YEGIL MBAAX NE YEESU ne Saŋ a bindtuuna 4:10 - NQAARIIT NE ROOG

¹⁰ Yeesu a doonaan ee: «O and’angaa ci’it Roog, and itam oxe layoonga yee ‹Ci’aam um yer›, xeɗkoogaano wo fa xoox of, too yaaga a ci’koogaang foofi fo ñoow.»

YEGIL MBAAX NE YEESU ne Saŋ a bindtuuna 4:10 Referans Kwoze

YEGIL MBAAX NE YEESU ne Saŋ a bindtuuna 4:14

Kaa koy, oxe na yerkaa foofi le um cooxkan, hoɗomkataand boo muk. Foofi leene um cooxkan xan a fi kam um a mbeel alaa a cur ake a nqawraa, a cooxin itam o ñoow o fagkeer ole.»

Mbeeñil 7:17

yaam o Mbaal onqe refna ndeer gamb no maad le na refkaa o Kaynaak den. Xan a ɗox a den na cur foofi le na ñoownaa, soo Roog a forit xa kooniit den.»

Esayi 44:3

yaam xam balin poofi took no xe hoɗomeena soo fi a banj took lanq ke mbeerna koroŋ. Xam fudin Yiif es took xa ƥeef, fa barke es took xa taan of.

Mbeeñil 21:6

Naaga, a doona teen ee: «Fop a fadnooxa! Mi refu Alfa fa Omega, mberaandoong ne fo muukandoong ne. Oxuu hoɗomeena, xam ci’in no fud o letu ta yer na cur foofi le na ñoownaa.

YEGIL MBAAX NE YEESU ne Saŋ a bindtuuna 3:16

Yaam Roog a fexa adna fee boo a ci’it o Ƥiy o leng kut onqe ta jegna, ndax oxuu gimna no ten saŋkooxkee muk, ndaa ndax ta jeg o ñoow o fagkeer ole.

Yeremi 2:13

Xeet es a tooña a caf a ƭak: a mbaasaxam, mi fee refna a cur foofi fo ñoow ole, ndax da maxan a qoox den pand, pand kaa mbeɗidna boo mbaagee o ngarin foofi.»

Mbeeñil 22:17

Yiif le Roog fo o Kulook oxe kaa layaa yee: «Gari!» Oxuu nanna kene fat a lay itam ee: «Gari!» Oxuu hoɗomeena fat a gar, a yer. Oxuu bugna foofi le na ñoownaa, fat a jangin! Ci’it oo!

Sakari 14:8

A koom, xan poofi kaa na ñoownaa a sutoor Yeerusaleem, kene a nqot no maag o Xanju laa, kaana no laa Mediterane. Naaga a refitkaa ndiig fo ƈiid.

O leetar ole Pool a bindna GIMU WE NGENNA ROM 8:32

Roog feene wuusee o Ƥeem, ndaa a ɓoxotaan yaam in fop. Xar na taxkaa boo ci’kee a in, i njeg fop fo ten?

1 Korint 10:4

a yer kaa refna a yer-yiif, yaam ɓil laa da yertoogna foofi laa, ɓil-yiif a reeƭu, too kaa reefanoogu a den muu refna. Ɓil laaga koy, Kiristaa a reeƭu.

Esayi 12:3

Xan nu ƈeewaa fo o ɗaay na cur ake na muc ale,

YEGIL MBAAX NE YEESU ne Saŋ a bindtuuna 6:35

Yeesu a laya a den ee: «Mi refu mbuuru ne na ñoowdandaa. Oxuu garna me mi xeexkaand boo muk, too gimna na mi hoɗomkaand boo faw.

Esayi 49:10

Nqeexkataand too ngoɗomkataand, mbooyo ne mbaat njeeƈ ne ñaatlandkatee a den, yaam oxe yirimna a den na refkaa o kaynaak den, too xan a ɓakand a den na cur foofi.

Sakari 13:1

«A koom xan a cur foofi laa na ɓogdaa bakaad fo nqoolaƭar a suqtanel mbind Dawid fo we ngenna Yeerusaleem.»

YEGIL MBAAX NE YEESU ne Saŋ a bindtuuna 17:3

O ñoow o fagkeer ole koy refu yee da andong, wo fee refna Roog fa leng fa ndigil fee, a and itam oxe luliidoona, ta ref Yeesu Kiristaa.

