YEGIL MBAAX NE YEESU ne Saŋ a bindtuuna 5:1 - NQAARIIT NE ROOG

¹ Cinj kaaga, Yaawuur waa a ndoo­fandooga xew kam Yeerusaleem, too Yeesu a reta maaga ten itam.

YEGIL MBAAX NE YEESU ne Saŋ a bindtuuna 5:1 Referans Kwoze

A cangatin ale 16:16

Goor we na xeet nuun fat a ngaraa a caf a tadak o hiid oluu watna mbaambir no Yaal oxe Roog nuun no mbiñ onqe ta jilkaa, ta ref na Xew fee no puuru canja’e ke fo na Xew fee no pes ɓetuu ƭik takooxiidu ke fo na Xew fee no ƭiif ke. Ba nu ngar mbaambir no Yaal oxe koy fo xa ƥay xa ƥor,

A sutax ale 34:23

Neene, a caf a tadak o hiid oluu watna, goor we na xeet nuun fat a ngaraa me mi fee o Yaal oxe na refkaa boo faw, ref Roog fee Isra’el.

YEGIL MBAAX NE YEESU ne Saŋ a bindtuuna 2:13

Xew fee na colandax ale Yaawuur we a ndoofandoogna a mat’a, too Yeesu a reta Yeerusaleem.

Galati 4:4

Ye hap fee a fadna, Roog a luliida o Ƥeem na adna fee, o tew a rimin, ta refat o Yaawuur oxaa warna o reef kebil ke Roog.

Mace 3:15

Took kaaga, Yeesu a doonaan ee: «Jaɓi rek, yaam i mbara o mbadnit nene o cofel ole Roog fop.» Maaga, Saŋ a jaɓa.

A cangatin ale 16:1

«Fat nu ndoofandanaa o Yaal oxe Roog nuun Xew fee na colandax ale no nqool Abiib, yaam teen o Yaal oxe a sutu a nuun Misira, no yeng.