YEGIL MBAAX NE YEESU ne Saŋ a bindtuuna 7:23 - NQAARIIT NE ROOG

²³ Nu naangangaa o nqucaa o kiin na bes fee na ñootnax ale, yaam ndik kebil ke Moyiis a ƭapel, xar taxu nu mbuuxanaam yaam ne wodanduuma o kiin bo tee ceŋ na bes fee na ñootnax ale?

YEGIL MBAAX NE YEESU ne Saŋ a bindtuuna 7:23 Referans Kwoze

Mace 12:5

Ndi boog, kaa nu njangee kam kebil ke Moyiis ee na bes fee na ñootnax ale, saasadax we a naanga o mbi’aa kam Mbind Roog ne kaa xañteena na bes fee na ñootnax ale, too refee tooñ na den?

Mace 12:2

Yaa Farisiya waa a nga’na kaaga, a laya yee: «Daalbe of owe mbi’aa ke a ƭat ale in a xañtaa na bes fee na ñootnax ale.»

A sutax ale 31:14

Fat nu niw bes fee na ñootnax ale, yaam bes fa tedu yoo na nuun. Oxuu maasanduuna, a jaltin, fat a sutel a ndeer no fog um, a warel.

Mace 12:10

too o koor oxaa o ɓay um a xarna a reeƭa maaga. Wiin waa a laamta a Yeesu yee: «Ndax a ƭat ale in a ci’ta o kiin a wodandaa na bes fee na ñootnax ale?» Kaa laamit’un kaaga, ndax da mbaagin o njamb.

YEGIL MBAAX NE YEESU ne Saŋ a bindtuuna 5:10

Yaa Yaawuur waa a nga’na oxe wodand’eena, a layaan ee: «Xaye bes fee na ñootnax ale oo. Kebil ke ci’irang o roxondoox o sar of jayang-jayangnaa fo ten.»

YEGIL MBAAX NE YEESU ne Saŋ a bindtuuna 7:21

Yeesu a doona a den ee: «Mexey fi’a a pi katil a leng kut, soo nu mboor a kid tee kaa nu njaaxiɗ.

YEGIL MBAAX NE YEESU ne Saŋ a bindtuuna 9:16

Naaga, leng-leng no Farisiya waa a laya yee: «Oxe fi’na keene hatee na Roog, yaam a ƭat um yongee na bes fee na ñootnax ale.» Lakas na den a laya yee: «Ndi nam o paabakaad a waagu o fi’it xa anddiloor xa nandu neene?» Ñimatir maak a jega a ndeer den.