YEGIL MBAAX NE YEESU ne Saŋ a bindtuuna 6:9 - NQAARIIT NE ROOG

⁹ «A jega mene de o njaaƈ o ngoor onqaa saqna puuru ƥetik kaa mbi’teena lorso, fo liƥ ƭik, ndaa andiim ke keene a ɗaxna faan fod nene.»

YEGIL MBAAX NE YEESU ne Saŋ a bindtuuna 6:9 Referans Kwoze

YEGIL MBAAX NE YEESU ne Lik a bindtuuna 9:13

Took kaaga, Yeesu a laya a den ee: «Cooxyo a den da ñaam, nuun fa qoox nuun!» Kaa koy, daalbe we a ndoonaan ee: «I saqee mene tus a refangeerna puuru ƥetik fo liƥ ƭik. Andum i njikik kaa giñna wiin fod nene.»

Mark 6:38

Maaga, a doona a den ee: «Puuru podnum nu njegu? Ndetyo ƭeetik!» A ƭeeta a paax, too a ndoonaan ee: «Puuru ƥetik fo liƥ ƭik itam.»

Mace 14:17

Daalbe waa a ndoonaan ee: «I njegee mene tus a refangeerna puuru ƥetik fo liƥ ƭik.»

A kim a tedu ke 78:19

A nqasana a Roog, a laamtaa yee: «No ndigil, ndax Roog a waaga o diƈan a in ñaamel na koƥ-a-ƥor ale?

Mace 16:9

Ndax kaa tig refee na qoox nuun? Ndax kaa nu mbetandooxee puuru ƥetik ke no wiin cuni ƥetik we fo a ƭamba pod ne nu nqaadit’ina?

Mark 8:19

Ye xustanuuma wiin cuni ƥetik we puuru ƥetik ke, a ƭamba podnum akaa mayna muut fo xa ƭeg nu nqaadit’u?» A ndoonaan ee: «A ƭamba xarɓaxay fo a ƭak.»

2 Korint 8:9

Yaam nu anda yirmande fee no Yaal in Yeesu Kiristaa. Ten fee jeg’ina halal bo, a fi’ooxa o ndool yaam nuun, ndax nu njegit halal na pexey o ñak um.

A kim a tedu ke 147:14

Kaa saxnaa jam no fiisel of, a giñnoortang bele fee moƴna o faax.

A kim a tedu ke 81:16

We sibaxama, mi o Yaal oxe, a ƥoodooxkoogaan soo a ngen no diid boo kili,

A cangatin ale 8:8

saax laa jegna bele fa lorso fo taxar biiñ fo tun fo taxar goronaad, a jeg itam taxar oliiw fo suum,

Mbeeñil 6:6

Maaga, nanaam kaa nandna fo o ñuxur olaa inoorna a ndeer pindel nahik ke, a lay ee: «Ndabid calel ñaal muum fop kilo leng bele yoo mbaat kilo tadik lorso. Kaa koy, ba o fi kaa faaxeerna na diwliin fee fo na biiñ fee.»

YEGIL MBAAX NE YEESU ne Saŋ a bindtuuna 11:32

Yaa Mari a fadiidna maa Yeesu, a dalfooxa o yen na caf um, a layin ee: «O Yaal oxe, o reeƭangaa meen, o camin es xonkoogee.»

YEGIL MBAAX NE YEESU ne Saŋ a bindtuuna 11:21

Marta a laya a Yeesu yee: «O Yaal oxe, o reeƭangaa meeke, o camin es xonkoogee.

YEGIL MBAAX NE YEESU ne Saŋ a bindtuuna 6:7

Filip a doonaan ee: «Andaam ee i njik’angaa xa qanjar teemeed ƭik sax oo xetandkee a den, deykee a den njemaƭax sax!»

Heseki’el 27:17

Yudaa fo saax le Isra’el kaa njikroogu fa wo, a sofritaa fa wo bele fee Minit, kaaf, suum, diwliin fo ƭuumwel.

A kim a tedu ke 78:41

A ƭeetlooxoogahina a Roog, a paangaa kam no Tedu xe Isra’el.

2 Maad we 7:1

Eliise a laya yee: «Nan-gilooxyo ke o Yaal oxe a layna. O Yaal oxe kaa tee: ‹O feet na waxtu feeke xan o xanjar o leng a jik kilo xarɓaxay fo kilo ƭik mbiɗel bele mbaat kilo qarɓeen ƭik fo kilo nahik lorso no don-maax ole na teeru fee Samari.› »

A cangatin ale 32:14

A ci’a a den fo neew ole no naak ke fo fo sis ole no paal ke fo le no pambe ke fa neebam fee no fo mbaal ne fa fee na suk paal ake fo xa siir axe Basan fo a suk pambe ke fo ke moƴna o faax na bele fee, soo da yeraa foofi le na xa biiñ axe, biiñ fee ñolna.

YEGIL MBAAX NE YEESU ne Saŋ a bindtuuna 6:11

Yeesu a janga puuru kaa, a gidim a Roog soo a lasin we moof’ina. A cooxa a den itam no liƥ kaa boo da ndeyƭoox.

YEGIL MBAAX NE YEESU ne Saŋ a bindtuuna 21:9

Yaa da sutooxna, a nga’a na ƥeeraamb ale fiɗel fa ngeƥande, liƥ a ndoonel took fee. A soƥa maaga itam mbuuru.

YEGIL MBAAX NE YEESU ne Saŋ a bindtuuna 21:10

Yeesu a laya a den ee: «Ƥisiidyo liƥ ke nu sogaa o ndam.»

YEGIL MBAAX NE YEESU ne Saŋ a bindtuuna 21:13

Yeesu a matiida, a jang mbuuru ne fo liƥ ke, a cooxin a den.