YEGIL MBAAX NE YEESU ne Saŋ a bindtuuna 3:6 - NQAARIIT NE ROOG

⁶ Kuu cer a ndimna no cer a fogu, too kuu hatna no Yiif le Roog, no ten a fogu.

YEGIL MBAAX NE YEESU ne Saŋ a bindtuuna 3:6 Referans Kwoze

2 Korint 5:17

O kiin a fogangaa na Kiristaa, mbindel nqas a refatu. Ke hiidna a wata, soo fop a refat qas.

1Saŋ 3:9

Oxuu Roog a rimna, naagee o genaa na bakaad, yaam ke Roog a duufna no ten kaa sax no ten, too oxeene kiin waagee o sax na bakaad, yaam Roog rimun.

1 Korint 6:17

Kaa koy, oxuu hiɓoorna fo o Yaal oxe, yiif leng kut a refataa fo ten.

O leetar ole Pool a bindna GIMU WE NGENNA ROM 7:18

Andaam ee ke faaxna genee na mi, ta ref no cer es, yaam naagaam o bugaa o fi paax kañ, ndaa o fadnin na xoxaxam sup.

Mberaand 6:12

Roog a ga’a yee wiin we kaa yaqoox, a laawoox, o kiin oo kiin a xot a ƭat a paaxeer um took lanq ke.

A kim a tedu ke 51:10

Felakinaam too ɗaaynooraam, ndax cer es ke leeƈ’oona a mbecoox.

Ke bindeena no xe ne’eena YOB 25:4

Nam o kiin a ɓuritkaa a Roog? Kaam ee nam o ƥiy no kiin a xoolitkaa mbaambir um?

Ke bindeena no xe ne’eena YOB 14:4

Kaa xoolna waagee o suttel muk no kaa xoolaƭaritna nen o kiin!

O leetar ole Pool a bindna GIMU WE NGENNA ROM 8:13

Boo nu ñoowaa no ke cer ke nuun a mbugna xan nu nqon, ndaa boo Yiif le Roog a taxna nu mbar a pesoorooƭ ale no cer ke nuun, xan nu njeg o ñoow.

Efees 2:3

In fop itam, nen a den i nand’u. Yaaga, kaa i ñoowoogu kam a yuxum ake no cer in, too mbi’aa ke cer in fo a yiif in a mbug’ina. Yaam ke i ndeeƭna yaaga, a qaw ale Roog a war’a o dal took in, ne ta dalitna took no lakas we itam.

Kolos 2:11

No ten nu mbi’ante nquc ne refna o ñaas ngiɓoor ne a ndeer nuun fa Roog. Nquc neene koy, o ɓay fi’iran, Kiristaa fi’un, ta ref a bolax no ke cer nuun a yaawaa.

Galati 5:24

We na ndeefaa a Kiristaa Yeesu a mbara ke cer den a yaawaa fo ke da nqememaa.

YEGIL MBAAX NE YEESU ne Saŋ a bindtuuna 1:13

axaa ndimtaandeena nen o kiin, too itam a yaaw cer gartiran mbaat buge-buge no kiin, ndaa da ngat a ngat na Roog.

O leetar ole Pool a bindna GIMU WE NGENNA ROM 7:5

Ye i ñoowoogna no ke cer ke a mbugna, o bug o faaxeer ole kebil ke a yaawnooroogna a yo’nooga cer in fop, too a sakatinooga na in xa tim axaa na ƥisaa na fa nqon.

Mberaand 6:5

O Yaal oxe a ga’a yee coxod ne no wiin we a magna lool took lanq ke, too ñaal nuu refna a qalaat den paaxeer rek a yuuɓaa na qeeñ den.

Mberaand 5:3

Ye Aadama a jegna xa kiid teemeed fo xa kiid qarɓeen tadik a rima o ƥiy, ta nand fo ten, a ref nitaal um, soo ta ne’in Set.

O leetar ole Pool a bindna GIMU WE NGENNA ROM 7:25

Yeesu Kiristaa fee o Yaal in oo! Yaasam Roog a ɓoxotel o ngidim no ten! Neene boog, na pexey o jeg-yiif es kaam nananaa kebil ke Roog, ndaa no cer es koy, o paɗ no ke bakaad fee a heblaa refum.

YEGIL MBAAX NE YEESU ne Saŋ a bindtuuna 3:7

Baa ke layoonga yee o rimel o xas waru a nuun, a jaaxɗandong.