YEGIL MBAAX NE YEESU ne Saŋ a bindtuuna 6:2 - NQAARIIT NE ROOG

² Wiin mayu a ndeefanaan yaam ne da nga’na xa anddiloor axe ta fi’oogna na bodand ale no jiru we.

YEGIL MBAAX NE YEESU ne Saŋ a bindtuuna 6:2 Referans Kwoze

Mace 12:15

Yaa Yeesu a andna ke da mbexeyaa, a riƈatooxa maaga. Wiin mayu a ndeefanaan too a wodanda jiru waa fop.

YEGIL MBAAX NE YEESU ne Saŋ a bindtuuna 2:11

Neene o mat o anddiloor o eetaand ole na xa anddiloor axe Yeesu a xewit’u kam Kana no jegel ole Galile. Maaga, a feeñla o ndam um, soo daalbe um a ngim no ten.

Mark 6:33

Wiin mayu a nga’a a den da ndetaa, too a andda a den. Ten taxu a inoortiida no teeru kaa fop, a siipaa soo a adook a den maaga da njofoogna.

Mace 14:14

Yaa Yeesu a sutooxna suk naa, a ga’a wiin mayu. A yuɗaan, too a wodanda wiin jiru waa fop.

Mace 8:1

Yaa Yeesu a fudoorna no joong olaa, wiin mayu a ndeefanaan.

Mace 13:2

Yaa wiin mayu a mbokatoorna paam um, a roka no suk, a moof. Wiin waa fop na ƥeeraamb alaa a ngeenoox’u.

Mark 1:45

Kaa koy, o kiin oxeene a reta muu refna, a yegnitik ke ta fi’an’eena. Yaam keene, Yeesu waag’atee o feeñ kam teeru ke. Kaa sutooxoogu tafil, a ret no mbiñ o mbootu, soo wiin we a inooraa muu refna, a ngaraa me ten.

YEGIL MBAAX NE YEESU ne Saŋ a bindtuuna 2:23

Ye Yeesu a refna Yeerusaleem na Xew fee na colandax ale, mayu a ngima no ten, ye da nga’na xa anddiloor axe ta fi’oogna.

YEGIL MBAAX NE YEESU ne Saŋ a bindtuuna 3:2

A gara a soƥiid a Yeesu o yeng o njeek, soo a layin ee: «O Caajangin oxe! I anda xil ee o caajangin o inooru na Roog refo, yaam o leng waagee o fi xa anddiloor axe o fi’aa, Roog a refangee fo ten.»

YEGIL MBAAX NE YEESU ne Saŋ a bindtuuna 6:14

Yaa wiin weene a nga’na o anddiloor ole Yeesu a fi’’ina, a layrooga yee: «Oxene o mat refu o Tuleer oxe warna o gar na adna.»

YEGIL MBAAX NE YEESU ne Saŋ a bindtuuna 6:22

Wiin waa yoq’ina kaltaa koy, a nga’a yee suk leng kut reeƭu maaga, ta ref ne daalbe we a ndok’ina a ndet, too Yeesu yoon’ee fa den.

YEGIL MBAAX NE YEESU ne Saŋ a bindtuuna 6:26

Yeesu a doona a den ee: «No ndigil, no ndigil, mexe layaa a nuun ee: Refee yee yaam ne nu nga’na xa anddiloor taxu nu mbaaƭaxam, ndaa yaam ne nu ñaamneena puuru boo naag tem.

YEGIL MBAAX NE YEESU ne Saŋ a bindtuuna 6:30

A layahinaan ee: «O anddiloor olum o fi’kaa koy boo i nga’ood, ngim na wo? Xar o fi’kaa fi?

YEGIL MBAAX NE YEESU ne Saŋ a bindtuuna 11:47

Maaga saasadax maak we fo Farisiya we a ndalfooxa o mbokat Mal maak ne den, a lay ee: «Xar i mbi’kaa ndiiki koy? O kiin oxeeke, oxe fi’aa xa anddiloor xa mayu de!

YEGIL MBAAX NE YEESU ne Saŋ a bindtuuna 12:18

Mayu a ngara me ten yaam a yeg o anddiloor oleene ta fi’’ina.

YEGIL MBAAX NE YEESU ne Saŋ a bindtuuna 12:37

Ke Yeesu a fi’’ina fi xa anddiloor xa mayu na kid den fop oo, taxee Yaawuur we a ngim no ten.

YEGIL MBAAX NE YEESU ne Saŋ a bindtuuna 20:30

Yeesu a fi’ahina mbaambir daalbe um xa anddiloor xa mayu xaa mbindaandeena no safe leeke.