YEGIL MBAAX NE YEESU ne Saŋ a bindtuuna 4:14 - NQAARIIT NE ROOG

¹⁴ Kaa koy, oxe na yerkaa foofi le um cooxkan, hoɗomkataand boo muk. Foofi leene um cooxkan xan a fi kam um a mbeel alaa a cur ake a nqawraa, a cooxin itam o ñoow o fagkeer ole.»

YEGIL MBAAX NE YEESU ne Saŋ a bindtuuna 4:14 Referans Kwoze

YEGIL MBAAX NE YEESU ne Saŋ a bindtuuna 6:35

Yeesu a laya a den ee: «Mi refu mbuuru ne na ñoowdandaa. Oxuu garna me mi xeexkaand boo muk, too gimna na mi hoɗomkaand boo faw.

Esayi 49:10

Nqeexkataand too ngoɗomkataand, mbooyo ne mbaat njeeƈ ne ñaatlandkatee a den, yaam oxe yirimna a den na refkaa o kaynaak den, too xan a ɓakand a den na cur foofi.

Mbeeñil 7:16

Nqeexkataand, ngoɗomkataand too njeeƈ ne mbaat a sumaan ale ñaatlandkatee a den,

YEGIL MBAAX NE YEESU ne Saŋ a bindtuuna 11:26

too oxuu na ñoowaa, a gim na mi, xonkee muk. Ndax gimaa kaaga?»

YEGIL MBAAX NE YEESU ne Saŋ a bindtuuna 6:58

Oxene mat refu mbuuru ne fudoorna na asamaan. Refitkee nen daan we nuun ñaam’ina maan, too yaqanee da nqon. Oxuu ñaamna no mbuuru neeke koy, xan a ñoowaa boo faw.»

1Saŋ 5:20

I anda itam ee o Ƥeenqe Roog a gara, too a ci’a a in o and, ndax i and o Tiindigil oxe refna Roog. In wey no Tiindigil oxe na pexey o Ƥeem Yeesu Kiristaa. Yeesu feene koy refu Roog fa ndiindigil fee fo o ñoow o fagkeer ole.

2 Korint 1:22

Ten ñaasu a in o anddiloor um, a fudniid Yiif Tedu le kam a qeeñ in nen a ƭegeer njigand.

O leetar ole Pool a bindna GIMU WE NGENNA ROM 6:23

Ke bakaad a rabdaa refu fa nqon, ndaa ci’it mbadu ne Roog refu o ñoow o fagkeer ole na Kiristaa Yeesu o Yaal in.

1 Piyeer 1:22

Ne nu nananna ndigil ne, nu nqoolanda xa laaw nuun, ndax nu mbex tigi we nu mbogitna o ngim. Mbexiryo a paax boog a ndeer nuun fo xeeñ letu.

YEGIL MBAAX NE YEESU ne Saŋ a bindtuuna 10:10

O kuuɗ, nguuƭ fo a bar fo yaq na inan. Mi koy, kaam gar, ndax paal ke mi a njeg o ñoow, a njegin ta dey sik.

Efees 4:30

Ba nu ngooyand Yiif Tedu le Roog. Mee ndax Yiif le refu o ñaas ole Roog lalteena took nuun! O ten na woornaa yee xan a jeg bes faa Roog a watkaa a nuun tigi no paaxeer boo faw.

O leetar ole Pool a bindna GIMU WE NGENNA ROM 5:21

Yaaga boog, ne bakaad a jegit’ina sañ-sañ boo a garit fa nqon, neene itam yirmande fee Roog a jegtu sañ-sañ na pexey o cofel ole, ndax ta ɓis a in no ñoow o fagkeer olaa na pexey Yeesu Kiristaa o Yaal in.

Mace 25:46

Waaga xan a ndet na qaw alaa fagkeerna boo faw, soo jofu we a ndet no ñoow o fagkeer olaa.»

