YEGIL MBAAX NE YEESU ne Saŋ a bindtuuna 5:9 - NQAARIIT NE ROOG

⁹ Ndak fo ndak, o koor oxaa a woda. A dalfooxa o kaf o sar um, a ref na ñaaƈ. Kaaga xaa xew’a na bes fee na ñootnax ale.

YEGIL MBAAX NE YEESU ne Saŋ a bindtuuna 5:9 Referans Kwoze

YEGIL MBAAX NE YEESU ne Saŋ a bindtuuna 9:14

Na bes fee na ñootnax ale koy, Yeesu a xuƥand’u lanq, soo a wodand a kid ake no qoye.

Mark 10:52

Yeesu a layaan ee: «Reti, o ngim of a muclaang.» Na waxtu faaga sax sax a waagata a ka, too a reefana a Yeesu na ƭat ale.

Mark 5:29

Na waxtu faaga sax sax tap ne ten a ɗega, too a yega no cer um ee a woda no ƭomel ole ten.

Mark 1:42

Ndak fo ndak, a tik-a-maak alaa ten a wata, too a xoola.

Mark 1:31

Maaga, a matiidaan, a damin no ɓay, soo a inin. A sumaan ale a xaƴaan, too o tew oxe a inooxa ndax ta genar a den.

YEGIL MBAAX NE YEESU ne Saŋ a bindtuuna 7:23

Nu naangangaa o nqucaa o kiin na bes fee na ñootnax ale, yaam ndik kebil ke Moyiis a ƭapel, xar taxu nu mbuuxanaam yaam ne wodanduuma o kiin bo tee ceŋ na bes fee na ñootnax ale?

YEGIL MBAAX NE YEESU ne Saŋ a bindtuuna 5:14

Taa mbaaambir naa, Yeesu a soƥaan kam Mbind Roog naa soo a layin ee: «Refee wodandee? Ba o bakaadat koy yaam ndik kaa moƴna faaxaƭar a dalong!»

Esayi 35:6

ɓoof we a mboolaa nen njaf, soo muum we a layataa fo o ɗaay. Xan poofi ke a mbal kam a koƥ-a-ƥor ale, soo a ƈufnand ake yee gañ kam o tan ole.

Yeremi 17:21

Keeke o Yaal oxe a layu: Mbootooxyo a qoox nuun, ba nu ndoxondoox toq na bes fee na ñootnax ale, ndeefin a den no tokand ke Yeerusaleem.