«A yoqtangee dara ndax na mi soom, waagiim o fi dara. Ne um nantaa um hate’taa, too kate ne mi kaa jof bo, yaam naagiim o waaƭaa ke buguuma, ndaa ke oxe lulaxama a bugna.
Maaga, Yeesu a laya a den ee: «A koom alaa nu yoɗkaa o Ƥeenqe no kiin oxe rek, nu andkaa oxe refuuma, and itam ee ke um fi’aa refee pexey xoox es. Ke um layaa fop, Faap es jangnaxam o ten.
No ndigil, no ndigil, mexe layang ee: Ke i andna i laytaa, too a refangee kaa i ndoonna a ngid, i naangee o seede’aa lakas, ndaa koy nu njaɓee ke i seede’aa.
Safe leeke refu ke Yeesu Kiristaa a feeñilna. Roog ci’un o ten, ndax ta lal dag we ten ke na xewkaa no miñeer. Keene koy, Kiristaa a andnooraan a Saŋ fee o tag um, ye ta luliidna malaaka um me ten.
Kuu o kiin a waagna o ŋaalooxaa, ta jof na Roog, too refee a cangin ale Kiristaa, oxeene jegee a Roog. Oxuu ŋereƥooxna na cangin aleene koy, a gayan, a jega a Faap fee, a jeg o Ƥeenqe itam.