YEGIL MBAAX NE YEESU ne Saŋ a bindtuuna 2:16 - NQAARIIT NE ROOG

¹⁶ a lay jiijikax a qoɗoxoñ ake yee: «Aca, mbatinyo kene meen! Ba nu mbi Mbind Faap es o jikoorand!»

YEGIL MBAAX NE YEESU ne Saŋ a bindtuuna 2:16 Referans Kwoze

Mace 21:13

Maaga, a laya a den ee: «A Pind a Tedu ke a laya yee: ‹Mbind es xan a xoyeel mbind a qeƭ.› Nuun o mat, kaa nu mbi’in ngol no guuɗ.»

Yeremi 7:11

Ndax kaa nu mbi Mbind nene kesaneema ngol no guuɗ? Keene ga’um mi fa xoox es. Mi o Yaal oxe layun.

Mark 11:17

A jangnooga a den, too a layaa yee: «Ndax a Pind a Tedu ke layee yee: ‹Mbind es xan a xoyeel mbind a qeƭ no qeet ke fop›? Nuun o mat, kaa nu mbi’in ngol no guuɗ.»

YEGIL MBAAX NE YEESU ne Lik a bindtuuna 2:49

Yeesu a laya a den ee: «Xar taxu nu mbaaƭaxam? Ndax kaa nu andee yee waraam o ref no mbind Faap es?»

2 Piyeer 2:3

Yaam ne da yaawaa halal, xan a nax a nuun, a njang ke nu njegna na pexey a ƭelem a naanax. Kaa koy, yaaga boo fa ndiik, hate den oxe ñaaƴaa, too oxe warna o saŋik a den ɗaanee.

YEGIL MBAAX NE YEESU ne Saŋ a bindtuuna 5:17

Yeesu a laya a den ee: «Faap es kaa gen no jalaa, too mi itam mexey no calel.»

1 Timote 6:5

Meene ñimatir ke no wiin we ñakatna a yiif a ndefu, ndigil a daɗ a den, da mboog ee o reef a Roog baaƭir xaaliis oo.

YEGIL MBAAX NE YEESU ne Saŋ a bindtuuna 20:17

Yeesu a layaan ee: «Ba o duqaam, yaam ŋaayafuliim maa Faap es. Reti maa na xa teɓ es, lay a den ee mexey ŋaayaa maa Faap es fee Faap nuun, refna ref Roog es fee Roog nuun.»

YEGIL MBAAX NE YEESU ne Saŋ a bindtuuna 10:29

Faap es fee ci’axama a den hupu fop, too o leng waagee o suqtit a den no ɓay Faap es.

YEGIL MBAAX NE YEESU ne Saŋ a bindtuuna 8:49

Yeesu a doona yee: «Jini damiraam de. Kaam ɓoxotaa a Faap es tedaanga rek, soo nu mbaaƭaa maa jegtuuma gaci.

Mace 21:12

Yeesu a roka no Mbind Roog naa, soo a rax jiijikax we fo we njikoogna fop kam faa. A maafa a taabul ake no we mbecetoogna xaaliis fo a tuɗand ake no jiijikax we na nuukuur ake.

Mace 22:5

Yaa waaga a nanna kaaga, a ƭat den yong’ee no xoy ole, ndaa a ndeta, oxene no qol um, oxaana na cikax um.

YEGIL MBAAX NE YEESU ne Saŋ a bindtuuna 2:15

A dalfooxa o humin o qiir, a rax a den Mbind Roog naa, den oo, paal ke yoo, naak ke yoo, soo a pasar xaaliis fee no weewecet we, a jiƭit a taabul ake,