YEGIL MBAAX NE YEESU ne Saŋ a bindtuuna 8:44 - NQAARIIT NE ROOG

⁴⁴ Saytaane o mat refu faap nuun, too nu mbugee o mbadin dara, a refangee ke faap nuun a diirooxaa. No mberaand naa boo ndiik o baawar oo, too geenooxkee no ndigil muk, yaam ndigil leng refee no ten. A naagangaa o maaɓaa koy, no ndap xeeñ um a suttan, yaam o maamaaɓ oo, too ten refu faap o maaɓ.

YEGIL MBAAX NE YEESU ne Saŋ a bindtuuna 8:44 Referans Kwoze

A pi ake 13:10

«Wo fee mayna fo naanaxir fo coxod ƥor, ref o ƥiy no ƈiƴ oxe, fañaa o cofel ole, ndax kaa waagiro waas a pi ake Roog o ñufaa?

1Saŋ 3:12

Ba i nand fa Kayin fee fog’ina no paaxeer oxe, boo a xiris o ndeɓ um. Xar tax’u ta warin? Yaam a pi um kaa mbaax’ee, too a pi no ndeɓ um a njof.

2 Korint 11:3

Kaa koy, kaam diidaa sax a qalaat nuun a ndok no naanaxir, soo nu naang tukit o kumnoor o saƭku o ñaku sik ole humin’ina a nuun fa Kiristaa, nu nandat fa Awa fee fangool fa ƈiƴu fee a nax’ina.

Mbeeñil 12:9

Maaga, Niŋki-naŋka maak ne a foor’e tafil. Ten refu Mbangool ne yaaga na xoyeel o ƈiƴ oxe mbaat Saytaane. Ten oxe na naxaa adna fa muum a jooriide a lanq, ten fo malaaka ke ten.

YEGIL MBAAX NE YEESU ne Saŋ a bindtuuna 8:38

Ke ga’uuma no mbind Faap es um laytaa, nuun o mat, nu mbi’aa ke nu nanitna na faap nuun.»

YEGIL MBAAX NE YEESU ne Saŋ a bindtuuna 8:41

Nu mbi’ee nen o ten, nen a faap nuun nu mbi’aa.» A layaan ee: «I ndefee xa ƥiy ceeq fe! Faap fa leng koŋ i njegu, ta ref Roog.»

1Saŋ 3:15

Oxuu na sibaa o pog um, o baawar oo, too nu anda yee o baawar o leng jegee o ñoow o fagkeer ole kam um.

Mace 13:38

A yang ale refu adna fee, ax paax ke a ndef xa ƥiy axe no Maat ne, soo puulaand ke a ndef xa ƥiy no paaxeer oxe.

Yudaa 1:6

Mbetandooxyo malaaka ke ngeek’eerna sañ-sañ fee da cooxeena, soo a nqaƴ kenand ke da njegoodna. Roog a dura a den kam o niɓaan ole na refkaa bo na moos boo moos. Xan a ndef maaga boo na hate fee na bes fa maak faa.

1Saŋ 2:4

Oxuu layna yee: «Andaanum», too gaykee kebil ke ten, oxeene kiin o maamaaɓ oo, too ndigil leng refee no ten.

Mbeeñil 21:8

Kaa koy, kaa farna no wiin weeke: Saɗar we fo gore’aƭaru we fo we na mbi’aa cednooxu fo waawar we fo we na seeqaa fo fan we fo juujuur we fo maamaaɓ we fop, a las den na refkaa a mbeel fiɗel alaa no nqeen saasu kaa. Keene na refkaa fa nqon fa ƭikandeer fee.»

Mberaand 3:15

Xam ɓek njofooraƭar ndeer of fo o tew oxe, ndeer we mbaqaqoorna na wo fo we mbaqaqoorna no ten. Xan oxe faqaqoorna no ten a gef xoox of bo tee rip, soo wo o gaañin no faaɗ.»

1 Piyeer 5:8

Njagandooxyo, kaam ee yetooxyo! O ƈiƴ oxe refna o pañ nuun, kaa widaa nen njogoy nqeexe, a waaƭaa oxaa ta saŋikna.

