YEGIL MBAAX NE YEESU ne Saŋ a bindtuuna 4:1 - NQAARIIT NE ROOG

^1-3 We mbugna o ndeef a Yeesu a ngara maa ten, ndax ta batiise a den. Kaa koy, refee yee Yeesu fa xoox um batiise’oogu, ndaa daalbe um. Neene, daalbe we Yeesu a moƴ’ata o may we Saŋ. Yaa Yeesu a yegna yee Farisiya we a nana keene, a inoora Yudee, soo a nomtoox Galile.

YEGIL MBAAX NE YEESU ne Saŋ a bindtuuna 4:1 Referans Kwoze

YEGIL MBAAX NE YEESU ne Saŋ a bindtuuna 3:26

A ngara me Saŋ, soo a layin ee: «O Caajangin oxe! Oxe reeƭna fa wo ye i ndefaa kaltaa o xuluɓ ole Yordaan, too o seede’an’un de, kaa batiise’aa ndiiki. Wiin we fop, maaga a njoobatu.»

YEGIL MBAAX NE YEESU ne Saŋ a bindtuuna 3:22

Cinj kaaga, Yeesu a yoona fo daalbe um, da ndet no jegel olaa Yudee. A refa maaga fa den, a batiise’aa.

2 Korint 4:5

Ii, refee yee a qoox in i mbaare’aa. Kiristaa Yeesu fee refna o Yaal oxe o mat i mbaare’aa, soo yegnaa a nuun ee faɗ nuun i ndefu yaam Yeesu.

1 Korint 15:47

O kiin o eetaand oxe kaa hat no lanq, a ref laalanq, o ƭikandeer oxe a inoor na asamaan.

1 Korint 2:8

O jeg-yiif oleene, o aa-adax o leng andiran na adna feeke, yaam a and’angaan ndengkoogee o Yaal oxe jegna o ndam na kurwaa.

A pi ake 10:36

Nu anda fa lay fee Roog a lultiidna xeet fee Isra’el, ta ref Yegil mbaax ne na ci’taa jam na pexey Yeesu Kiristaa, refna o Yaal no fop.

Mbeeñil 19:16

No ndoki ne ten fo na ñaal ale ten gon lene a binde: «O Maad oxe no maad we fo o Yaal oxe no yaal we.»

Saak 2:1

Fog es, ne nu ngimna no Yaal in Yeesu Kiristaa fee jegna o ndam, ba nu samtirandaa wiin we.

YEGIL MBAAX NE YEESU ne Lik a bindtuuna 2:11

Kam o yeng olene, na teeru faa Dawid, nu ndimane o Muumucil. Ten refu Kiristaa, o Yaal oxe.

YEGIL MBAAX NE YEESU ne Lik a bindtuuna 19:34

A ndoona a den ee: «O Yaal oxe soxla’un.»

YEGIL MBAAX NE YEESU ne Lik a bindtuuna 19:31

O kiin a laamtangaa a nuun ee: ‹Xar taxu nu mboktan?› fat nu ndoonin ee: ‹O Yaal oxe soxla’un.› »

YEGIL MBAAX NE YEESU ne Lik a bindtuuna 1:76

Wo o mat o ƥees, xan o xoyeel o tuleer no xe Took-ee-took. Xan o ñaaƴaa mbaambir no Yaal oxe, ndax o jagandanin a ƭat um.

YEGIL MBAAX NE YEESU ne Lik a bindtuuna 7:13

Yeesu a ga’a o tew oxe, ta yuɗin, too a layaan ee: «Ba o lool!»

YEGIL MBAAX NE YEESU ne Lik a bindtuuna 7:19

too a lul a den maa no Yaal oxe, ndax da laamtin ee: «Wo refu oxe warna o gar, ndi kaa i mbar o cung o lakas?»

1 Korint 1:17

Batiise taxee Kiristaa a inaam. O nanangaa um inoox, o yegnitik Yegil mbaax ne taxun. Refee itam ee o fel-o-ɗek taxu um waare’aa, yaam yaaga a kurwaa le Kiristaa a fi’kel cegee xoox.