YEGIL MBAAX NE YEESU ne Saŋ a bindtuuna 6:51 - NQAARIIT NE ROOG

⁵¹ Mi refu mbuuru ne no ñoow ole hatna na asamaan. Oxuu ñaamna no mbuuru neene koy xan a ñoowaa boo faw. Mbuuru ne um ci’taa koy refu cer es ke um ci’itkaa, ndax adna fee a ñoow.»

YEGIL MBAAX NE YEESU ne Saŋ a bindtuuna 6:51 Referans Kwoze

YEGIL MBAAX NE YEESU ne Lik a bindtuuna 22:19

Cinj kaaga, Yeesu a janga mbuuru, soo a gidim a Roog. A xustaan, a cooxin a den, soo a lay ee: «Kene refu cer ke mi cooxteena yaam nuun. Mbetandooraamoo keene.»

YEGIL MBAAX NE YEESU ne Saŋ a bindtuuna 6:33

Mbuuru ne Roog refu ne fudoorna na asamaan, too adna fop, ta ci a den o ñoow.»

YEGIL MBAAX NE YEESU ne Saŋ a bindtuuna 3:13

O leng mosee o ŋaay na asamaan, a refangee oxe fudooritna na asamaan, ta ref o Ƥeenqe no kiin oxe genna na asamaan.

Tiit 2:14

Ten feene o mat wuusu o ñis um, ndax ta wat a in no ndoƭ kuu ndefna, a fi a in xeet um, xeet faa ta kesna, ten fa xoox um, da mbosoox o mbi’aa paax.

Mace 20:28

Neene o Ƥeenqe no kiin oxe a gartu, refee yee ndax ta dagooxel, ndaa ndax ta dagoox, soo a cooxit o ñis um nen a su’nit no wiin mayu.»

Hebre 10:20

Yeesu a wetanta a in no mbaƴ maak naa a ƭat a qas alaa na ñoownaa, a reefandin no cer um.

2 Korint 5:21

Kiristaa fee moseerna o fi bakaad, Roog a gadnaan pakaad ke in, ndax no ten, Roog a ɗeet a in nen jofu.

1 Piyeer 2:4

Matiidyo me ten, ten fee refna ɓil ñoow le wiin we a ndeɓna, ndaa Roog kaa jil’un, yaam kaa jeg’u o njiriiñ mbaambir um.

Efees 5:2

Fat nu ñoowaa no mbeq, ne Kiristaa a fexitna a in, boo a ɓoxot o ñis um yaam in. O mbeq onqeene na Kiristaa kaa ref nen a su’nit fa sadax faa ɓoxoteena a Roog too a felin.

YEGIL MBAAX NE YEESU ne Saŋ a bindtuuna 3:16

Yaam Roog a fexa adna fee boo a ci’it o Ƥiy o leng kut onqe ta jegna, ndax oxuu gimna no ten saŋkooxkee muk, ndaa ndax ta jeg o ñoow o fagkeer ole.

YEGIL MBAAX NE YEESU ne Saŋ a bindtuuna 1:29

No feet olaa, Saŋ a ƴooka a Yeesu ta xotiidaa maa ten. Maaga, a laya yee: «Nga’yo o Mbaal onqe Roog na watnaa bakaad adna.

1Saŋ 4:14

In o mat, i nga’a, too seede’aa a nuun ee: Faap fee a luliida o Ƥeem ta ref o Muumucil adna.

1Saŋ 4:10

Mene o mbeq onqeene a refu: Refee yee in mbexu a Roog, ndaa Roog o mat fexu a in boo a luliid o Ƥeem, ndax ta ref sadax faa na ñufaa a qaw ale Roog no pakaad ke in.

1Saŋ 2:2

Ten fa xoox um kaa ref sadax faa na ñufaa a qaw ale Roog yaam pakaad in. Refee koy sax ee yaam pakaad in soom, ndaa yaam pakaad ke na adna fee fop.

YEGIL MBAAX NE YEESU ne Saŋ a bindtuuna 1:14

Fa Lay feene koy a xawooxa, a jegat cer no kiin, soo a gar a gen fa in, a may muut fa yirmande fo ndigil. In o mat, i nga’a o ndam um, refna o ndam onqe ta daawitna na Faap fee nen o Ƥeem o leng kut.

Efees 5:25

Nuun gor we, fat oxuu refna na nuun a fex o teem, ne Kiristaa a fexitna o fog ole no gimu we boo a ɓoxotanin o ñis um.

2 Korint 5:19

Yaam Roog a reeƭa na Kiristaa, a jofoorand adna fee fop fa xoox um, too ɓaalee tooñ den. Kaa roxond a in, i yegnitik fa lay fee no njofoor ne.

YEGIL MBAAX NE YEESU ne Saŋ a bindtuuna 7:38

Oxuu gimna na mi, xan a cur foofi kaa na ñoownaa a mbalit kam um, ne a Pind a Tedu ke a laytuuna.»

YEGIL MBAAX NE YEESU ne Saŋ a bindtuuna 3:14

O Ƥeenqe no kiin oxe a wara o yoɗtel ne Moyiis a yoɗit’ina fangool faa na koƥ-a-ƥor alaa,

YEGIL MBAAX NE YEESU ne Saŋ a bindtuuna 3:36

Oxuu gimna no Ƥeenqe, a jega o ñoow o fagkeer ole. Oxuu nananeeruuna koy, jegkee o ñoow oleene, too fuux le Roog oxe cay took um.»

YEGIL MBAAX NE YEESU ne Saŋ a bindtuuna 5:24

No ndigil, no ndigil, mexe layaa a nuun ee: Oxuu nan-gilooxna fa lay es, a gim no xe luliidaxama, a jega o ñoow o fagkeer ole, too geenooxkee no nqeloor naa muk, yaam kaa inoor na fa nqon a rok no ñoow.

YEGIL MBAAX NE YEESU ne Saŋ a bindtuuna 6:35

Yeesu a laya a den ee: «Mi refu mbuuru ne na ñoowdandaa. Oxuu garna me mi xeexkaand boo muk, too gimna na mi hoɗomkaand boo faw.

YEGIL MBAAX NE YEESU ne Saŋ a bindtuuna 6:41

Yaawuur waa koy, a nqaada a Yeesu, yaam ne ta lay’ina yee: «Mi refu mbuuru ne fudoorna na asamaan.»

YEGIL MBAAX NE YEESU ne Saŋ a bindtuuna 6:47

No ndigil, no ndigil, mexe layaa a nuun ee: Oxuu gimna na mi, a jega o ñoow o fagkeer ole.

YEGIL MBAAX NE YEESU ne Saŋ a bindtuuna 6:48

Mi o mat refu mbuuru ne na ñoowdandaa.

YEGIL MBAAX NE YEESU ne Saŋ a bindtuuna 6:50

Oxene koy refu mbuuru ne fudoorna na asamaan, ndax oxuu ñaamna teen xonkee.

YEGIL MBAAX NE YEESU ne Saŋ a bindtuuna 11:26

too oxuu na ñoowaa, a gim na mi, xonkee muk. Ndax gimaa kaaga?»