YEGIL MBAAX NE YEESU ne Saŋ a bindtuuna 5:10 - NQAARIIT NE ROOG

¹⁰ Yaa Yaawuur waa a nga’na oxe wodand’eena, a layaan ee: «Xaye bes fee na ñootnax ale oo. Kebil ke ci’irang o roxondoox o sar of jayang-jayangnaa fo ten.»

YEGIL MBAAX NE YEESU ne Saŋ a bindtuuna 5:10 Referans Kwoze

YEGIL MBAAX NE YEESU ne Saŋ a bindtuuna 9:16

Naaga, leng-leng no Farisiya waa a laya yee: «Oxe fi’na keene hatee na Roog, yaam a ƭat um yongee na bes fee na ñootnax ale.» Lakas na den a laya yee: «Ndi nam o paabakaad a waagu o fi’it xa anddiloor xa nandu neene?» Ñimatir maak a jega a ndeer den.

YEGIL MBAAX NE YEESU ne Lik a bindtuuna 6:2

Leng-leng no Farisiya waa a laya yee: «Xar taxu nu mbi’aa ke a ƭat ale in a xañtaa na bes fee na ñootnax ale?»

Yeremi 17:21

Keeke o Yaal oxe a layu: Mbootooxyo a qoox nuun, ba nu ndoxondoox toq na bes fee na ñootnax ale, ndeefin a den no tokand ke Yeerusaleem.

YEGIL MBAAX NE YEESU ne Lik a bindtuuna 13:14

Kaa koy, o aa-adax oxaa no mbind a qeƭ naa kaa fuux’u, yaam ne Yeesu a wodandoogna na bes fee na ñootnax ale. Maaga, a laya faan laa yee: «Mee ndax ñaal ɓetuu fa leng mbare o njalaa? Ndax kaa nu mbaagee o ngaraa no pes keene, nu mbugangaa o mbodandel, too mbañ o ngaraa na bes fee na ñootnax ale?»

Mark 3:4

Cinj kaaga, Yeesu a laamta waa ƭeetoogna yee: «Xar a ƭat ale in a simtu? O fi paax na bes fee na ñootnax ale ndi fi paaxeer? O mucil o kiin ndi o warin?» Den o mat mbug’ee o ndoon.

Mark 2:24

Farisiya we a laya a Yeesu yee: «Ga’aano! Xar taxu da mbi’aa ke kebil ke a nqañtaa na bes fee na ñootnax ale?»

YEGIL MBAAX NE YEESU ne Saŋ a bindtuuna 5:16

Ten tax’u Yaawuur we a ndaabaa a Yeesu, yaam ne ta fi’oogna keene na bes fee na ñootnax ale.

YEGIL MBAAX NE YEESU ne Saŋ a bindtuuna 7:23

Nu naangangaa o nqucaa o kiin na bes fee na ñootnax ale, yaam ndik kebil ke Moyiis a ƭapel, xar taxu nu mbuuxanaam yaam ne wodanduuma o kiin bo tee ceŋ na bes fee na ñootnax ale?

YEGIL MBAAX NE YEESU ne Lik a bindtuuna 23:56

Maaga, a nomtooxa a mbaaƭik ƭuumooxel fo miir, ndax da nqendandtin o dal ole. No feet olaa, na bes fee na ñootnax ale, a ñootnooxa ne kebil ke a simtituuna.

Yeremi 17:27

Kaa koy, nu nan-gilooxangiraam, nu tedlandangee bes fee na ñootnax ale, ndoxondoox toq soo ndokit no tokand ke Yeerusaleem na bes fee na ñootnax ale, maaga xam heƥand fiɗel no tokand ke ten, ta raaɓ pind mosu ke Yeerusaleem, too ñufkee boo muk.»

Esayi 58:13

O Yaal oxe kaa tee: «Boo fañoona o yapatil bes fee na ñootnax ale, ndax ƴufankiro ke feloonga na bes fa tedu fee mi, o xoyangaa bes fee na ñootnax ale bes o ɗaay, ɓoxot bes fee kesaneema o ndam, fañ o jaltin, fañ o ƴufan ke feloonga soo fañ o ñimatireel teen xa koɓong,

Mace 12:10

too o koor oxaa o ɓay um a xarna a reeƭa maaga. Wiin waa a laamta a Yeesu yee: «Ndax a ƭat ale in a ci’ta o kiin a wodandaa na bes fee na ñootnax ale?» Kaa laamit’un kaaga, ndax da mbaagin o njamb.

YEGIL MBAAX NE YEESU ne Saŋ a bindtuuna 1:19

Keeke refu a ƭelem ake Saŋ a seede’antuuna ye Yaawuur we a mbodna Yeerusaleem, a lul saasadax fo Leelewi ndax da laamtin ee: «Wo o mat, an refo?»

YEGIL MBAAX NE YEESU ne Saŋ a bindtuuna 5:11

A doona a den ee: «Oxe wodandaxama kaa layaam ee: ‹Jangi o sar of, too ñaaƴ!› »

YEGIL MBAAX NE YEESU ne Saŋ a bindtuuna 5:15

O koor oxaa a reta a lay Yaawuur waa yee Yeesu wodand’un.