Cinj kaaga, a nomtooxa na saate faa Kana no jegel olaa Galile. Maaga a suptit’u foofi boo ta refat biiñ. A jeg’a koy na teeru faa Kapernawum o kiin oxaa jaloogna no maat ne, too o ƥeem a jir’u.
Filip oo, a xeta fa Natana’el, soo a layin ee: «I nga’a oxe Moyiis a bindna no kebil ke, duleer we a lay kaa jofna no ten, ta ref Yeesu o Naanasaret oxe, o ƥiy Yoseef.»
Neene o mat o anddiloor o eetaand ole na xa anddiloor axe Yeesu a xewit’u kam Kana no jegel ole Galile. Maaga, a feeñla o ndam um, soo daalbe um a ngim no ten.
Naaga o mat a refit’u fo yoon we ten, Saak fa Saŋ, we xa ƥiy Sebede. Cinj kaaga, Yeesu a laya a Simoŋ ee: «Ba o saɗar dara! Taa paam, o paafaal no wiin o refkaa.»