YEGIL MBAAX NE YEESU ne Saŋ a bindtuuna 4:41 - NQAARIIT NE ROOG

⁴¹ Wiin waa moƴna o may a ngima yaam fa lay fee Yeesu

YEGIL MBAAX NE YEESU ne Saŋ a bindtuuna 4:41 Referans Kwoze

A pi ake 1:8

Kaa koy, xan nu ndaaw doole, yaa Yiif Tedu le a fudooxkaa took nuun, too xan nu ndef seede es, layaa kaa jofna na mi kam Yeerusaleem, kam o jegel olaa Yudee fop, kam saax laa Samari, boo no cat adna.»

A pi ake 8:12

Kaa koy, ye da ngimna Yegil mbaax ne Filip a waare’oogna a den no kaa farna no Maat ne Roog fo no gon le Yeesu Kiristaa, goor fo rew a mbatiise’e.

A pi ake 8:25

A cinj ye Piyeer fa Saŋ a seede’na, too a mbaare fa lay fee no Yaal oxe boo a ƈut, a nomtooxa Yeerusaleem. Ye da ndefna na ƭat, a mbaare’ooga Yegil mbaax ne kam caate mayu no saax laa Samari.

YEGIL MBAAX NE YEESU ne Saŋ a bindtuuna 6:63

Yiif le Roog na ñoownaa, cer ƭaxee dara boo dara fag. A ƭelem ake layuuma a nuun koy, Yiif fo o ñoow a ndefu.

Hebre 4:13

Jegee muk oxaa waagna o ɗas a Roog. Ke ta sakna fop kaa naag duŋ ee fuc mbaambir a kid um. Xan i njangtooxin ke i mbi’na fop.

A pi ake 15:3

Mbokatax ne no gimu we a cooxa a den fop ke da soxla’na na ñaaƈ den. Cinj kaaga, a nqota a ƭat, a nqaañ Fenisi fa Samari, a mbetandooxaa o ngim onqe no we ndefeerna Yaawuur. Kaaga a reeƭa o ɗaay o maak no fog gimu we fop.

YEGIL MBAAX NE YEESU ne Saŋ a bindtuuna 7:46

Alkaati kaa a ndoona a den ee: «Kaa naa adna gode ɓaax, o kiin mosee o lay fa lay fa nqentu naana!»

YEGIL MBAAX NE YEESU ne Lik a bindtuuna 4:32

Wiin we kaa njaaxiɗ’u no ne ta jangnitoogna, yaam ne fa lay um a jegna sañ-sañ.

Mberaand 49:10

O samb o ɗoxir ole sambirkee fa Yudaa, too o anddiloor kelfa le goƭkee a caf um, boo yaa oxe jeguuna a garkaa, oxe qeet ke fop a nanankaa.

YEGIL MBAAX NE YEESU ne Saŋ a bindtuuna 4:40

Ten taxu, yaa Saasamari waa a ngarna a soƥiidin, a nqeɗooxaan, ndax ta moof fa den. A moofa maaga boo a jeg ñaal ƭik.

YEGIL MBAAX NE YEESU ne Saŋ a bindtuuna 4:42

boo a layataa o tew oxe yee: «Refatee yee ke layoona taxu i ngim no ten, yaam i nanana a qoox in, too i anda xil ee ten refu o Muumucil adna.»