YEGIL MBAAX NE YEESU ne Saŋ a bindtuuna 6:51

Mi refu mbuuru ne no ñoow ole hatna na asamaan. Oxuu ñaamna no mbuuru neene koy xan a ñoowaa boo faw. Mbuuru ne um ci’taa koy refu cer es ke um ci’itkaa, ndax adna fee a ñoow.»

Esayi 43:20

Muumeen a koƥ ke fo xa ƥox-a-koƥ axe fo a ba ake xan a niwaam, yaam ne um balinkaa foofi kam a koƥ-a-ƥor ale soo suqit xa quluɓ no fo mbiñ fo mbeeru koroŋ ne, ndax um ci xeet fee jiluuma da yer.

Esayi 35:6

ɓoof we a mboolaa nen njaf, soo muum we a layataa fo o ɗaay. Xan poofi ke a mbal kam a koƥ-a-ƥor ale, soo a ƈufnand ake yee gañ kam o tan ole.

A kim a tedu ke 46:4

mbaat a yag-ee-yag ake a ndititaa, a palaƈaa, a yoɗooxaa boo xa coong axe a sendaa. A maaf

A sutax ale 17:6

Xam geenoox maaga mbaambir of took ɓil no joong olaa Horeb. Fat o xaw ɓil le, too xan foofi laa xeet fee a mbaagna o yer, a balit teen.» Moyiis a fi’a naaga na kid no maak weene.

2 Korint 9:15

Yaasam Roog a ɓoxotel o ngidim yaam ci’it ne ten jegeerna nand.

YEGIL MBAAX NE YEESU ne Lik a bindtuuna 11:13

Ke nu soxodna soxod fop oo, kaa nu ci’aa xa ƥiy nuun tig paax. Yaaga koy, ndax Faap nuun fee na asamaan ci’kee Yiif Tedu le we nqeɗuuna o ten?»

Esayi 42:6

«Mi o Yaal oxe, kaam xoyong no cofel soo damong no ɓay. Kaam saytooxang soo dalnong, ndax o ref ngiɓoor ne mi fo qeet ke, ref a qoolaand ale na saax ake.

Efees 2:8

Neene boog, na yirmande Roog nu muctu na pexey o ngim onqe. A muc aleene koy hatee na nuun, ci’it Roog oo.

1 Korint 1:30

O ten doonu a nuun na Kiristaa Yeesu. Kaa Roog a fi a Kiristaa ta ref na in o jeg-yiif fo o cofel fo o tedel fo a bateer,

Esayi 9:6

Sañ-sañ um kaa magin, too jam fee xan a gen cay took uum-maamaad le Dawid fo no maat um. Xan a sinjtel soo a saƭkandtel a ƭat fo o cofel, ndiiki bo na moos boo moos. Keene o mat o Yaal oxe Hupna fop a fi’kaa kam o mbeq o naalu nqe ten.

1Saŋ 5:20

I anda itam ee o Ƥeenqe Roog a gara, too a ci’a a in o and, ndax i and o Tiindigil oxe refna Roog. In wey no Tiindigil oxe na pexey o Ƥeem Yeesu Kiristaa. Yeesu feene koy refu Roog fa ndiindigil fee fo o ñoow o fagkeer ole.

YEGIL MBAAX NE YEESU ne Saŋ a bindtuuna 16:3

O nanangaa da mbi’an koy, kaa andee a Faap fee, andiraam.

A pi ake 9:11

Maaga, o Yaal oxe a layaan ee: «Inooxi ret na ƭat ale ne’eena a Ƭat a cagu le. Ɗeeti kam mbind Yudaa o koor oxaa ne’eena Sool, a rimel kam teeru faa Tars. Oxaa maaga, a xeɗaa.

A kim a tedu ke 10:17

O Yaal oxe, kaa o nan-gilooxaa ke neewandooxu we a yakaƥaaraa, soo ɓaataa a den njambaar. Kaa o rungaa nof of farna fa den,

A kim ale na kim ake 4:15

Kaa o ref a cur na ƭing ake, ref a ngas foofi fo ñoow, o xuluɓ olaa na fudoortiidaa Libaŋ.

Hebre 6:4

O leng waagatee o dimle we ndaawna a qoolaand ale Roog boo a ƈut, a ñim ci’it ne Roog, a njeg a las no Yiif Tedu le,

Heseki’el 16:35

Ten taxu, wo Yeerusaleem, a caga le, nan-gilooxi fa lay fee no Yaal oxe!