YEGIL MBAAX NE YEESU ne Saŋ a bindtuuna 4:34 - NQAARIIT NE ROOG

³⁴ Kaa koy, Yeesu a laya a den ee: «Ñaamel es refu um fi’aa ke oxe lulaxama a bugna, soo fadin calel um.

YEGIL MBAAX NE YEESU ne Saŋ a bindtuuna 4:34 Referans Kwoze

YEGIL MBAAX NE YEESU ne Saŋ a bindtuuna 6:38

Yaam ke taxna um inoor na asamaan gar, refee yee ndax um fi ke felaxama fel, ndaa ndax um fi ke felna oxe luliidaxama.

YEGIL MBAAX NE YEESU ne Saŋ a bindtuuna 5:30

«A yoqtangee dara ndax na mi soom, waagiim o fi dara. Ne um nantaa um hate’taa, too kate ne mi kaa jof bo, yaam naagiim o waaƭaa ke buguuma, ndaa ke oxe lulaxama a bugna.

Ke bindeena no xe ne’eena YOB 23:12

Yapatiliim kebil ke ten, geek o bug es, reefaa ole ten.

YEGIL MBAAX NE YEESU ne Saŋ a bindtuuna 17:4

Ɓoxotaaxoong o ndam na adna fee, muuk calel ke sep’axamoona.

YEGIL MBAAX NE YEESU ne Saŋ a bindtuuna 19:30

Yaa Yeesu a ñimna bineegar faa, a laya yee: «Fop a fadnooxa.» A yoornooxa, soo a saay.

Mace 26:39

Yaa ta retna boo a goƭ o ndik, a gooknooxa, a gung, too a xeɗa a Roog ee: «Faap, a waagangaa jeg, fat o kaas coono lene a riƈatoox boo yerkinum. Kaa koy, baa jegit ne bugtanuuma, ndaa ne bugtanoona.»

YEGIL MBAAX NE YEESU ne Saŋ a bindtuuna 5:36

Seede es koy hupu ne Saŋ, yaam a pi ake Faap fee a doxnaxama ndax um fi a den, ndefna ndef ke um fi’aa ndiiki, kaa laltaa yee Faap fee lulaxam.

YEGIL MBAAX NE YEESU ne Saŋ a bindtuuna 4:32

Ten o mat a laya a den ee: «Kaam jeg ñaamel kaa nu andeerna.»

YEGIL MBAAX NE YEESU ne Lik a bindtuuna 19:10

Yaam o Ƥeenqe no kiin oxe kaa waaƭiid too a mucliid ke mo’na.»

A kim a tedu ke 40:8

Ten taxu um lay ee: «Mexey, garaam! Ke waruuma o fi, soƥaam ta bindel kam a pind a tedu ke.

Hebre 12:2

Fat a kid in a ngaan na Yeesu fee geeninna o ngim in no kaa xotitna no mberaandoong naa boo no muukandoong naa. A softa o ɗaay ole ta geekan’eena fa nqon took a kurwaa, too ɗeetee gaci fee refna teen. Ndiiki koy, oxaa moofa na ñamaak gamb no maad le Roog.

YEGIL MBAAX NE YEESU ne Lik a bindtuuna 15:10

Neene itam, mexe layaa a nuun ee: Xan o ɗaay o maak a jeg mbaambir no malaaka ke Roog yaam o paabakaad o leng kut oxaa fesna pakaad um a cinj.»

A pi ake 20:35

Lalaam a nuun no fop ee nu mbara o njaltaa neene ndax nu mbaag o ndimle’aa we neewna doole. Mbetandooxyo xa ƭelem axe o Yaal oxe Yeesu fa xoox um a layna. Kaa tee: ‹Boo o moƴaa jeg barke, o ci’taa ee o daawaa.› »

YEGIL MBAAX NE YEESU ne Saŋ a bindtuuna 6:33

Mbuuru ne Roog refu ne fudoorna na asamaan, too adna fop, ta ci a den o ñoow.»

Mace 3:15

Took kaaga, Yeesu a doonaan ee: «Jaɓi rek, yaam i mbara o mbadnit nene o cofel ole Roog fop.» Maaga, Saŋ a jaɓa.

YEGIL MBAAX NE YEESU ne Lik a bindtuuna 2:49

Yeesu a laya a den ee: «Xar taxu nu mbaaƭaxam? Ndax kaa nu andee yee waraam o ref no mbind Faap es?»

YEGIL MBAAX NE YEESU ne Saŋ a bindtuuna 8:29

Oxe lulaxama, oxe fa mi. Xaƴiraam sang es, yaam kaam fi’aa kili ke feluuna.»

YEGIL MBAAX NE YEESU ne Saŋ a bindtuuna 19:28

Cinj kaaga, ye Yeesu a andna yee a fadna bareef um fop, a laya yee: «Kaam hoɗomel.» Kaa lay’un, ndax a Pind a Tedu ke a mbadnoox.

Mace 9:19

Yeesu a inooxa, ten fo daalbe um, too a reefanin.