YEGIL MBAAX NE YEESU ne Saŋ a bindtuuna 4:23 - NQAARIIT NE ROOG

²³ Kaa koy, waxtu fee oxe garaa, too a fadiida sax. Ndiiki, faafaɗax tigi we xan a mbaɗooxaa a Faap fee no yiif fo ndigil, too faafaɗax nandu naaga soom Faap fee a laamtu.

YEGIL MBAAX NE YEESU ne Saŋ a bindtuuna 4:23 Referans Kwoze

Filip 3:3

We nqucooxna tigi ndefu in we na mbaɗoortaa a Roog Yiif le ten, in we a tagas in a refna na Kiristaa Yeesu, in weeke ndooneerna yaakaar in no cer.

YEGIL MBAAX NE YEESU ne Saŋ a bindtuuna 5:25

No ndigil, no ndigil, mexe layaa a nuun ee: Waxtu fee xe mbaambir, too a fadiida sax. Waxtu feene refu waxtu fee xon we a nankaa o ñuxur no Ƥeenqe Roog, too we na nankan xan a ñoow.

Galati 4:6

Ne nu ndefna xa ƥiy xa time taxu Roog a luliid Yiif no Ƥeem kam in. Yiif leene koy na falalooxaa yee: «Aba, Faap!»

O leetar ole Pool a bindna GIMU WE NGENNA ROM 8:26

Neene koy Yiif Tedu le kaa garaa, a dimle’iid a in, in we neewna doole. I naangee o andaa sax ne i mbarna o nqeɗit a Roog, ndaa Yiif le fa xoox um kaa xeɗanaa a in fo a yuɗnax alaa waagaandeena o lay.

YEGIL MBAAX NE YEESU ne Saŋ a bindtuuna 12:23

Yeesu a laya a den ee: «Waxtu fee o Ƥeenqe no kiin oxe a wareena o ɓoxot o ndam a fadiida.

Efees 6:18

Mbi’yo keene fop, yoonandtin a qeƭ, nqeɗaa o ndimle Roog na pexey Yiif le. Saƭikyo no keene boog, ngen teen, too nqeɗanaa tedu we fop.

YEGIL MBAAX NE YEESU ne Saŋ a bindtuuna 4:21

Yeesu a layaan ee: «Tew oxe, dooni nqol no ke um layang, yaam waxtu fee nu mbarateerna o mbaɗoortaa a Faap fee no joong oleene mbaat Yeerusaleem a fadiida.

YEGIL MBAAX NE YEESU ne Saŋ a bindtuuna 1:17

Kebil ke Roog kaa ndaawtel na Moyiis, yirmande fo ndigil a ndaawtel na Yeesu Kiristaa.

Esayi 29:13

O Yaal oxe a laya yee: «Xeet fene o don fo muuceek soom a niwtaxam, yaa da matiidaxam, ndaa a qeeñ den kaa ngoƭaam, too caƭar ne da njegna na mi kaa ref o reef soom kaa o kiin a dalinna.

Esayi 58:2

Ñaal oo ñaal kaa mbi’ooxaa waa na mbaaƭaxam, nen waa mbugna o and ke um cungaa da mbi. Kaa nandtaa saax laa na mbesooraa ne warna too mbaasee a ƭat ale Roog den a dalinna. Kaa nqeɗaxam kate cofu soo a mbug um ref fa den.

Esayi 43:21

Maaga, xeet feene sakuuma xan a simataxam.»

O leetar ole Pool a bindna GIMU WE NGENNA ROM 8:15

Yiif le nu ndaawna ɓekee a nuun muk no mbaƭ, boo a taxkaa nu ndefahin no diid. Yiif leene o mat refu Yiif Tedu le fi’na a nuun xa ƥiy Roog boo i nqoyataa a Roog «Aba, Faap!»

Yosuwe 24:14

Ndiiki koy, saɗaryo o Yaal oxe too mbaɗooxin fo o ñak sik fo ngor. Mbatinyo roog ke daan nuun a mbaɗooxoogna, ye da ndefaa kaltaa Ofrat fo no saax laa Misira, soo mbaɗoox o Yaal oxe doŋ.

