YEGIL MBAAX NE YEESU ne Saŋ a bindtuuna 3:16 - NQAARIIT NE ROOG

¹⁶ Yaam Roog a fexa adna fee boo a ci’it o Ƥiy o leng kut onqe ta jegna, ndax oxuu gimna no ten saŋkooxkee muk, ndaa ndax ta jeg o ñoow o fagkeer ole.

YEGIL MBAAX NE YEESU ne Saŋ a bindtuuna 3:16 Referans Kwoze

O leetar ole Pool a bindna GIMU WE NGENNA ROM 5:8

ndaa Roog a lalta ne ta fexitna a in boo Kiristaa a xonan a in, ye i maadna o ndefaa baabakaad.

YEGIL MBAAX NE YEESU ne Saŋ a bindtuuna 3:15

ndax oxuu gimna no Ƥeenqe a jeg o ñoow o fagkeer ole.

O leetar ole Pool a bindna GIMU WE NGENNA ROM 8:32

Roog feene wuusee o Ƥeem, ndaa a ɓoxotaan yaam in fop. Xar na taxkaa boo ci’kee a in, i njeg fop fo ten?

YEGIL MBAAX NE YEESU ne Saŋ a bindtuuna 6:40

Ke Faap es a bugna refu yee oxuu ga’na o Ƥeenqe, too a gim no ten, a jeg o ñoow o fagkeer ole, too xam xontooxnoorin no ñaal mbalakaand naa.»

YEGIL MBAAX NE YEESU ne Saŋ a bindtuuna 3:36

Oxuu gimna no Ƥeenqe, a jega o ñoow o fagkeer ole. Oxuu nananeeruuna koy, jegkee o ñoow oleene, too fuux le Roog oxe cay took um.»

1Saŋ 4:19

In o mat, kaa i mbexin, yaam ten eetu o fex a in.

YEGIL MBAAX NE YEESU ne Saŋ a bindtuuna 10:28

Kaam ci’aa a den o ñoow o fagkeer ole, too saŋkooxkee muk. O leng suqitkee a den no ɓay es.

O leetar ole Pool a bindna GIMU WE NGENNA ROM 5:10

Kaa i ndeeƭu fañ Roog, ndaa fa nqon fee no Ƥeem a jofooranda a in fo ten. Njofoor neene taxu a qontax ale no Ƥeem waagkee o ñak o mucil a in.

YEGIL MBAAX NE YEESU ne Saŋ a bindtuuna 1:29

No feet olaa, Saŋ a ƴooka a Yeesu ta xotiidaa maa ten. Maaga, a laya yee: «Nga’yo o Mbaal onqe Roog na watnaa bakaad adna.

2 Tesalonik 2:16

O Yaal in Yeesu Kiristaa fa Roog Faap in fee fexna fex a in, a ci’a a in na pexey yirmande um yaaloor boo faw fo yaakaar mbaax.

Efees 2:4

Kaa koy, o paaxel ole Roog fo o mbeq onqe ta jegna na in kaa magin lool.

Mace 9:13

Njangikyo ke fa lay fene a tekitna: ‹Yirmande moƴanaxam sadax.› Xoyiidiim wiin jofu we, ndaa baabakaad we.»

Mbeeñil 1:5

fo na Yeesu Kiristaa, refna o seede kore’u xe, a ref oxe eetna o xontoox a ndeer no xon we fo o kelwaar oxe no maad we na adna fee! Kiristaa kaa fex a in. A wata a in no pakaad ke in na pexey fo’oy um.

YEGIL MBAAX NE YEESU ne Saŋ a bindtuuna 1:14

Fa Lay feene koy a xawooxa, a jegat cer no kiin, soo a gar a gen fa in, a may muut fa yirmande fo ndigil. In o mat, i nga’a o ndam um, refna o ndam onqe ta daawitna na Faap fee nen o Ƥeem o leng kut.

Mberaand 22:12

Malaaka fee a layaan ee: «Ba o ɓay of a fad no goor ole, too ba o fi’in dara! Ndiiki koy andaam tigi yee saɗaraa a Roog, too xañiraamo o ƥeef o leng kut onqe jegoona.»

Tiit 3:4

Kaa koy, ye o paaxel ole Roog o Muumucil in fo o mbeq onqe ta fexna wiin we a mbeeñna,

YEGIL MBAAX NE YEESU ne Saŋ a bindtuuna 1:18

O leng koy mosee o ga a Roog. Roog o Ƥiy o leng kut onqe rimeena, too a moƴ o mat a Faap fee, andnoorun.

Mark 12:6

O ƥeem onqe ta fexna fex soom yoq’u. Ten a falaku o lulaa maa den, yaam kaa layoogu yee: ‹Xan a niw o ƥees.›

YEGIL MBAAX NE YEESU ne Lik a bindtuuna 2:14

«Tedaanga a hela Roog took asamaan fa jam na adna, took no wiin we ta fexna.»

Mberaand 22:2

Roog a layaan ee: «Jangi o ƥiy o leng kut onqe jegoona, Isaak fee fexoona fex, o ret no saax laa Moriya ɓoxotin maaga, nen sadax fa ndoxel took o leng na xa coong axe um lalkang.»

Esayi 9:6

Sañ-sañ um kaa magin, too jam fee xan a gen cay took uum-maamaad le Dawid fo no maat um. Xan a sinjtel soo a saƭkandtel a ƭat fo o cofel, ndiiki bo na moos boo moos. Keene o mat o Yaal oxe Hupna fop a fi’kaa kam o mbeq o naalu nqe ten.

YEGIL MBAAX NE YEESU ne Saŋ a bindtuuna 3:18

Oxuu gimna no ten hate’kaand, ndaa oxuu gimeerna a hate’e boo a ƴut, yaam ne ta gimeerna no Ƥiy o leng kut onqe Roog.

Hebre 2:9

I ngorooxa kene de: Yeesu a neewand’e, malaaka ke a ngupin boo o ngap, ndax ta xonan wiin we fop yaam yirmande Roog. Kaa koy, i nga’aan ndiiki ta sagoox o ndam fa tedaanga nen o ndip no maad yaam fa nqon fa ƭomu fee ta xonna.

1Saŋ 3:1

Ƭeetyo o mbeq o mbodu nqe Faap fee a lalna a in, boo i nqoyeel xa ƥiy Roog. No ndigil, i ndefaan itam. Adna fee andee a in, yaam ne ta andeerna a Roog.