YEGIL MBAAX NE YEESU ne Saŋ a bindtuuna 5:3 - NQAARIIT NE ROOG

³ A jeg’a wiin jiru mayu waa mbondooxna ɗuga jibir faaga: Fuuliin, xaruyiin, ɓoofiin. [Oxuu refna na den kaa cungoogu yaa foofi le a yo’nooxkaa,

YEGIL MBAAX NE YEESU ne Saŋ a bindtuuna 5:3 Referans Kwoze

YEGIL MBAAX NE YEESU ne Lik a bindtuuna 7:22

Yeesu a doona a den ee: «Ndetyo mbetandoox a Saŋ ke nu nga’na fo ke nu nanna. Fuul we owe nga’aa, ɓoof we a ñaaƴaa, we njegna a tik-a-maak ale a nqoolandeel, ram we a nanaa, xon we a nqontooxaa, soo Yegil mbaax ne a yegneel rool we.

Mace 15:30

Wiin mayu a ngara paam um, a ƥisiid waa nqarna, waa mbuulna, waa ƥoofna, waa muumna fo jiru lakas mayu. A mbondna a den na caf Yeesu, too a wodanda a den.

Sakari 11:17

Sabab took no kaynaak o caree tus oxe na fesaa paal um a cinj! Yaasam laƥ a god a naax um soo a yul a ngid um a ñamaak! Kaam ee yaasam a naax um a yeroox, a ngid um a ñamaak a cus!

A ƭomatax ake 3:26

A faaxa ndax o kiin oxe a cungaa ƈufig no Yaal oxe fo o muñ.

Saak 5:7

Fog es, ten taxu mexe layaa a nuun, nu muñ boo na waxtu faa o Yaal oxe a nomtooxiidkaa mene. Nandyo fo o qooxoox: Ngam a fadangaa, o qooxoox kaa duufaa, soo a ref no cungaa bes faa a teƥ a ɓogkaa a cun ake.

O leetar ole Pool a bindna GIMU WE NGENNA ROM 8:25

Mee ndax boo i yaakaaraa ke i nga’eerna, kaa i cungtan o muñ.

Xa peƭit axe 8:34

O kiin oxe na nan-gilooxaxam, a geenooxaa no don-maax es ñaal oo ñaal, a cungaxam no begax es, a ɗaaya,

1 Maad we 13:4

Ye Yerobowam a nanna fa lay fee o kiin Roog oxe a falaloox’ina o sadaxand ole Betel, a letnita o ɓay um took o sadaxand ole ta reeƭna, a lay ee: «Ndameenoo!» Maaga, o ɓay ole Yerobowam a letin’ina farna fo ten a dalfooxa o xar boo waagatiran o nomtiid.

Mace 4:24

Gon um a joot’a kam Siri fop, too a ɓisiidooge waa a cir fo xa ƭomel xa pagkatar a ndamna. A jeg’a waa cini a ndamna fo o mbeƭfeƭin fo wiin waa ƥoofna, too a waadna a den.

YEGIL MBAAX NE YEESU ne Saŋ a bindtuuna 5:2

Na teeru faa Yeerusaleem koy, a jeg’a ndokand naa ne’eena Ndokand ne no paal ke. Paam ndokand naaga, a jeg’a o ul o maxe. Yaawuur we kaa nqoyoogun Betesda, too a jeg’a a qul a ƥetak akaa ndeeruuna, a ƭiiftel kaa fi’na nen jibir faa geenniteena a toodook.

YEGIL MBAAX NE YEESU ne Saŋ a bindtuuna 5:4

yaam kaa jeg’u malaaka faa fudooxiidoogna kam o ul ole leek-leek. Kaa garoogu a jumband foofi le, too oxuu eet’ina o naag teen coloƥ yaa foofi le a jumbandeena a wodooga boo ceŋ, kuu jir um a waag’ina waag o ref.]