1 Piyeer 2:9

Nuun o mat, kaa nu ndef xeet fa njile fee, saasadax no Maad oxe, ƥasil tedu ne, xeet fee Roog a watna. Roog kaa jil a nuun, ndax nu yegnitik calel mosu ke ten, ten fee xoyitna a nuun no niɓaan ole, a ɓek a nuun na qoolaand a maak ale ten.

A kim a tedu ke 51:6

Tooñaaxoong, wo soom, fi paaxeer na kid of. O hate’angaam, kaa war, too o xawangaam, a ƭat oo.

A kim a tedu ke 17:1

A qeƭ alaa fogna na ke Dawid oo. O Yaal oxe, nan-gilooxi a qeƭ es a cofu, nan-giloox a paax ƈufginax es, rung nof of na qeƭ es ale jegeerna luqluq fa leng.

1 Sami’el 12:24

Kaa rek, saɗaryo o Yaal oxe, mbaɗooxin no ndigil kam a qeeñ nuun fop too mbetandoox com’andtu ke ta fi’anna a nuun.

YEGIL MBAAX NE YEESU ne Saŋ a bindtuuna 16:32

Waxtu fee oxuu refna na nuun a retankaa a xoox um, oxe garaa, too a fadiida sax. Xan nu nqaƴaam, ndaa yoqkiim koƭong, yaam Faap fee, oxe fa mi.

Yeremi 4:2

daaɓoortaa o Yaal oxe na ñoowaa fo ndigil fo a ƭat fo o cofel, maaga qeet lakas ke sax na wo a mbarke’itkeel soo a mbakoortaxam.»

Yeremi 3:10

Cinj kaaga fop sax, o pog um o tew Yudaa fa ngore’aƭaru fee nomtooxiidee me mi fo xeeñ um fop, ndaa no cat ɗelem soom.» O Yaal oxe layun.

Xa peƭit axe 15:8

O Yaal oxe kaa sib sadax ke no soxodu we, a qeƭ no jofu we mat a felin.

1 Caloori ke 29:17

Wo Roog es, andaam ee kaa o horooxaa a qeeñ ake fop soo fex o cofel. Fi’anaaxoong boog ci’it ke mi no fud o letu kam o cofel ole no xeeñ es, too ga’aam xaye fo o ɗaay xeet of feeke ndefna fa mi a mbi’anong leng kut ke fi’uuma.

O leetar ole Pool a bindna GIMU WE NGENNA ROM 1:9

Roog a anda yee ndigil kak um layaa, ten fee um dagooxaa kam xeeñ es, yaa um waare’aa Yegil mbaax ne jofna no Ƥeem, too a anda itam ee kaam wetandooxaa a nuun kili na qeƭ es.

A kim a tedu ke 147:11

We saɗaruuna kañ njemun, we njegna a koolax no mbeq um.

Heseki’el 22:30

Waaƭaam a ndeer den o koor oxaa maxanna a den saŋe, a geenoox mbaambir es no gur ole, a farit saax le, ndax gefkinum, ndaa koy ga’iim.

A kim ale na kim ake 2:14

A nuukuur es ale kam luf ne na ƥil ake, ɗasna me lunqooxna, lalaam mukit of, nannooraam o ñuxur of, yaam o ñuxur of kaa fel, soo mukit of a yaawnoox.

A kim a tedu ke 32:2

Ndaw o ɗaay no xe o Yaal oxe a ɗeeteerna tooñ um, too nqooƭ nof refee no ten.

Esayi 10:20

A koom, yoqatin we Isra’el ndefna we mucna no mbind Yakoob sereƥooxkatee no xe ñaatlandoogna a den, ndaa xan a sereƥoox fo a koolax a teyu sik no Yaal oxe refna o Tedu xe Isra’el.

YEGIL MBAAX NE YEESU ne Saŋ a bindtuuna 5:28

Baa keene a jaaxɗand a nuun, yaam waxtu fee xan a gar, faa we ndefna kam poy ke fop a nankaa o ñuxur um

YEGIL MBAAX NE YEESU ne Saŋ a bindtuuna 16:2

Xan nu ndaxel no pind a qeƭ ke. Xan a jeg sax jamaane faa we na mbaraa a nuun, a mboogkaa yee kaa mbaɗoortan a Roog.