YEGIL MBAAX NE YEESU ne Saŋ a bindtuuna 20:1 - NQAARIIT NE ROOG

¹ No mbuyukuun naa na diiboor faa, a soƥ tige a maad o niɓaanaa, Mari-Magdala a reta na mboy alaa, a ga ɓil le a mboy ale a wegit’eena a watnel.

YEGIL MBAAX NE YEESU ne Saŋ a bindtuuna 20:1 Referans Kwoze

Mark 16:9

Cinj yaa Yeesu a xontooxna no nqes naa na diiboor faa, a eeta o feeñoox a Mari-Magdala, no xe ta raxit’ina cini ɓetuu ƭik ke.

Mace 27:60

A ɓekaan kam a mboy a qas alaa ta sexood’ina no ɓil. A berenga ɓil maak, ndax ta wegtin ndokand naa na mboy alaa.

Mark 15:46

Yoseef a jika njoor, a fudin a Yeesu na kurwaa le, a laxasin o ten, soo a ɓekin kam a mboy alaa sexeena no ɓil. A berenga ɓil maak, ndax ta wegtin ndokand naa na mboy alaa.

YEGIL MBAAX NE YEESU ne Saŋ a bindtuuna 20:26

Yaa da moofna boo bes faa a dakooxiid, daalbe we Yeesu a mbokatoora, a soƥ maaga a Tomaa. Ye fop a naagna rap a wegel, Yeesu a feeñta a ndeer den, a lay ee: «Nu yaaree jam!»

YEGIL MBAAX NE YEESU ne Saŋ a bindtuuna 19:25

Paam a kurwaa le Yeesu a rengeena, Mari fee ya um oxe geenooxa fo o ndeɓ um fa Mari fee o tew Kolopaas fa Mari-Magdala.

Mbeeñil 1:10

Yiif le Roog a gif’axam na bes fee no Yaal oxe, too nantaam a cinj es o ñuxur o maak olaa na jibaa, a fangoortaa nen a luuƥ.

Mace 27:64

Hebli wiin boog, ndax da yetoox a mboy ale boo no ñaal ndadkandeer naa, yaam ndik daalbe we a nguuɗik o dal ole, soo a lay wiin we no saax le yee a xontooxa a ndeer no xon we. Yaaga o maaɓ o falakaand oleene na moƴkaa faaxaƭar o eetaand ole sax.»

1 Korint 16:2

Na bes diiboor fuu refna, fat o kiin oo kiin na nuun a geek podu naa doole um a daawna. Nu mbi’tangaa neene, ta moƴ o faax, yaam waaj yaaga moƴu nu cung boo um gar, soo o ndimle nqe a sog o ƴufaneel.

A pi ake 20:7

No kirand diiboor, i mbokatoor’a ndax i ndeer a cu’ax ale no Yaal oxe. Pool a jeetaayooga fo we maad’uuna fop kaa farna na fa lay fee Roog. Ne ta war’ina o suur no feet olaa koy, a layooga boo o yeng o njeek.

Mace 27:56

Mari-Magdala fa Mari fee refna ya Saak fa Yoseef fa ya na xa ƥiy Sebede a mbog’a no rew waaga.

Mace 27:66

A ndeta na mboy alaa, soo a ndoon o anddiloor took ɓil laa, a nqaƴ maaga yeeyetax.

Mace 28:1

Na diiboor faa, a cinj bes faa na ñootnax alaa, Mari-Magdala fa Mari fa lakas fee a ƥiiɓa a ƭeetik a mboy alaa.

Mace 28:2

Maaga, lanq ke a yo’nooxa, yaam malaaka no Yaal oxe kaa fudoortiid’u na asamaan. A berenga ɓil laa weg’ina a mboy alaa, too a moof took um.

YEGIL MBAAX NE YEESU ne Saŋ a bindtuuna 11:38

Cer ke Yeesu a ndakooxa o naang dayum, ta xot a ƭat, a waaƭooxanik poy kaa. A mboy alaa luf a reeƭu no ɓil maak, a wegtel ɓil lakas.

YEGIL MBAAX NE YEESU ne Saŋ a bindtuuna 11:41

Ɓil laa a dalfooxe o watin, Yeesu a daxaaƴoox, a lay ee: «Faap, mexe gidmang, yaam jaɓaa a qeƭ es.