YEGIL MBAAX NE YEESU ne Saŋ a bindtuuna 4:9 - NQAARIIT NE ROOG

⁹ O tew o Saasamari xaa a layaan ee: «Nam wo o Yaawuur o mat o mat waagaxamo o xeɗit foofi, mi fee refna o tew o Saasamari?» O nanangaan koy, kaa Yaawuur we fo Saasamari we ne’roogee.

YEGIL MBAAX NE YEESU ne Saŋ a bindtuuna 4:9 Referans Kwoze

A pi ake 10:28

Piyeer a laya a den ee: «Refee nu anda yee a ƭat no Yaawuur kaa xañtaam um fokatoor fo o tefee o Yaawuur mbaat um rok no mbind um. Mi o mat, Roog kaa lalaam ee wariim o ɗeet o kiin o leng nen tiimbel mbaat qoolaƭaru.

YEGIL MBAAX NE YEESU ne Saŋ a bindtuuna 8:48

Yaawuur we a layaan ee: «Refee keene i layaa lay! Ke i layna yee jini damong kañ, ndigil oo! O Saasamari o mat refo!»

Mace 10:5

Weene ndefu xarɓaxay fo ɗik we Yeesu a lulna, too a as a den ee: «Ba nu nqot farna fo we ndefeerna Yaawuur, too ba nu ndok no teeru ke no Saasamari we.

A pi ake 1:8

Kaa koy, xan nu ndaaw doole, yaa Yiif Tedu le a fudooxkaa took nuun, too xan nu ndef seede es, layaa kaa jofna na mi kam Yeerusaleem, kam o jegel olaa Yudee fop, kam saax laa Samari, boo no cat adna.»

YEGIL MBAAX NE YEESU ne Saŋ a bindtuuna 4:27

Maaga, daalbe we ten a mbadiida, a soƥin ta layaa fo o tew. Kaaga a bet’a a den lool, ndaa koy o leng layiran ee: «Ndi xar o laamtaa?» mbaat «Xar o layaa fo ten?»

YEGIL MBAAX NE YEESU ne Lik a bindtuuna 10:33

Yaa oxaaga a waanna boo a ɓaatin, o Saasamari a fadiida. Yaa ta ga’uuna, a yuɗaan lool.

A pi ake 10:32

Luli boog wiin da ndet Yope, a nqoyaniidong a Simoŋ fee na lastiteel Piyeer. No mbind no koohoora o ne’e Simoŋ a dalu. Mbind naa koy, paam o maag olaa a refu.›