YEGIL MBAAX NE YEESU ne Saŋ a bindtuuna 3:10 - NQAARIIT NE ROOG

¹⁰ Yeesu a doonaan ee: «Coo, o ref o caajangin o maak oxe Isra’el, too andiro keene!

YEGIL MBAAX NE YEESU ne Saŋ a bindtuuna 3:10 Referans Kwoze

Mace 22:29

Yeesu a doona a den ee: «Kaa nu mo, yaam nu andee a Pind a Tedu ke, katil fee Roog ne’aand.

Heseki’el 11:19

Xam ci a den xeeñ leng kut soo ɓek na den yiif xas. Xam watin no ngiin den xeeñ den le saƭkitna nen ɓil soo ci a den xeeñ hiihiin,

Mace 15:14

Nqaƴyo a den, fuul waa na ƭoxaa fuul gend den a ndefu. O puul a ɗoxangaa o puul o kend um koy, den ɗik fop xan a njimboox kam a kamb.»

Mace 11:25

Na pe akaaga, Yeesu a laya yee: «Faap, mexe gidmang, wo o Yaal asamaan fo lanq, yaam ɗasnaa kene yaal-o-and we fo jegu yiif we, soo feeñlin we moƴna o neew.

Yeremi 31:33

Kaa koy, keeke refu ngiɓoor ne um dalnatinkaa fa xeet fee Isra’el cinj ñaal keene: Xam ɓek kebil es kam a yiif den, bind a den kam a qeeñ den. Maaga, xam ref Roog den, da ndefat xeet es. Mi o Yaal oxe layun.

Esayi 56:10

Yeeyetax we Isra’el fop fuul a ndefu. Naangee o anddaa dara, a ndef xa ƥox xa muumu xaa mbaageerna o mbox. Kaa mbondooxaa, a ndef no ƭaaɗaa, too mbaagee o ndeyƭoox o ƭaan.

Esayi 9:16

Ten taxu o Yaal oxe wuus’ee mbes ke den too yirim’ee xa baan axe den fo ñaaw we den, yaam den fop kaa njofaƭar, a soxod, too laykee jam muk. Keene fop koy taxee fuux le no Yaal oxe a ɓoos, too o ɓay um ole yoɗooxa boo fa ndiik.

A kim a tedu ke 73:1

A kim a tedu laa fogna na ke Asaf oo. No ndigil, Roog a faaxa na Isra’el, no we njegna xeeñ xoolu.

A kim a tedu ke 51:10

Felakinaam too ɗaaynooraam, ndax cer es ke leeƈ’oona a mbecoox.

A kim a tedu ke 51:6

Tooñaaxoong, wo soom, fi paaxeer na kid of. O hate’angaam, kaa war, too o xawangaam, a ƭat oo.

1 Caloori ke 29:19

Ci’i a Salomo fee o ƥees yiif laa damooxna no gay bargal ke wo fo a cangin ale wo fo kebil ke wo, a reefaa fop too a max mbind maak ne jagandanuuma kene fop.»

A cangatin ale 30:6

Xan o Yaal oxe Roog nuun a xuc a qeeñ nuun fo ake na xa taan nuun, too xan nu mbex o Yaal oxe Roog nuun na qeeñ nuun fop fo na xa laaw nuun fop. Neene, xan nu ñoow,

A cangatin ale 10:16

Nqucooxyo na qeeñ nuun boog too mbaas o saƭik xoox.

Filip 3:3

We nqucooxna tigi ndefu in we na mbaɗoortaa a Roog Yiif le ten, in we a tagas in a refna na Kiristaa Yeesu, in weeke ndooneerna yaakaar in no cer.

O leetar ole Pool a bindna GIMU WE NGENNA ROM 2:28

O Yaawuur tigi refee oxe nandna fo ten, nquc tigi itam refee ke waageena o ga no cer ke.

Kolos 2:11

No ten nu mbi’ante nquc ne refna o ñaas ngiɓoor ne a ndeer nuun fa Roog. Nquc neene koy, o ɓay fi’iran, Kiristaa fi’un, ta ref a bolax no ke cer nuun a yaawaa.

YEGIL MBAAX NE YEESU ne Lik a bindtuuna 2:46

Yaa da njegna ñaal tadik, a ngara a soƥin ta moof kam Mbind Roog ne a ndeer no jaajangin we no kebil ke, a nan-gilooxaa, too a laamtaa a den.

YEGIL MBAAX NE YEESU ne Lik a bindtuuna 5:17

Bes, Yeesu a jangnooga. Farisiya we fo jaajangin we no kebil ke Moyiis a moofa paam um, a inoorit no caate kaa Galile fa Yudee boo Yeerusaleem. Doole fee no Yaal oxe a reeƭa fa Yeesu, too a tax’a ta wodandaa jiru we.

YEGIL MBAAX NE YEESU ne Saŋ a bindtuuna 3:9

Nikodeem a dakooxaan o lay ee: «Nam kaaga a waagu jegit?»

A pi ake 5:34

Kaa koy, a jega a ndeer den o Farisiya xaa ne’eena Gamaliyel. Xeet fee fop kaa niw’un. O caajangin no kebil ke Moyiis a reeƭu. Naaga a inooxa, a geenoox a ndeer no Mal maak naa, a hebil ee fat apootar we a sutel o ndik rek.