YEGIL MBAAX NE YEESU ne Saŋ a bindtuuna 3:21 - NQAARIIT NE ROOG

²¹ Oxe na ñaaƴaa no ndigil ne koy, kaa garaa na qoolaand ale, ndax fop a nga ee Roog na ɗoxaa a pi um.»

YEGIL MBAAX NE YEESU ne Saŋ a bindtuuna 3:21 Referans Kwoze

1Saŋ 1:6

Yaaga koy, i naangangaa o layaa yee fo ten i mbogu, soo ñaaƴaa kam o niɓaan ole, kaa i maaɓaa, too ndigil refee no ke i mbi’aa.

3Saŋ 1:11

Wo fee fexuuma o mat, ngela ba o laal paaxeer. Fat paax soom a ref o ɗeendoor of. Oxe na ñoowaa na pi a paax, o ndeɓandoong Roog oo, ndaa oxe naageerna o reefaa paax, matee a Roog.

Efees 5:9

Yaam a qoolaand ale o mat, kaa rimaa o paaxel oluu refna fo o cofel fo ndigil.

A kim a tedu ke 119:105

Fa lay of a refa o lampa na caf es, a ref a qoolaand took a ƭat es.

Filip 2:13

yaam Roog na sakaa na nuun a posax fo a pi ne ta bugtuuna, too paax oo.

Galati 6:8

A soƥangaa yee kaa duufaa ke cer um a yaawaa, fa nqon rek a xotitkaa teen, ndaa koy boo ta duufaa ke Yiif le Roog a bugna, o ñoow o fagkeer ole a saxadkaa.

A kim a tedu ke 119:80

Fat xeeñ es a saaƭoox no ke dalnoona, ndax sedkiim.

1 Piyeer 1:22

Ne nu nananna ndigil ne, nu nqoolanda xa laaw nuun, ndax nu mbex tigi we nu mbogitna o ngim. Mbexiryo a paax boog a ndeer nuun fo xeeñ letu.

Kolos 1:29

Keene itam refu calel es, um gomriteel doole um, ta jalaa na mi fa katil.

Filip 1:11

Xan nu may fo xa tim xa cofu xaa ngatna na Yeesu Kiristaa, ndax Roog a ɓoxotel o ndam, a simatel.

YEGIL MBAAX NE YEESU ne Saŋ a bindtuuna 5:39

Kaa nu ƥaalaa a Pind a Tedu ke, yaam mboog ee na den nu mbaagu o njegit o ñoow o fagkeer. Den na seede’anaxam toox de!

YEGIL MBAAX NE YEESU ne Saŋ a bindtuuna 1:47

Yaa Yeesu a ga’na a Natana’el a garaa me ten, a laya kaa jofna no ten ee: «Kene refu o Ii-isra’el tigi, mbi’akaan leng refee no ten.»

2 Korint 1:12

Kañoor in refu ke yiif in a seede’aa. A pesoorooƭ in kam adna fee, moƴtaa sax a ndeer nuun, kaa reeƭu no tedel fo no ngor naa hatna na Roog na pexey yirmande um fop, refee muk no and no kiin.

1 Korint 15:10

Yirmande Roog soom taxu um ref ke refuuma xaye, too yirmande um fa mi yenee na ngas, yaam kaam daar, hupiɗ a den jale. Wariim o lay sax ee mi jalu, ndaa yirmande fee Roog a dalinna a ndeer es fo ten.

Hoose 14:8

We moofoogna no yook um xan a nomtooxiid. Xan a ñoowdandatin bele fee, a mbiɗit nen ndaxar biiñ soo a njeg gon nen biiñ fee Libaŋ.

Esayi 26:12

O Yaal oxe, kaa o woornaa a in jam fee, yaam fop ke i mbadnaa, wo na fi’an.

Mbeeñil 3:15

Kaa tee: Andaam ke fi’oona. Andaam ee o ngim of ñufee too kaƥee. Yaasam ta ñuf mbaat ta kaƥ!

Esayi 8:20

«Na cangin ale no Yaal oxe fo no seede ne ten a nomtax a helu.» A layangee neene, nga’kee mbeet ne.

YEGIL MBAAX NE YEESU ne Saŋ a bindtuuna 3:20

Oxuu refna a anda yee oxaa na fi’aa paaxeer bugee maa xoolna, too kaa laqtooxaa a qoolaand ale, yaam ndik a pi um a nguytoox.

YEGIL MBAAX NE YEESU ne Saŋ a bindtuuna 7:17

Oxuu bugna o fi ke Roog a bugna, xan a and ndax a cangin ale mi na Roog a hatu ndax nam, ndi mi na kañaa kañ a xoox es.