YEGIL MBAAX NE YEESU ne Saŋ a bindtuuna 3:5 - NQAARIIT NE ROOG

⁵ Yeesu a doonaan ee: «No ndigil, no ndigil, mexe layang ee: O kiin waagee o rok no Maat ne Roog, too rimtaand foofi fo Yiif le Roog.

YEGIL MBAAX NE YEESU ne Saŋ a bindtuuna 3:5 Referans Kwoze

A pi ake 2:38

Piyeer a doona a den ee: «Mbesyo pakaad nuun a cinj, too oxuu refna fat a batiise’el no gon Yeesu Kiristaa, ndax pakaad um a mbaasanel, ta daaw Yiif Tedu le Roog a ci’taa.

Efees 5:26

Kaa fi’it neene, ndax ta tedlandin a cinj ye ta xoolandtuuna foofi fo fa lay,

1 Piyeer 3:21

Kaa reeƭu nitaale’ir na batiise fee na muclaa a nuun ndiiki. Na batiise fee, refee yee ndoƭ cer in i ƥogaa, ndaa kaa ref i nqeɗaa a Roog o njeg yiif jeejooxeer dara. Ten o mat na muclaa a in na pexey a qontax ale Yeesu Kiristaa

1 Korint 6:11

A jega leng-leng na nuun waa mbi’oogna keene yaaga, ndaa koy nu ƥogde boo nqool, kesanel a Roog, njofandel no gon no Yaal in Yeesu Kiristaa na pexey Yiif le Roog.

Mace 3:11

Mi, mexe batiise’taa a nuun foofi, ndax ta lalit ee nu mbesa pakaad nuun a cinj, ndaa oxe na reefaniidaxam moƴaxam o jeg doole, too o wolanin xa ñaaƭ um sax a jombaxam. Ten o mat, xan a batiise’it a nuun Yiif Tedu le fa fiɗel.

YEGIL MBAAX NE YEESU ne Saŋ a bindtuuna 3:3

Yeesu a doonaan ee: «No ndigil, no ndigil, mexe layang ee: O kiin waagee o ga Maat ne Roog a refangee kaa rimel o rimel o xas olaa inoorna na asamaan.»

Mark 16:16

Oxuu gimna, a batiise’el, xan a muc. Oxuu gimeerna koy, xan a xawel.

1 Korint 2:12

In koy, i ndaawee yiif adna, ndaa le inoorna na Roog, ndax i mbaag o andid ke Roog a ci’na a in na yirmande.

YEGIL MBAAX NE YEESU ne Saŋ a bindtuuna 1:13

axaa ndimtaandeena nen o kiin, too itam a yaaw cer gartiran mbaat buge-buge no kiin, ndaa da ngat a ngat na Roog.

1Saŋ 5:1

Oxuu gimna yee Yeesu refu Kiristaa fee, o Muumucil oxe regteena, o ƥiy o ndimte na Roog a refataa. Oxuu fexna a Roog fee rimuuna, a fexa itam we ndimteena no ten.

1Saŋ 2:29

Yaam ne nu andna yee Roog a jofa, andyo itam ee oxuu na fi’aa ke jofna, o ƥeem a refu.

Galati 6:15

Xucoox fo ñak o xucoox mbodu. Ref mbindel nqas jegu o njiriiñ.

O leetar ole Pool a bindna GIMU WE NGENNA ROM 14:17

Fog no Maat ne Roog niinee dara fo ke na ñaameel mbaat ta yereel. Maat ne Roog refu jeg o cofel fo o ɗaay fa jam mbaambir Roog na pexey Yiif Tedu le.

Mace 28:19

Ndetyo mbi’ik qeet ke fop daalbe. Mbatiise’yo a den no gon le na Faap fee fo Ƥeenqe fo Yiif Tedu le,

Mace 18:3

soo a lay a den ee: «No ndigil, mexe layaa a nuun ee: Nu saktooxangee boo nand nen xa teɓandoong xa tutuuñ, nu ndokkee no maat ne na asamaan.

1 Piyeer 1:2

Roog Faap fee kaa jil a nuun, yaam kaa yuuɓ’un no mberaand naa, ndax nu kesel na pexey Yiif Tedu le, nanan a Yeesu Kiristaa, soo nqoolandtel fo’oy le ten. Yaasam yirmande fa jam a mayƭandel took nuun!

A pi ake 3:19

Mbesyo pakaad nuun a cinj boog, too saktoox farna fa Roog, ndax pakaad nuun a mbortel.

YEGIL MBAAX NE YEESU ne Lik a bindtuuna 13:3

Ha’aa, mexe layan a nuun. Kaa koy, boo nu supteerna o ñoowooƭ, xan nu saŋkoox nuun fop nen lakas we.

Mace 5:20

Mexe layaa a nuun ee o cofel nuun a hupangee ole no jaajangin we no kebil ke Moyiis fo ole no Farisiya we, nu ndokkee no Maat ne na asamaan.»

O leetar ole Pool a bindna GIMU WE NGENNA ROM 8:2

yaam kebil ke no Yiif le Roog na ci’aa we mbogna na Kiristaa Yeesu o ñoow, a mbokta a in na fa nqon fee bakaad a ɓisiidaa.

YEGIL MBAAX NE YEESU ne Lik a bindtuuna 13:24

«Ngoorgoorlooxyo o ndokit no don-maax o ŋooɓu le, yaam mexe layan a nuun, xan mayu a njeem o ndokit teen too mbaagkiran.

YEGIL MBAAX NE YEESU ne Lik a bindtuuna 13:5

Ha’aa, mexe layan a nuun. Nu suptangee o ñoowooƭ, xan nu saŋkoox nuun fop nen a den.»

Mace 19:24

Mexe layahinaa a nuun ee: Ngeeleemb a ñoom no yul o fiic moƴu o yooɓ ee o yaal halal a rok no Maat ne Roog.»

Mace 21:31

An no ɗik waaga fi’u ke faap um a bugna?» A ndoonaan ee: «O eetaand oxe.» Maaga, Yeesu a doona a den ee: «No ndigil, mexe layaa a nuun ee: We na ndabdinooxaa juuti fo we na seeqaa, xan a adoox a nuun no Maat naa Roog.

Mark 9:47

Boo a ngid of a ɓekang na bakaad, luqteen deɓin! Rok no Maat ne Roog fo a ngid a leng moƴu o jeg a kid a ƭak, soo deɓel kam fiɗel laa ñufkeerna boo muk.

Mark 10:14

Yaa Yeesu a ga’na kaaga, a ɗom’aan, too a laya daalbe we ten ee: «Nqaƴyo xa teɓandoong axe da ngar me mi. Ba nu mbañit a den, yaam we nandna fa den njegu Maat ne Roog.

YEGIL MBAAX NE YEESU ne Saŋ a bindtuuna 3:4

Nikodeem a layaan ee: «Ca, nam o kiin a waage waag o rimit yaa ta nogoyna? Ndax a waaga o nomtoox no fud ya um, soo a rimatinel?»

1 Korint 15:50

Keeke soom um ne’aa a nuun, fog we: O kiin sang um sang um oxe refna njer fo fo’oy waagee o lam Maat ne Roog. Kaam ee ke na fotaa waagee o lam ke fotkeerna boo faw.