YEGIL MBAAX NE YEESU ne Saŋ a bindtuuna 3:34 - NQAARIIT NE ROOG

³⁴ Oxe Roog a lulna, a ƭelem Roog a layaa, yaam Roog naagee o hendaƭooxaa yaa ta ci’taa Yiif le ten.

YEGIL MBAAX NE YEESU ne Saŋ a bindtuuna 3:34 Referans Kwoze

YEGIL MBAAX NE YEESU ne Saŋ a bindtuuna 15:26

Boo o Yaayaal oxe um luliidkaa me nuun, yaa retuuma maa na Faap faa a garna, xan a lalit oxe refuuma. O Yaayaal oxeene refu Yiif le saqna ndigil ne, too na Faap fee a hatu.

Mace 12:18

«O tag es oxe jiluuma oxey! O ten fexum, too no ten o laaw es a felakinoortu. Xam ɓek Yiif es no ten, ta yegin qeet ke o cofel.

Kolos 2:9

No ten o mat Roog fo o yaajel um a xawoortu, a refat o kiin.

YEGIL MBAAX NE YEESU ne Saŋ a bindtuuna 5:26

Yaam ne Faap fee fa xoox um a ñoownitaa, a ci’tu o Ƥeenqe itam ta ñoownaa.

YEGIL MBAAX NE YEESU ne Lik a bindtuuna 4:18

«Yiif le no Yaal oxe xe took es. Kaa ɗuumaam ndax um yegnik rool we Yegil mbaax ne, a lulaam ndax um yegin faɗ we a bat ale, yegin we mbuulna o ga ole, soo wokit we toroxandeena,

Kolos 1:19

No ten Roog a genu fo o yaajel um fop.

O leetar ole Pool a bindna GIMU WE NGENNA ROM 8:2

yaam kebil ke no Yiif le Roog na ci’aa we mbogna na Kiristaa Yeesu o ñoow, a mbokta a in na fa nqon fee bakaad a ɓisiidaa.

YEGIL MBAAX NE YEESU ne Saŋ a bindtuuna 7:16

Yeesu a doona a den ee: «Refee yee na mi fa xoox es ke um jangnaa a hatu. Oxe hata no xe luliidaxama.

YEGIL MBAAX NE YEESU ne Saŋ a bindtuuna 3:17

Roog koy, luliidee o Ƥeem na adna fee, ndax ta hate adna fee, ndaa ndax ta muclin na pexey o Ƥeem.

YEGIL MBAAX NE YEESU ne Saŋ a bindtuuna 1:16

I ndaawa koy no paax ke ta garitna fop, ta ref yirmande took yirmande.

Efees 3:8

Mi refu oxe moƴna o neew no we mbogna na xeet fee Roog fop. Yaqanee toox de, Roog a cooxaam ci’it neene, ndax um yegin we ndefeerna Yaawuur Yegil mbaax ne na layaa kaa jofna na halal fa mbagkatar fee Kiristaa.

YEGIL MBAAX NE YEESU ne Saŋ a bindtuuna 8:47

Oxe fogna na Roog, kaa nan-gilooxaa fa lay Roog. O nanangaa nu nan-gilooxee fa lay es, kaa nu mbogee na Roog.»

Mbeeñil 22:1

Naaga, malaaka fee a lalaxam o xuluɓ ole no foofi le na ñoownaa. Kaa mir-mirnoogna nen galam fo jem a sutoorooga no gamb no maad le, Roog fo o Mbaal onqe a njegna,

YEGIL MBAAX NE YEESU ne Saŋ a bindtuuna 16:7

Ndigil kak layum a nuun toox: Ke moƴna na nuun, um ret, yaam um retangee, o Yaayaal oxe garkee me nuun. Um retangaa koy, xam lultiidin a nuun.

2 Maad we 2:9

Ye da nqaañna o maag olaa boo a ƈut, Eliya a laya a Eliise yee: «Xeɗaam ke bugoona um fi’anong boo o Yaal oxe a helko fo yoɗtaxam a paam of!» Eliise a doonaan ee: «Kaam xeɗang a las taaw no yiif no tuleer le refna na wo.»

A lim ale 11:25

O Yaal oxe a fudoorta kam eel le soo a lay fa Moyiis. A xota no Yiif le reeƭna took Moyiis soo a doonin took maak qarɓeen ɓetuu ɗik we. Ndak fo ndak, yaa Yiif le a fudooxna took den, a ndalfooxa o njo’tanan. Taa mbaambir naa koy, kaaga xew’atee na den.

Mbeeñil 21:6

Naaga, a doona teen ee: «Fop a fadnooxa! Mi refu Alfa fa Omega, mberaandoong ne fo muukandoong ne. Oxuu hoɗomeena, xam ci’in no fud o letu ta yer na cur foofi le na ñoownaa.

YEGIL MBAAX NE YEESU ne Saŋ a bindtuuna 8:40

Nu mbaaƭee tus toox de, a refangee maa nu nquufitna ñoot o ñis es, too layiim a nuun dara, a refangee ndigil ne nantuuma na Roog. Abraham mosee o fi nandu neene.

Esayi 59:21

O Yaal oxe kaa tee: «Keeke refu ngiɓoor ne dalnuuma fa den: Yiif es le fudooxna na wo fo fa lay es fee ɓekuuma no don of, suqitkiim a den no don of muk mbaat no don na xa ƥeef mbaat no don na xa taan of no ke xotitna ndiiki boo faw. Mi o mat layun.»

A kim a tedu ke 45:7

Uum-maamaad le wo de Roog xan a ref boo faw, o cofel rek o maadooritkaa maat ne wo.

A pi ake 1:2

boo neen Roog a yoɗun na asamaan, cinj ye ta cooxna apootar we ta jil’ina bargal ke ten na pexey Yiif Tedu le.

A paɗax ale 7:35

A las akeene mbatniteena no sadax ke ƥoxoteena o Yaal oxe, Aaroon fo xa ƥeem na njegkan, no ke xotitna yaa da ndalneena kam calel ke no Yaal oxe nen saasadax.