YEGIL MBAAX NE YEESU ne Saŋ a bindtuuna 5:44 - NQAARIIT NE ROOG

⁴⁴ Kaa koy, nam nu mbaagu o ngimit sax, nuun we na ƈufanaa o ndam o ngatu no wiin we, mbañ o naaɓ o ndam o ngatu na Roog?

YEGIL MBAAX NE YEESU ne Saŋ a bindtuuna 5:44 Referans Kwoze

YEGIL MBAAX NE YEESU ne Saŋ a bindtuuna 12:43

Kaa o ngidim no wiin we a moƴan’u a den o ngidim Roog.

O leetar ole Pool a bindna GIMU WE NGENNA ROM 2:29

O Yaawuur tigi refu oxe refuuna kam um, a xucoox no xeeñ. Nquc neene koy, inooree no ke bindeena kam kebil ke, ndaa kaa refit na pexey Yiif le Roog. Yaawuur tigi neene koy, o ndam um naagee o hataa no wiin we ndaa na Roog.

Filip 2:3

Baa eetatir a ɓek a nuun na dara, mbaat nu mbi’aa tig ee ndax nu ƥoxotel o ndam o njegee xoox. Fat a neewandax a ref na nuun, nu ƭeetaa lakas we nen gartu a nuun took.

Mace 23:5

Kuu da mbi’aa, kaa mbug soom wiin we a nga a den. Kaa ndokooxaa a safe yaaju fo a ndoki maak akaa njegna pic.

1 Piyeer 1:7

Keene waru, yaam wurus fee nayneena na fiɗel sax, xan a sooƴ. O ngim onqe moƴu o jeg wurus fee o njiriiñ. Neene itam a ɗeetlooxe nen a wurus fee, ndax ta lalit ee ndigil oo. A reftangaa neene, xan o ngim nuun a tagasel, a fakel soo a niwel, yaa Yeesu Kiristaa a nomtooxiidkaa.

1 Sami’el 2:30

Feek neene yoo koy, kene refu ke um yegnang, mi o Yaal oxe Roog fee Isra’el: Kaam reg’u ƥasil of, na carind ale fogoona yee: Saasadax es nu mbugko ndefaa boo kili, ndaa ndiiki koy, kaam yegnang a qoolu yee refkatee neen boo muk, yaam o mat, kaam niwaa we na niwaxam, ndaa we ndeɓaxama, kaam deɓatinaa a den itam.

1 Korint 4:5

Hate fee a refangaa no ɓay Roog koy, nqaƴyo boo hap fee a fad, too a koom o Yaal oxe a gar, a huyit ke dasna, a feeñil ke a yiif ake a mbofna, a kañ wiin we fop, oxuu refna ne ta waritna.

O leetar ole Pool a bindna GIMU WE NGENNA ROM 2:10

We na mbi’aa paax fop o mat, xan Roog a ci a den o ndam fo o niwel fa jam, a eetit no Yaawuur we, cinj kaaga no we ndefeerna Yaawuur,

O leetar ole Pool a bindna GIMU WE NGENNA ROM 2:7

We ngenna no mbi’aa paax, soo a mbaaƭaa o ndam fo o niwel fo o ñoow o jegee hap, xan Roog a ci a den o ñoow o fagkeer ole.

YEGIL MBAAX NE YEESU ne Lik a bindtuuna 19:17

O yaal mbind um a layaan ee: ‹Jook a njal o tag o paax oxe. Gore’aa no tig neewu, ten taxu xam doxnong teeru xarɓaxay!›

2 Caloori ke 6:8

Kaa koy, o Yaal oxe a laya a faap es Dawid ee: ‹Fi’aa paax, yaam ne heñya’oona o maxanaam Mbind.

Saak 2:1

Fog es, ne nu ngimna no Yaal in Yeesu Kiristaa fee jegna o ndam, ba nu samtirandaa wiin we.

Hebre 3:12

Fog we, mbootooxyo yaam ndik o leng na nuun a saq xeeñ faaxaƭaru mbaat ngimaƭar naa taxna ta fes a Roog fa ñoow jok fee a cinj.

2 Korint 10:18

Oxe na layooxaa yee mi yoo naagee o refaa muk oxe na jileel, ndaa oxe o Yaal oxe a jooxna soom.

YEGIL MBAAX NE YEESU ne Saŋ a bindtuuna 17:3

O ñoow o fagkeer ole koy refu yee da andong, wo fee refna Roog fa leng fa ndigil fee, a and itam oxe luliidoona, ta ref Yeesu Kiristaa.

YEGIL MBAAX NE YEESU ne Saŋ a bindtuuna 8:43

Ndi xar taxu nu nga’ee a qool qac ke um ne’aa a nuun? Yaam kaa felee o nanel soom!

YEGIL MBAAX NE YEESU ne Saŋ a bindtuuna 3:20

Oxuu refna a anda yee oxaa na fi’aa paaxeer bugee maa xoolna, too kaa laqtooxaa a qoolaand ale, yaam ndik a pi um a nguytoox.

Yeremi 13:23

Ndax o ngiin-o-ƥaal a waaga o supit ƭool um mbaat o ƴaxal a supit a taad um? Nuun itam, ndax nu mbaaga o mbi paax, nuun we merna o mbi’aa paaxeer?

1 Sami’el 15:30

Sawul a ɓaataan o lay ee: «Bakaadaam! Ndiiki koy, kaam xeɗang o niwaam mbaambir maak we na xeet es fo mbaambir Ii-isra’el we fop, gar yoon fa mi, ndax um gung mbaambir no Yaal oxe Roog of, faɗooxin.»

YEGIL MBAAX NE YEESU ne Saŋ a bindtuuna 5:41

O ndam es, naaginum o suqtitaa no wiin we.

1 Tesalonik 2:6

Yaag oo toox de, nen waa Kiristaa a lulna i mbaag’a o ngeblaa a nuun fa doole, ndaa i mbi’iran, yaam i mbaaƭee o ndam onqaa inoorna no wiin we, refee me nuun, too refee mbaambir no lakas we. Kaa i ƥuuɓ’u kañ, yaa i ndefna a ndeer nuun, boo ne o ƥasil a teeteeltaa xa ƥeem.

1 Timote 1:17

Roog fee mosna mos o refaa o maad, xonkee muk, too waagaand o ga. O ten soom refu Roog. Fat wiin we a ƥoxotin o niwel fo o ndam bo na moos boo moos. Amiini.