YEGIL MBAAX NE YEESU ne Saŋ a bindtuuna 8:43 - NQAARIIT NE ROOG

⁴³ Ndi xar taxu nu nga’ee a qool qac ke um ne’aa a nuun? Yaam kaa felee o nanel soom!

YEGIL MBAAX NE YEESU ne Saŋ a bindtuuna 8:43 Referans Kwoze

YEGIL MBAAX NE YEESU ne Saŋ a bindtuuna 5:43

Kaam gar no gon Faap es, soo nu nquruloox. O lakas a garangaa no gon xoox um koy, nu mbarakooxin.

YEGIL MBAAX NE YEESU ne Saŋ a bindtuuna 7:17

Oxuu bugna o fi ke Roog a bugna, xan a and ndax a cangin ale mi na Roog a hatu ndax nam, ndi mi na kañaa kañ a xoox es.

A pi ake 7:51

Nuun we saƭikna a qoox, nu nqucooxee na qeeñ nuun fo no nof nuun, bes fuu refna kaa nu maafraa fo Yiif Tedu le. Safee nuun koy ee ke daan nuun a ndeeƭna rek, nu ndefu nuun itam.

YEGIL MBAAX NE YEESU ne Saŋ a bindtuuna 6:60

Yaa mayu no daalbe we Yeesu a nanna a ƭelem akaaga, a laya yee: «Heey! Fa lay fene a ñexeta koy! An waagu waag o moof sax tee kaa o nan-gilooxan?»

YEGIL MBAAX NE YEESU ne Saŋ a bindtuuna 8:27

Xool’ee a den dara yee Faap fee a ne’aa.

Yeremi 6:10

An um layitkaa? Ndi an um raagooxkaa, ndax um nan-gilooxel? Nof ke den kaa sux, mbaagee o nan-giloox muk. Fa lay fee no Yaal oxe kaa ref na den calat, mbugiran.

Xa peƭit axe 28:5

Wiin faaxeer we andee ke jofna, we na mbaaƭaa o Yaal oxe mat a anda fop.

Esayi 44:18

Wiin nandu neene, dara refee na qoox den, andee dara. A kid den kaa muurel boo mbaagee a ka, soo da ndaƥ a yiif boo mbaagee o ndam tig.

Esayi 6:9

A layaxam ee: «Reti o lay xeet feene yee: ‹Nu mbug oo nanit nof nuun, ndaa nu andkee tus, ƭeetit a kid nuun, ndaa nu nga’kee dara.›

Mise 4:12

Kaa koy, andee a qalaat no Yaal oxe, yuuƥ ke ten a kunpa a den. Andee yee kaa o Yaal oxe a fokat a den nen a kusax no cukand.

Hoose 14:9

Efrayim reeratee dara fo pangool ke. Kaam jaɓaa a qeƭ um soo gayan. Xam ref no ten nen filaawo nequ, na mi xa tim um a ngataa.»

O leetar ole Pool a bindna GIMU WE NGENNA ROM 3:11

O leng jegee yiif, jegee oxaa na waaƭaa a Roog.

Mace 13:15

A qeeñ ake na xeet feeke kaa ndir. Kaa sux nof den, a mup a kid den, yaam ndik da nga’it a kid den mbaat da nanit nof den mbaat da andit a qeeñ den, soo a saktoox me mi, um wodand a den.›

YEGIL MBAAX NE YEESU ne Saŋ a bindtuuna 5:25

No ndigil, no ndigil, mexe layaa a nuun ee: Waxtu fee xe mbaambir, too a fadiida sax. Waxtu feene refu waxtu fee xon we a nankaa o ñuxur no Ƥeenqe Roog, too we na nankan xan a ñoow.

YEGIL MBAAX NE YEESU ne Saŋ a bindtuuna 8:33

A ndoonaan ee: «In de, xa taan Abraham i ndefu, too i mosee o ndef o paɗ no kiin. Yaaga koy, nam waago o layit ee xan i mbatel?»

YEGIL MBAAX NE YEESU ne Saŋ a bindtuuna 8:39

A ndoonaan ee: «Abraham refu faap in fe!» Yeesu a laya yee: «Nu ndeeƭangaa xa ƥiy Abraham, nu saq a pi’oorooƭ Abraham.