Mbeeñil 9:11

A njeg’a koy o maad oxaa fodanna a den no xoox le. Ten reeƭu malaaka fee na ngas fiɗel ale, ne’eena na hebre Abadon soo na gerek ta ne’el Apoliyon.

A pi ake 5:3

Maaga, Piyeer a laamta a Anañaas ee: «Ndi xar taxu Saytaane a mayƭand xeeñ of boo o maaɓaa Yiif Tedu le? Xar taxu o ɗasin a seek a leng ale na xaaliis fee o qol ole a watna?

1 Caloori ke 21:1

Bes, Saytaane a hebooxaa o fi a Isra’el paaxeer, soo a riñ a Dawid ta lim Ii-isra’el we.

YEGIL MBAAX NE YEESU ne Saŋ a bindtuuna 6:70

Yeesu a doona a den ee: «Nuun xarɓaxay fo ɗik we, ndax refee yee mi jilu a nuun? A jega na nuun koy oxaa fogna no ƈiƴ oxe.»

Mbeeñil 2:10

Ba o diid no ke o ñagadilkeel. Nan-gilooxi: Xan o ƈiƴ oxe a ɗeetloox a nuun. Xan a ɓek leng-leng na nuun kam kaso, too xan nu toroxandel boo ñaal xarɓaxay. Fat o gore boog boo na fa nqon, too xam cooxong o ñoow ole, ta ref o ndip of.

2 Piyeer 2:4

Yaam Roog wuusee malaaka ke mbakaadna, ndaa a deɓa a den kam fiɗel laa. Maaga a ngeekkeel kam o niɓaan ole boo no ñaal naa na hate faa.

Mbeeñil 13:14

Kaa mo’andoogu we ngenna na adna fee fo xa anddiloor axe ta ci’eena o fi’aa mbaambir Ɓaanoor fa eetaand fee. Naaga, a laya we ngenna na adna fee da mbi nitaal naa nandna fa Ɓaanoor fee laƥ a gaañ’ina, too yaqanee ta maad o ñoowaa.

Mbeeñil 22:15

Kaa koy, we na mbi’aa cednooxu fo fan we fo we na seeqaa fo waawar we fo juujuur we fo fop we mbexna o maaɓaa na fa lay fo na pi, o leng na den rokkee na teeru fee muk.

Ke bindeena no xe ne’eena YOB 1:11

Duqangi rek o jeg ole ten fop boo ga, a wooraxam ee yaaga ta salooxong o nanaa.»

1 Maad we 22:22

A doonaan ee: ‹Xam ret, laynoor duleer we ten fop xa maaƥ.› O Yaal oxe a layaan ee: ‹Kaaga pexey mbaax oo ndax o naxin. Reti o fi naaga!› »

Mace 12:34

Nuun soo ndef fo nqisiil! Nam nu mbaagu o layit tig paax too soxod boo ƈaxooxaa? O don ke refna no xeeñ soom a layaa.

Mace 13:15

A qeeñ ake na xeet feeke kaa ndir. Kaa sux nof den, a mup a kid den, yaam ndik da nga’it a kid den mbaat da nanit nof den mbaat da andit a qeeñ den, soo a saktoox me mi, um wodand a den.›

YEGIL MBAAX NE YEESU ne Saŋ a bindtuuna 7:17

Oxuu bugna o fi ke Roog a bugna, xan a and ndax a cangin ale mi na Roog a hatu ndax nam, ndi mi na kañaa kañ a xoox es.

YEGIL MBAAX NE YEESU ne Saŋ a bindtuuna 8:55

Mi koy, andaanum, too um layangaa yee andinum oo, xam nandat fa nuun, ref o maamaaɓ. Andaanum tigi, too mexe gayaa fa lay um.

1Saŋ 1:8

Boo i layna yee i njegee bakaad, kaa i naxaa a qoox in, too ndigil ne refee na in.

1Saŋ 2:21

Bindaam a nuun, refee yee yaam nu andee ndigil ne, ndaa ne nu anduuna. Nu anda itam ee o maaɓ o leng inoorkee no ndigil ne.

A pi ake 24:9

Yaawuur waa ndeeƭna maaga a saƭkina ke Tertulus a jamboogna a Pool, too a mbeera na: Ndigil kak oo.