YEGIL MBAAX NE YEESU ne Saŋ a bindtuuna 2:13 - NQAARIIT NE ROOG

¹³ Xew fee na colandax ale Yaawuur we a ndoofandoogna a mat’a, too Yeesu a reta Yeerusaleem.

YEGIL MBAAX NE YEESU ne Saŋ a bindtuuna 2:13 Referans Kwoze

YEGIL MBAAX NE YEESU ne Lik a bindtuuna 2:41

O hiid oluu fad’ina, we ndimna a Yeesu kaa ndetoogu Yeerusaleem na Xew fee na colandax ale.

YEGIL MBAAX NE YEESU ne Saŋ a bindtuuna 11:55

Xew fee na colandax ale a matiida, wiin mayu a ndet Yeerusaleem, a ƥogdinook.

YEGIL MBAAX NE YEESU ne Saŋ a bindtuuna 2:23

Ye Yeesu a refna Yeerusaleem na Xew fee na colandax ale, mayu a ngima no ten, ye da nga’na xa anddiloor axe ta fi’oogna.

YEGIL MBAAX NE YEESU ne Saŋ a bindtuuna 6:4

A soƥ’a koy bes fee na Colandax ale refna ref xew fee no Yaawuur we, a faambnoox.

YEGIL MBAAX NE YEESU ne Saŋ a bindtuuna 5:1

Cinj kaaga, Yaawuur waa a ndoo­fandooga xew kam Yeerusaleem, too Yeesu a reta maaga ten itam.

A cangatin ale 16:16

Goor we na xeet nuun fat a ngaraa a caf a tadak o hiid oluu watna mbaambir no Yaal oxe Roog nuun no mbiñ onqe ta jilkaa, ta ref na Xew fee no puuru canja’e ke fo na Xew fee no pes ɓetuu ƭik takooxiidu ke fo na Xew fee no ƭiif ke. Ba nu ngar mbaambir no Yaal oxe koy fo xa ƥay xa ƥor,

Nehemi 13:8

Fuuxaam teen lool soo foor tafil a ndok ale tig oo tig ke Tobiya fop.

Mace 21:12

Yeesu a roka no Mbind Roog naa, soo a rax jiijikax we fo we njikoogna fop kam faa. A maafa a taabul ake no we mbecetoogna xaaliis fo a tuɗand ake no jiijikax we na nuukuur ake.

Mark 11:15

Cinj kaaga, a mbadiida Yeerusaleem, soo Yeesu a rok kam Mbind Roog naa. A raxa jiijikax waa fo waa njikoogna maaga, a maaf a taabul ake no we mbecetoogna xaaliis fo a tuɗand ake no jiijikax we na nuukuur ake,

YEGIL MBAAX NE YEESU ne Lik a bindtuuna 19:45

Yeesu a roka kam Mbind Roog naa soo a ref no raxaa jiijikax waa.

YEGIL MBAAX NE YEESU ne Saŋ a bindtuuna 13:1

Yaa Xew faa na colandax alaa a faambnooxna, Yeesu a anda yee waxtu um a fadiida, ta war o inoor na adna feeke, a jof maa Faap um. Ne ta fexna wiin um we na adna fee, a fadnatina o mbeq um fa den.