xe 3:7

hap o xuuy fo hap o ɗiis, hap o tiim fo hap o lay,

1 Korint 10:9

Ba i ƭeetloox o Yaal oxe itam, ne leng-leng na den a mbi’it’uuna boo pangool a ngar, a mbar a den.

Mark 10:2

Farisiya waa a matiidaan, ndax da ƭeetlooxin. A laamtaan ee: «Ndax o kiin a waaga o waas o teem?»

Mark 8:11

Farisiya we a ngara, a ñimatiraa fa Yeesu. A mbugaan o ƭeetloox, too a laamtaan o anddiloor olaa inoorna na asamaan.

Mace 26:63

Yeesu kaa tiimoogu. O saasadax o maak oxaa a dakooxaan o lay ee: «Mexe daaɓoortan a Roog fa ñoow jok fee! Layi a in ndax wo refu Kiristaa fee o Muumucil oxe regteena, refna o Ƥeenqe Roog?»

Mace 22:35

O leng na den oxaa reeƭna o caajangin o maak no kebil kaa, a bug’aan o ɗeetloox, too a laamtaan ee:

Mace 22:18

Yeesu a anda coxod naa den, too a doona a den ee: «Nuun soo ndef yememaar! Xar taxu nu mbogaxam?

Mace 16:1

Farisiya waa fo Sadusiya waa a nqetooxiida a Yeesu ndax da ƭeetlooxin. A nqeɗooxaan ndax ta lal a den o anddiloor olaa inoorna na asamaan.

Mace 15:23

Yeesu doon’iran ɗelem leng sax. Daalbe we ten a matiida, a nqeɗooxin ee: «Nomteen, yaam kaa reefan a in, a falalooxaa.»

Mace 10:16

«Mexe lulaa a nuun nen paal kam xa moon. Fat nu ƈiƴit nen pangool, too ƥuuɓit nen a nuukuur.

Amos 5:13

Ten taxu, oxuu jegna yiif xan a geekoox, yaam jamaane fee felee.

Dañel 5:5

Na waxtu faaga, qol o ɓay no kiin a mbeeña soo a mbindaa took me ran-gineena no tabax ne no mbind no maad ne mbaambir a pagal xa lampa le. O maad oxe a ga’a o ɓay oleene bindoogna.

Xa peƭit axe 26:17

Oxaa rokna no nqasir naa a ƭat um a yongeerna kaa nand nen oxaa damna nof o ɓox.

A lim ale 14:22

neene a woortu yee o leng no we sibaxama rokkee no saax leene. Ke da nga’na a qoolaand ale no ndam es fop oo fo xa anddiloor axe fi’uuma Misira fo na koƥ-a-ƥor alaa, yaqanee da maad o mbogaxam, a mbañ o nan-giloox o ñuxur es. Weene fop nga’kee muk saax le daaɓooxuuma fo daan den ee xam cooxin a den, yaam kaa yapatilaam.

Mberaand 49:9

Yudaa kaa ref o njogoy o njanglax, o ƥees, kaa o inoor no nqawlax, tuuƭ o ɓay of, soo wondoox nen njogoy: An na inkan?

YEGIL MBAAX NE YEESU ne Saŋ a bindtuuna 8:2

Kaa koy, ye a kid a nqoolna a nomtooxa no Mbind Roog naa, soo saax le fop a ngar a ndeerin. Maaga, a moofa, a jangnaa a den.

YEGIL MBAAX NE YEESU ne Lik a bindtuuna 11:16

Maaga, lakas we a mbug’aan o mbog, too a laamtaan ta fi o anddiloor olaa inoorna na asamaan.

Mark 12:15

Yeesu a anda yememaar naa den, too a doona a den ee: «Xar taxu nu mbogaxam? Ƥisiidaamoo o xanjar o leng boo um ga.»

A kim a tedu ke 39:1

O yaal a ƭat ale no jeejeek we a xoolne yee a kim alene kaa saq o jangooƭ ole Yedutun. A kim a tedu laa fogna na ke Dawid oo.

Mark 3:2

Wiin waa a ngorooxooga a Yeesu a paax boo a nga, ndax xan a wodand o koor oxeene na bes fee na ñootnax ale, yaam kaa mbug’un o njamb.