YEGIL MBAAX NE YEESU ne Saŋ a bindtuuna 8:2 - NQAARIIT NE ROOG

² Kaa koy, ye a kid a nqoolna a nomtooxa no Mbind Roog naa, soo saax le fop a ngar a ndeerin. Maaga, a moofa, a jangnaa a den.

YEGIL MBAAX NE YEESU ne Saŋ a bindtuuna 8:2 Referans Kwoze

Mace 26:55

Na waxtu faaga, Yeesu a laya faan laa yee: «Kaa nu ngaraa, mbi nen waa na mbelaa o kuuɗ, saq laƥ fo xa ƭong ndax nu ndamaam. Yaag oo toox de, bes fuu refna a ndeer nuun moofoogum, jangnaa kam Mbind Roog ne, too nu ndam’iraam.

YEGIL MBAAX NE YEESU ne Lik a bindtuuna 21:37

Ñaal nuu fad’ina Yeesu a jangnooga kam Mbind Roog naa, soo no yeng ole ta fe’ik no Joong olaa no taxar oliiw kaa.

YEGIL MBAAX NE YEESU ne Lik a bindtuuna 4:20

Cinj kaaga, Yeesu a afna safe le, a daknin o aa-adax oxaa, soo a moof. We ndeeƭna kam mbind a qeƭ ne fop a naangaan jak a kid, a ƭeetan.

YEGIL MBAAX NE YEESU ne Lik a bindtuuna 5:3

Yeesu a roka no leng no suk ke, too Simoŋ a jeg’un. A layaan ta ret ndeer o maag ole. Yeesu o mat kaa moof’u kam suk ne, soo a jangnaa faan le.

YEGIL MBAAX NE YEESU ne Saŋ a bindtuuna 8:20

Yeesu oxe layta a ƭelem akeene maa halal faa a geekoogeena kam Mbind Roog naa, a soƥ ta jangnaa, ndaa o leng doon’iran o ɓay yaam hap um fad’afulee.

YEGIL MBAAX NE YEESU ne Saŋ a bindtuuna 4:34

Kaa koy, Yeesu a laya a den ee: «Ñaamel es refu um fi’aa ke oxe lulaxama a bugna, soo fadin calel um.

Yeremi 44:4

Kaam gen no luliidaa a nuun duleer we dag es ñaal oo ñaal, ndax da lay a nuun ee: ‹Mbaasyo a pi a cednooxu leene sibuuma!›

Yeremi 25:3

«No kaa xotitna no hiid xarɓaxay fo o hiid o dadkandeer ole no maat Yosiya fee o ƥiy Amon too a ref o maad Yudaa, a gar fa xaye, xa kiid qarɓeen ƭik fo xa kiid xa tadaq axey axaa um daawaa fa lay fee no Yaal oxe, yegnan a nuun roog fuu feedna, ndaa nu nan-gilooxee.

O baawaare xe 9:10

Kuu waagoona o fi’it doole of, fi’een, yaam kam jaaniif fee o jofaa jegee a pi mbaat a qalaat, o and mbaat o jeg-yiif.

Yeremi 32:33

Kaa mbesaam ndiiñ, a mbañ o ƭeetaam. Ke aqatinuuma a den roog fuu feedna fop oo, nan-gilooxee, ndax da njaɓ a maƭax es.

YEGIL MBAAX NE YEESU ne Lik a bindtuuna 21:38

Mbeet nuu refna, wiin we fop a ƥiiɓiidooga no Mbind Roog naa ndax da nan-gilooxin.

YEGIL MBAAX NE YEESU ne Saŋ a bindtuuna 8:3

Jaajangin we no kebil ke Moyiis fo Farisiya we a ƥisiida o tew oxaa beteena fo xaa refeerna o kor um.

A pi ake 5:21

Apootar waa a nanana, too nqes teelu, a ndeta no Mbind Roog naa, a njangnaa maaga. O saasadax o maak oxaa fo we yoon’ina fo ten a nqoyna maak waa na xeet fee Isra’el fop, ndax da mbokat Mal maak ne. Cinj kaaga, a lulta apootar waa na kaso faa.