YEGIL MBAAX NE YEESU ne Saŋ a bindtuuna 4:22 - NQAARIIT NE ROOG

²² Kaa nu mbaɗooxaa kaa nu andeerna, in koy, ke i andna i mbaɗooxaa, yaam a muc ale no Yaawuur we a hatu.

YEGIL MBAAX NE YEESU ne Saŋ a bindtuuna 4:22 Referans Kwoze

A pi ake 17:23

Yaam ye xaañuuma kam teeru nuun, horooxaam xa paɗoorand axe nuun, too ga’aam teen o faɗoorand olaa bindeena yee: ‹Roog fee i andeerna jegun.› Ke nu mbaɗooxaa, too nu andiran koy, um yegnaa a nuun.

Esayi 2:3

Qeet mayu xan a inoox, a lay ee: «Ngaryo i ŋaay no joong ole no Yaal oxe, no Mbind ne na Roog fee Yakoob, ndax ta jangin a in a ƭat um, soo i ñaaƴ na qal um, yaam a cangin a tiindigil ale Siyoŋ a inooraa, fa lay fee no Yaal oxe a hatiidaa Yeerusaleem.»

YEGIL MBAAX NE YEESU ne Lik a bindtuuna 24:47

soo qeet ke fop a mbaare’el, a eetit Yeerusaleem, ndax da mbes pakaad den a cinj, a ndaaw a baasan ale no pakaad ke no gon um.

A pi ake 17:30

Roog ɗeetatee camaane ke wiin we a ndeeƭna no ñak-o-and. Ndiiki koy, oxe xoyaa wiin we na adna fee fop, da mbes pakaad den a cinj,

A kim a tedu ke 147:19

Kaa daawnaa mbind Yakoob fa lay um, bargal um fo kebil um, ta andnoor a den a Isra’el.

Hebre 7:14

Ke woorna refu yee o Yaal in no kurcala le Yudaa a rimte, too Moyiis ne’ee o kurcala leene ye ta layaa kaa farna no saasadax we.

Sakari 9:9

Wo Siyoŋ, o ndoog onqe, ngela felakinooxi, wo Yeerusaleem, o ndoog onqe, jibni xa soroxole! O maad of oxey a garaa me wo, a jof, a ref mbir mbadar a lanq. Kaa koy, magnandooxee too took o faam a ŋaayu, took o mol, o ƥiy no faam o rew.

A kim a tedu ke 68:20

O ngidim a hela o Yaal oxe ñaal oo ñaal. Roog in kaa gadoox a in, ten fee o Muumucil in. A maaf

Esayi 46:13

Mexey matandiidaa o cofel es, goƭatee sax. A muc es ñaalkaand a kar. Mexe ɓisiidaa kam Siyoŋ a muc es. Kaam ee mexe ɓisiidaa a Isra’el tig mosu.»

Esayi 12:2

Roog fee muclaxama oxey. Hoolooxaanum, too diidkatiim dara. O Yaal oxe refu doole es, too ten soom um gimaa, ten fee o Muumucil es.»

Mberaand 49:10

O samb o ɗoxir ole sambirkee fa Yudaa, too o anddiloor kelfa le goƭkee a caf um, boo yaa oxe jeguuna a garkaa, oxe qeet ke fop a nanankaa.

Esdaraas 4:2

A soƥiida a Serubabel fo yaal ƥasil ke, a lay a den ee: «Kaa i mbug o maxatin fa nuun Mbind Roog nene, yaam Roog nuun i mbaɗooxaa nen a nuun too ten i ƥoxotaa sadax no kaa xotitna na jamaane faa Esar-Hadon fee o maad oxe Asuur a ɓisiidna a in mene.»

Esayi 12:6

Nuun we ngenna Siyoŋ, njibinyo xa ƈeel too mbelakinoox, yaam o Tedu xe Isra’el refna a ndeer nuun kaa magin.

A pi ake 3:26

Neene boog, nuun Roog a eetu o sutan o tag um Yeesu, a luliidin ndax ta barke a nuun, yaa o kiin oo kiin na nuun a fesna njofaƭar um a cinj.»

O leetar ole Pool a bindna GIMU WE NGENNA ROM 11:18

Ten taxu wariro o xeef a naaq ake ƭegeena. Xar taxu o fakooxaa boog? Refee yee wo na dif’aa a paƴ ale, ndaa o ten o mat na dif’ang.