YEGIL MBAAX NE YEESU ne Saŋ a bindtuuna 3:2 - NQAARIIT NE ROOG

² A gara a soƥiid a Yeesu o yeng o njeek, soo a layin ee: «O Caajangin oxe! I anda xil ee o caajangin o inooru na Roog refo, yaam o leng waagee o fi xa anddiloor axe o fi’aa, Roog a refangee fo ten.»

YEGIL MBAAX NE YEESU ne Saŋ a bindtuuna 3:2 Referans Kwoze

YEGIL MBAAX NE YEESU ne Saŋ a bindtuuna 5:36

Seede es koy hupu ne Saŋ, yaam a pi ake Faap fee a doxnaxama ndax um fi a den, ndefna ndef ke um fi’aa ndiiki, kaa laltaa yee Faap fee lulaxam.

A pi ake 2:22

Nuun wiin we Isra’el, nan-gilooxyo ke um layiidaa a nuun. Yeesu o Naanasaret oxe a reeƭa o kiin oxaa andoona yee Roog feeñlun mbaambir nuun. Roog fa xoox um koy, a fi’a a pi katil fo comlaand fo xa anddiloor na pexey o kiin oxeene, ne nu andtuuna nuun fa qoox nuun.

YEGIL MBAAX NE YEESU ne Saŋ a bindtuuna 9:16

Naaga, leng-leng no Farisiya waa a laya yee: «Oxe fi’na keene hatee na Roog, yaam a ƭat um yongee na bes fee na ñootnax ale.» Lakas na den a laya yee: «Ndi nam o paabakaad a waagu o fi’it xa anddiloor xa nandu neene?» Ñimatir maak a jega a ndeer den.

YEGIL MBAAX NE YEESU ne Saŋ a bindtuuna 12:37

Ke Yeesu a fi’’ina fi xa anddiloor xa mayu na kid den fop oo, taxee Yaawuur we a ngim no ten.

YEGIL MBAAX NE YEESU ne Saŋ a bindtuuna 1:38

Yeesu a wiƈaqilooxa, a ga a den. Ye ta ga’na yee kaa ndeefanan, a laya a den ee: «Xar nu mbaaƭaa?» Ngoor kaa a ndoonaan ee: «Rabi (kaa tekit ‹o Caajangin oxe›), mam geno yee?»

Mace 22:16

A lula maa ten daalbe we den fo waa mbogna na qaaj ale Herood ee: «O Caajangin oxe, i anda yee o kiin o booru refo, too kaa o jangnaa a ƭat Roog no ndigil. A ƭat of yongee no leng itam, yaam naagiro o ɗeetaa ne wiin we a nandna.

YEGIL MBAAX NE YEESU ne Saŋ a bindtuuna 7:31

Mayu no wiin waa a ngima no ten, too a layaa yee: «Kiristaa fee a garangaa, ndax xan a fi xa anddiloor xa kupu axe oxene a fi’na?»

YEGIL MBAAX NE YEESU ne Saŋ a bindtuuna 20:16

Yeesu a layaan ee: «Mari!» Tee beret, a layin na hebre yee: «Rabuuni!» O ɗelem oleene kaa tekit o caajangin es.

YEGIL MBAAX NE YEESU ne Saŋ a bindtuuna 15:24

Um fi’’angee a ndeer den a pi akaa o leng a moseerna o fi, njegkoogee bakaad. Ndiiki koy, a nga’a a den boo a ƈut, soo a sibaam, a sib a Faap es.

YEGIL MBAAX NE YEESU ne Saŋ a bindtuuna 3:26

A ngara me Saŋ, soo a layin ee: «O Caajangin oxe! Oxe reeƭna fa wo ye i ndefaa kaltaa o xuluɓ ole Yordaan, too o seede’an’un de, kaa batiise’aa ndiiki. Wiin we fop, maaga a njoobatu.»

Mark 12:14

A ngara, a layin ee: «O Caajangin oxe, i anda yee o kiin o booru refo. A ƭat of yongee no leng itam, yaam naagiro o ɗeetaa ne wiin we a nandna, too kaa o jangnaa a ƭat Roog no ndigil. Ndax i mbara o ndabid a Kesaar fee a bateer? I mbara o ndabid, ndi i mbaree o ndabid?»

Haahate we 6:27

Gedeyon a jila goor xarɓaxay no dag we ten soo a fi ke o Yaal oxe a hebil’uuna. Kaa koy, o yeng a fi’un, saɗiran o fi ñaal yaam a saɗaraa ƥasil um fo we na teeru fee.

Esayi 51:7

Nan-gilooxaamoo nuun we andna o cofel, nuun xeet fee njegna a cangin es na qeeñ nuun. Ba nu saɗar naqadil ke no wiin we, too ba nu send yaam a ben ake den.

Filip 1:14

Ke jengeema sax kaa tax moƴ-o-jaak ole no fog gimu we in a soɗoox njambaar. A ndamooxata tigi no Yaal oxe, a yegnitaa fa lay fee Roog, a mbaas caƭar.

1 Maad we 17:24

O tew oxaa a laya a Eliya yee: «Ndiiki andataam kañ ee o kiin Roog refo, too a woora yee fa lay fee na hataa no don of fa lay no Yaal oxe yoo.»

Yeremi 38:16

Maaga, o maad Sedekiya a daaɓooxa na pet fa Yeremi, a lay ee: «Mexe daaɓoortan o Yaal oxe na ñoowaa, ten oxe ci’na a in o ñoow, ee warnoorkiroong too ɓoxotkiroong na xa ƥay no goor wene mbugna njang o ñis of.»

Mace 23:7

A mbexa o simnel kam qel ke, too a mbuga wiin we a nqoyaa a den ‹O caajangin o maak!›

Mace 23:8

Nuun o mat, ba nu ne’oox ‹O caajangin o maak!›, yaam o leng soom refu o Caajangin nuun. Nuun fop, fog nu ndefu.

YEGIL MBAAX NE YEESU ne Saŋ a bindtuuna 2:11

Neene o mat o anddiloor o eetaand ole na xa anddiloor axe Yeesu a xewit’u kam Kana no jegel ole Galile. Maaga, a feeñla o ndam um, soo daalbe um a ngim no ten.

YEGIL MBAAX NE YEESU ne Saŋ a bindtuuna 4:31

Kaaga kaa soƥ’u daalbe we ten a mbam’an, a ndamin na: «O Caajangin oxe! Gari ñaam waay!»

YEGIL MBAAX NE YEESU ne Saŋ a bindtuuna 6:2

Wiin mayu a ndeefanaan yaam ne da nga’na xa anddiloor axe ta fi’oogna na bodand ale no jiru we.

YEGIL MBAAX NE YEESU ne Saŋ a bindtuuna 10:38

Kaa koy, a soƥangaa yee a pi um saqum, koo nu ngimangiraam oo, ngimyo a pi akeene, ndax nu mbaag o nga xil ee Faap fee oxe na mi, mi, um ref no ten.»

YEGIL MBAAX NE YEESU ne Saŋ a bindtuuna 14:10

Kaa gimiro yee mexey na Faap fee, Faap fee a ref na mi? Ke um layaa a nuun, xottinum na xoox es, too ke um fi’aa, Faap fee refna na mi na fi’an.