Esayi 55:1

«Heey! Nuun fop we ngoɗomeena, ngaryo no poofi ke, nu njegangee xaaliis sax oo. Ngaryo, mbaaƭan a qoox nuun kaa nu ñaamna, nqot na biiñ fee fo no fo sis ole, jegee ndabid, ci’it oo.

Esayi 58:11

O Yaal oxe xan a ref o ƭooɗox of kili. O refangaa kam ee kam a koƥ-a-ƥor ale sax, xan a ñaamnong boo wee tem, soo a ɓaatong doole. Xan o nand nen a ƭing alaa sooreena boo sap, nen a mbeel alaa ŋiiskeerna.

Yeremi 2:13

Xeet es a tooña a caf a ƭak: a mbaasaxam, mi fee refna a cur foofi fo ñoow ole, ndax da maxan a qoox den pand, pand kaa mbeɗidna boo mbaagee o ngarin foofi.»

Yeremi 31:25

Yaam xam xeƴnoor we ngoɗomeena, giñnoor fop we nqeexeena.»

Heseki’el 47:9

Kuu na yo’nooxaa teen xan a ñoow muu a ƈufnand ale fadna. Xan liƥ ke a naang gañ yaam ne foofi leene a fadkaa maaga too xan poofi ke a maasat. Muu a ƈufnand ale a fadna xan o ñoow a jeg maaga.

Mace 5:6

We nqeexeena too a ngoɗomel o cofel ole Roog a ƭaaya, yaam xan a ngiñ!

YEGIL MBAAX NE YEESU ne Saŋ a bindtuuna 4:10

Yeesu a doonaan ee: «O and’angaa ci’it Roog, and itam oxe layoonga yee ‹Ci’aam um yer›, xeɗkoogaano wo fa xoox of, too yaaga a ci’koogaang foofi fo ñoow.»

YEGIL MBAAX NE YEESU ne Saŋ a bindtuuna 4:11

O tew oxe a layaan ee: «E, yaal mbind! Jegiro ƈeewir leng, a ngas ale a xooɗit nene, mam o jegitkaa foofi fo ñoow koy?

YEGIL MBAAX NE YEESU ne Saŋ a bindtuuna 4:13

Yeesu a doonahinaan ee: «Oxuu yerna foofi leene, xan a dakoox o hoɗomel a miñ miñ.

YEGIL MBAAX NE YEESU ne Saŋ a bindtuuna 4:36

Oxe na saxadlaanaa kaa rabdeel, too a naaga o fokatanaa o ñoow o fagkeer ole xa tim, ndax oxe na duufaa fo xe na saxadlaanaa a mbelakinooxandoor.

YEGIL MBAAX NE YEESU ne Saŋ a bindtuuna 6:27

Koo qoyni, baa ŋos-ŋos nuun a haan no ñaamel ke andoona yee a miñ miñ kaa ƥooskaa rek, ndaa fat a haan no ñaamel ke na ndefkaa boo no ñoow o fagkeer olaa, too o Ƥeenqe no kiin oxe a ci’kan a nuun. Ten o mat, Roog Faap fee a ñaasu.»

YEGIL MBAAX NE YEESU ne Saŋ a bindtuuna 7:37

Na bes fa mbalakaand faa, refna ref bes faa moƴna o magin na xew faa, Yeesu a inooxa a geenoox, a lay a maak ee: «Oxuu hoɗomeena, fat a gar a yer me mi!

Mbeeñil 7:17

yaam o Mbaal onqe refna ndeer gamb no maad le na refkaa o Kaynaak den. Xan a ɗox a den na cur foofi le na ñoownaa, soo Roog a forit xa kooniit den.»

A paɗax ale 11:36

Kaa koy, boo o dal ole a yenna kam a soon mbaat na ngas, foofi le xan a maad o xoolaa, ndaa oxe na suudkaa o dal ole, xan a xoolaƭar.