No ndigil, no ndigil, mexe layaa a nuun ee: Oxuu nan-gilooxna fa lay es, a gim no xe luliidaxama, a jega o ñoow o fagkeer ole, too geenooxkee no nqeloor naa muk, yaam kaa inoor na fa nqon a rok no ñoow.
Ke bindeena teen, kaa bindel, ndax nu ngim ee Yeesu refu Kiristaa fee, o Muumucil oxe regteena, refna ref o Ƥeenqe Roog. Nu ngimangaa, xan nu ndaaw o ñoow ole no gon um.
yaaga nam i ndaɗitkaa a qaw ale Roog, yaa i yaacaanna a muc a podu neene? O Yaal oxe mat o mat eetu o yegnit a muc aleene, soo we nan’uuna a ñoowdand a in o njiriiñ um.
Yetooxyo boog! Ba nu mbañ o nan-giloox oxe na layaa fa nuun. We mbañ’ina o nan-giloox oxe cooxoogna a den yaaga a maƭax a katu na Roog, ndaɗ’ee a qaw ale. Yaaga boog, i mbaagkee o ndaɗ, yaa i mbesna a cinj oxe fodna took asamaan, a layaa fa in.