YEGIL MBAAX NE YEESU ne Saŋ a bindtuuna 5:4 - NQAARIIT NE ROOG

⁴ yaam kaa jeg’u malaaka faa fudooxiidoogna kam o ul ole leek-leek. Kaa garoogu a jumband foofi le, too oxuu eet’ina o naag teen coloƥ yaa foofi le a jumbandeena a wodooga boo ceŋ, kuu jir um a waag’ina waag o ref.]

YEGIL MBAAX NE YEESU ne Saŋ a bindtuuna 5:4 Referans Kwoze

YEGIL MBAAX NE YEESU ne Saŋ a bindtuuna 5:3

A jeg’a wiin jiru mayu waa mbondooxna ɗuga jibir faaga: Fuuliin, xaruyiin, ɓoofiin. [Oxuu refna na den kaa cungoogu yaa foofi le a yo’nooxkaa,

YEGIL MBAAX NE YEESU ne Saŋ a bindtuuna 5:5

A jeg’a maaga o koor oxaa jir um a jeg’ina fo ten xa kiid qarɓeen tadik fo xa kiid ɓetaa tadaq.

YEGIL MBAAX NE YEESU ne Saŋ a bindtuuna 5:7

O baad oxaa a doonaan ee: «O Yaal oxe, jegiim o leng oxaa ɓekaxama kam o ul ole yaa foofi le a yo’neena, too um naagangaa beret boo um helko fo fi’aa tus, o lakas ee coloƥ a adooxaam.»

2 Maad we 5:10

Eliise a lulta o layanel a Naaman ee: «Reti ɓogook no xuluɓ olaa Yordaan boo a caf ɓetaa ƭaq, too xan cer of a mbod, soo o xool.»

A kim a tedu ke 119:60

Fodandooxiim, kaam ñofandooxaa, ndax um gay kebil of.

Xa peƭit axe 6:4

boo o helko fo sagaa a ngid of mbaat o xaƴ kuñam of da nim.

Xa peƭit axe 8:17

Kaam fex we mbexaxama, too we na mbaaƭaxam kaa nga’axam.

O baawaare xe 9:10

Kuu waagoona o fi’it doole of, fi’een, yaam kam jaaniif fee o jofaa jegee a pi mbaat a qalaat, o and mbaat o jeg-yiif.

Heseki’el 47:8

A layaxam ee: «Foofi lene xan a sutoox, a sag no batand, a fudoox no xuluɓ ole Yordaan, soo a rok kam o maag o Xanju le. Yaa ta jimbooxkaa kam o maag ole, poofi ke no maag ole xan a maasat.

Hoose 13:13

Xa ƭomel gaaj xan a ngar took um, ndaa kaa nand nen o ƥiy onqaa andoona yee, na hap um sutooxee no fud ya um.

Sakari 13:1

«A koom xan a cur foofi laa na ɓogdaa bakaad fo nqoolaƭar a suqtanel mbind Dawid fo we ngenna Yeerusaleem.»

Sakari 14:8

A koom, xan poofi kaa na ñoownaa a sutoor Yeerusaleem, kene a nqot no maag o Xanju laa, kaana no laa Mediterane. Naaga a refitkaa ndiig fo ƈiid.

Mace 6:33

Eetyo mbaaƭ Maat ne Roog fo ke ta bugna, too keene fop, xan nu ndoonanel o ten.

Mace 11:12

No kaa xotitna na jamaane faa Saŋ o Paabatiise xe boo fa ndiik, Maat ne na asamaan kaa bugel o gef fa doole, too yaal toole ke na njeeman o njang.

YEGIL MBAAX NE YEESU ne Lik a bindtuuna 13:24

«Ngoorgoorlooxyo o ndokit no don-maax o ŋooɓu le, yaam mexe layan a nuun, xan mayu a njeem o ndokit teen too mbaagkiran.

YEGIL MBAAX NE YEESU ne Lik a bindtuuna 16:16

Kebil ke Moyiis fo duleer we a maad’a boo na Saŋ o Paabatiise xe. Cinj kaaga, Yegil mbaax ne no Maat ne Roog kaa waare’eel, too o kiin oo kiin kaa jeemaa fa doole um, ndax ta rok teen.

1 Korint 6:11

A jega leng-leng na nuun waa mbi’oogna keene yaaga, ndaa koy nu ƥogde boo nqool, kesanel a Roog, njofandel no gon no Yaal in Yeesu Kiristaa na pexey Yiif le Roog.

1Saŋ 1:7

Kaa koy, i naangangaa o ñaaƴaa kam a qoolaand ale, ne ta refitna na qoolaand ale ten fa xoox um, leng i ndefu, too fo’oy le no Ƥeem Yeesu kaa ɓogaa a in na bakaad fuu refna.