YEGIL MBAAX NE YEESU ne Saŋ a bindtuuna 4:5 - NQAARIIT NE ROOG

⁵ a fadiida na teeru fa leng no saax laa Samari. Teeru faaga, Sikaar a ne’e, a ref paam o qol olaa Yakoob a xuuyan’ina a Yoseef fee o ƥeem.

YEGIL MBAAX NE YEESU ne Saŋ a bindtuuna 4:5 Referans Kwoze

Yosuwe 24:32

Xa kiiƈ axe Yoseef Ii-isra’el we a ƥistiid’ina Misira a ngase Sikeem no ɗeg lanq olaa Yakoob a jikit’ina xa monjong teemeed xaaliis fa nqoolu na xa taan axe Hamoor fee sinjna teeru fee Sikeem. O ɗeg oleene koy, xa taan axe Yoseef njeg’atun.

Mberaand 33:19

A jikta na xa ƥiy axe Hamoor fee faap Sikeem o ɗeg lanq ole ta sip’ina ƭiif um, a jiktin xa monjong teemeed xaaliis.

Mberaand 48:22

Mi koy, ci’aaxoong a las alaa hupna ale no fog faap of, ale jaɓtuuma no Aa-amori we fo laƥ es fo a qali es.»

YEGIL MBAAX NE YEESU ne Saŋ a bindtuuna 4:12

Ndi boog wo hupu o taan in Yakoob fee waqanna a in a ngas ale, a yer teen, ten fa xoox um fo xa ƥeem fo xa siir um?»

1 Maad we 13:32

yaam no ndigil, o Yaal oxe daawnun ke ta yegnitna took o sadaxand ole Betel fo took fo mbiñ fo tedu ne na ñaang a sadaxand ake ndefna kam teeru fee Samari. Ke ta yegnitna xan a fadnoox.»

YEGIL MBAAX NE YEESU ne Lik a bindtuuna 9:52

Yeesu a lula wiin da adookin. Yaa da ndetna, a ndoka na saate fa leng no Saasamari waa, a mbaaƭan a Yeesu maa ta dalna.

YEGIL MBAAX NE YEESU ne Saŋ a bindtuuna 4:6

A ngas ale Yakoob, maaga a reeƭu itam. Yeesu kaa xij’u bo yaam a ñaaƈ a koƭu le, too a gara a moof paam duutung le na ngas ale, a soƥ njeeƈ ne a fod ndeer xoox.

YEGIL MBAAX NE YEESU ne Saŋ a bindtuuna 4:8

Daalbe um o mat kaa ndet’u no taax kaa, ndax da njik kaa da mbutooxna.

YEGIL MBAAX NE YEESU ne Saŋ a bindtuuna 4:39

Mayu no Saasamari waa ngen’ina na teeru faaga a ngima na Yeesu, yaam ke o tew oxe a lay’ina yee: «A layaxam ke mosuuma o fi fop.»