YEGIL MBAAX NE YEESU ne Saŋ a bindtuuna 3:14 - NQAARIIT NE ROOG

¹⁴ O Ƥeenqe no kiin oxe a wara o yoɗtel ne Moyiis a yoɗit’ina fangool faa na koƥ-a-ƥor alaa,

YEGIL MBAAX NE YEESU ne Saŋ a bindtuuna 3:14 Referans Kwoze

YEGIL MBAAX NE YEESU ne Saŋ a bindtuuna 8:28

Maaga, Yeesu a laya a den ee: «A koom alaa nu yoɗkaa o Ƥeenqe no kiin oxe rek, nu andkaa oxe refuuma, and itam ee ke um fi’aa refee pexey xoox es. Ke um layaa fop, Faap es jangnaxam o ten.

A pi ake 2:23

O kiin oxeene, kaa nu ƥoxotel o ten no ke Roog a heboox’ina. Keene koy, Roog kaa yuuɓ’un yaaga. Nu ndengaan na teex, ndax nu mbarnoorin na xa ƥay axe no we ndefeerna Yaawuur.

Mace 26:54

Kaa koy, yaaga, nam a Pind a Tedu ke a mbadnooritkaa? Fop a wara o jegit ne da laytuuna.»

A kim a tedu ke 22:16

A peep es oxe weera kaŋ nen keew, ɗelem es a taƥ no faƭanq es. Mi kañ, xonaam boo ƴut.

2 Maad we 18:4

O ten o mat moocand’u a ñaang a sadaxand ake, a gef a ƥil a sexe ke soo a seɓ xa taaƴ xa lupe xe Asera. A duguña itam fangool fa nqanjar fee Moyiis a xawin’ina, yaam boo na jamaane faaga Ii-isra’el we kaa maad’u o ndoxanaa sadax cuuraay a fangool fa nqanjar feene da nqoyoogna Nehustan.

YEGIL MBAAX NE YEESU ne Lik a bindtuuna 24:20

Yeesu feene, saasadax maak we fo maak we in a ƥoxot’ina, ndax ta hate’el, a warel, soo a rengel na kurwaa.

Esayi 11:10

A koom, xan saqit laa hatna na paƴ Isay a ref o anddiloor no qeet ke fop, a saax ake fop a njagniid me ten, too o ndam onqe xan a meleƈit no ngenand um.

Mace 8:20

Yeesu a doonaan ee: «Xa ƥox-a-koƥ axe a njega qanq, tiiƭ ke na asamaan a njeg tut, ndaa o Ƥeenqe no kiin oxe jegee maa ta hakandooxna.»

YEGIL MBAAX NE YEESU ne Saŋ a bindtuuna 6:51

Mi refu mbuuru ne no ñoow ole hatna na asamaan. Oxuu ñaamna no mbuuru neene koy xan a ñoowaa boo faw. Mbuuru ne um ci’taa koy refu cer es ke um ci’itkaa, ndax adna fee a ñoow.»

YEGIL MBAAX NE YEESU ne Saŋ a bindtuuna 18:32

Naaga fa lay fee Yeesu a lay’ina a fadnoortu, ye ta lalitna ne ta xonitkaa.