YEGIL MBAAX NE YEESU ne Saŋ a bindtuuna 4:11 - NQAARIIT NE ROOG

¹¹ O tew oxe a layaan ee: «E, yaal mbind! Jegiro ƈeewir leng, a ngas ale a xooɗit nene, mam o jegitkaa foofi fo ñoow koy?

YEGIL MBAAX NE YEESU ne Saŋ a bindtuuna 4:11 Referans Kwoze

1 Korint 2:14

O kiin sang um sang um koy, refna ref oxe jegeerna Yiif le Roog, waagee o jaɓ ke farna no Yiif le Roog yaam o ñak-xoox a fi’un. Waagiran o and itam, yaam Yiif le Roog soom waagun o gaal.

YEGIL MBAAX NE YEESU ne Saŋ a bindtuuna 3:4

Nikodeem a layaan ee: «Ca, nam o kiin a waage waag o rimit yaa ta nogoyna? Ndax a waaga o nomtoox no fud ya um, soo a rimatinel?»

Yeremi 2:13

Xeet es a tooña a caf a ƭak: a mbaasaxam, mi fee refna a cur foofi fo ñoow ole, ndax da maxan a qoox den pand, pand kaa mbeɗidna boo mbaagee o ngarin foofi.»

YEGIL MBAAX NE YEESU ne Saŋ a bindtuuna 4:14

Kaa koy, oxe na yerkaa foofi le um cooxkan, hoɗomkataand boo muk. Foofi leene um cooxkan xan a fi kam um a mbeel alaa a cur ake a nqawraa, a cooxin itam o ñoow o fagkeer ole.»

YEGIL MBAAX NE YEESU ne Saŋ a bindtuuna 7:37

Na bes fa mbalakaand faa, refna ref bes faa moƴna o magin na xew faa, Yeesu a inooxa a geenoox, a lay a maak ee: «Oxuu hoɗomeena, fat a gar a yer me mi!

A pi ake 10:14

Kaa koy, Piyeer a doonaan ee: «Koo boo muk, o Yaal oxe! Mosiim o ñaam tus kaa na diimbeel mbaat kaa xoolaƭarna.»

Mbeeñil 7:17

yaam o Mbaal onqe refna ndeer gamb no maad le na refkaa o Kaynaak den. Xan a ɗox a den na cur foofi le na ñoownaa, soo Roog a forit xa kooniit den.»

Mbeeñil 21:6

Naaga, a doona teen ee: «Fop a fadnooxa! Mi refu Alfa fa Omega, mberaandoong ne fo muukandoong ne. Oxuu hoɗomeena, xam ci’in no fud o letu ta yer na cur foofi le na ñoownaa.

Mbeeñil 22:1

Naaga, malaaka fee a lalaxam o xuluɓ ole no foofi le na ñoownaa. Kaa mir-mirnoogna nen galam fo jem a sutoorooga no gamb no maad le, Roog fo o Mbaal onqe a njegna,

Mbeeñil 22:17

Yiif le Roog fo o Kulook oxe kaa layaa yee: «Gari!» Oxuu nanna kene fat a lay itam ee: «Gari!» Oxuu hoɗomeena fat a gar, a yer. Oxuu bugna foofi le na ñoownaa, fat a jangin! Ci’it oo!