YEGIL MBAAX NE YEESU ne Saŋ a bindtuuna 7:3 - NQAARIIT NE ROOG

³ Xa teɓ um a soƥiidaan a layin ee: «Ga’aa koy, ndiiki waagaa o ret Yudee, ndax daalbe of fop a mbaag o nga a pi of.

YEGIL MBAAX NE YEESU ne Saŋ a bindtuuna 7:3 Referans Kwoze

Mace 12:46

Ye Yeesu a maadna o layaa fo wiin waa, ya um fo xa teɓ um a ngara, a ngeenoox tafil faa ee yaam kaa mbug’u nga’ir fo ten.

YEGIL MBAAX NE YEESU ne Saŋ a bindtuuna 7:5

O nanangaan koy, kaa xa teɓ um sax ngim’ee no ten.

A pi ake 2:14

Maaga, Piyeer a inooxa fo apootar xarɓaxay fo leng lakas we, too a faambir fa den, a lay faan laa fo o ñuxur o maak ee: «Nuun wiin we Yudee fo nuun we ngarna Yeerusaleem fop, ngela andyo kene! Mbetyo nof nuun nan-giloox fa lay es!

YEGIL MBAAX NE YEESU ne Saŋ a bindtuuna 7:10

Yaa xa teɓ axe Yeesu a ndetna na xew faa, a reta ten itam. Ret’ee koy ndax ta laltinoox, ndaa na pet.

YEGIL MBAAX NE YEESU ne Lik a bindtuuna 8:19

Maaga, ya Yeesu fo xa teɓ axe Yeesu a soƥiidaan, ndaa mbaag’iran o nga, yaam wiin mayu waa ndeeƭna maaga.

Mark 3:31

Ya Yeesu fo xa teɓ axe Yeesu a mbadiida, a ngeenoox tafil mbind naa, a lul o kiin ndax ta xoyin.

Yeremi 12:6

Fog of sax fo ƥasil of fa qoox den xan a ngodong. Den itam xan a njax xa buuq a cinj of. Ba o hooloox a den, yaa da layaa fa wo a ƭelem a pelu.»

1 Sami’el 17:28

Ye Eliyab fee moƴ’ina o ref o maak no maag we Dawid a nanuuna ta layaa fo xiixire waa, a dalfooxaan o fuuxan ƭomu, a layin ee: «Xar waaƭiido mene? An xaƴto xaƴit sax o nged onqaa kam a koƥ-a-ƥor alaa? Andaaxoong a paax, and o nga’atinax fo coxod ne refna kam xeeñ of. O fuud xire fee doŋ taxu o gar mene.»

Mberaand 37:20

Ndiiki koy, fat i mbarin ndeɓin kam a leng na kamb akene. I ndetangaa, i lay ee ƥaaɓaan damun, bo i nga ke xa ƭaaɗ axe ten a ƭaxkan.»

Mark 3:21

Yaa fog we Yeesu a nanna ke xewna, a ngara ndax da ƥisin, yaam a layoogu yee: «Yoonatee fa sagu um.»

YEGIL MBAAX NE YEESU ne Saŋ a bindtuuna 2:2

Yeesu fo daalbe um oo a nqur’e no ngulook naa.

YEGIL MBAAX NE YEESU ne Saŋ a bindtuuna 6:60

Yaa mayu no daalbe we Yeesu a nanna a ƭelem akaaga, a laya yee: «Heey! Fa lay fene a ñexeta koy! An waagu waag o moof sax tee kaa o nan-gilooxan?»

YEGIL MBAAX NE YEESU ne Saŋ a bindtuuna 6:66

Na waxtu faaga, mayu no daalbe we ten a nomtooxu a cinj, a mbañat o yoonaa fo ten.

YEGIL MBAAX NE YEESU ne Saŋ a bindtuuna 7:4

Waay waay, oxaa bugna o andel, naagee o ɗuuɗaa a pi um! O naagangaa o fi’aa ke o fi’aa kañ, fi’i boo fop a nga’ong.»

YEGIL MBAAX NE YEESU ne Lik a bindtuuna 8:20

O leng no wiin waa a laya a Yeesu yee: «Reti jaaɓik! Ya of fo xa teɓ of owe cungang tafil, too kaa mbug o nga’ir fa wo.»