YEGIL MBAAX NE YEESU ne Saŋ a bindtuuna 20:12 - NQAARIIT NE ROOG

¹² too a ga’a malaaka ƭik kaa saqna tikoorik tan, a moof me o dal ole Yeesu a wondin’eena. O leng oxe a moof’a me xoox le a fod’ina, o lakas oxe na caf ake.

YEGIL MBAAX NE YEESU ne Saŋ a bindtuuna 20:12 Referans Kwoze

Mbeeñil 3:4

Kaa koy, leng-leng no we jegoona Sardes ƭuuñee cer den. Xan a ñaaƴaa fa mi, a ndokoox tikoorik tan, yaam njombee a den.

Mbeeñil 7:14

Doonaanum ee: «O yaal es, mee ndax wo andun.» Maaga, a layaxam ee: «Den ndefu we inoorna no ñagadil ƭomu naa. Kaa ndap toki den, a ndan-ginit a den fo’oy le no Mbaal onqe.

A pi ake 1:10

Yaa da ndefna maaga, a ndaxaaƴooxan ta retaa, goor ɗik waa ndokooxna tikoorik tan a mbeeñooxa a den,

Mace 17:2

Yeesu a suptooxa mbaambir den. A tagid um a meleƈa boo nen njeeƈ ne, soo toki um a ndanig boo taw.

Dañel 7:9

«Ɗeetoogaam boo neen ga’um a uum no maad akaa na sipeel, soo a Koorgi a gar, a moof. Kaa rokoox’u toki tan fur, soo wiil um a ranig taw nen fa liit. Uum-maamaad le ten nandtoogna ƈulfaan fiɗel kaa saq’u a saang akaa na telelaa nen fiɗel laa na jir-jirnaa.

2 Caloori ke 5:12

Leelewi giigim we fop ndefna Asaf fa Hemaan fa Yedutun fo xa taan den fo fog den kaa ndokoox’u kaa fi’teena xa ƭis, a ngeenoox no batand ne no sadaxand ole, a saq a qiin fo a liit fo fo nqilimb. Paam den, a jeg’a saasadax teemeed fo saasadax qarɓeen ƭik waa luuƥoogna.