YEGIL MBAAX NE YEESU ne Saŋ a bindtuuna 2:11 - NQAARIIT NE ROOG

¹¹ Neene o mat o anddiloor o eetaand ole na xa anddiloor axe Yeesu a xewit’u kam Kana no jegel ole Galile. Maaga, a feeñla o ndam um, soo daalbe um a ngim no ten.

YEGIL MBAAX NE YEESU ne Saŋ a bindtuuna 2:11 Referans Kwoze

YEGIL MBAAX NE YEESU ne Saŋ a bindtuuna 1:14

Fa Lay feene koy a xawooxa, a jegat cer no kiin, soo a gar a gen fa in, a may muut fa yirmande fo ndigil. In o mat, i nga’a o ndam um, refna o ndam onqe ta daawitna na Faap fee nen o Ƥeem o leng kut.

YEGIL MBAAX NE YEESU ne Saŋ a bindtuuna 3:2

A gara a soƥiid a Yeesu o yeng o njeek, soo a layin ee: «O Caajangin oxe! I anda xil ee o caajangin o inooru na Roog refo, yaam o leng waagee o fi xa anddiloor axe o fi’aa, Roog a refangee fo ten.»

YEGIL MBAAX NE YEESU ne Saŋ a bindtuuna 6:2

Wiin mayu a ndeefanaan yaam ne da nga’na xa anddiloor axe ta fi’oogna na bodand ale no jiru we.

YEGIL MBAAX NE YEESU ne Saŋ a bindtuuna 6:30

A layahinaan ee: «O anddiloor olum o fi’kaa koy boo i nga’ood, ngim na wo? Xar o fi’kaa fi?

YEGIL MBAAX NE YEESU ne Saŋ a bindtuuna 6:26

Yeesu a doona a den ee: «No ndigil, no ndigil, mexe layaa a nuun ee: Refee yee yaam ne nu nga’na xa anddiloor taxu nu mbaaƭaxam, ndaa yaam ne nu ñaamneena puuru boo naag tem.

YEGIL MBAAX NE YEESU ne Saŋ a bindtuuna 6:14

Yaa wiin weene a nga’na o anddiloor ole Yeesu a fi’’ina, a layrooga yee: «Oxene o mat refu o Tuleer oxe warna o gar na adna.»

Esayi 40:5

O ndam onqe no Yaal oxe xan a feeñ, too o kiin oo kiin xan a ga’in. Neene a refkaa, yaam no don no Yaal oxe a hatu.»

2 Korint 4:17

Yaaga boog coono miñeer ke i ngomaa, meɗee a in, yaam o ndam o njegee nand onqe ta jagandankaa a in, too a refkaa boo faw.

YEGIL MBAAX NE YEESU ne Saŋ a bindtuuna 14:13

Kuu nu nqeɗna no gon es, xam fi’in, ndax no Ƥeenqe, Faap fee a ɓoxotel o ndam.

YEGIL MBAAX NE YEESU ne Saŋ a bindtuuna 12:41

Keene kaa Esayi a lay’un, yaa ta ga’na o ndam onqaa Yeesu, a lay kaa jofna no ten.

YEGIL MBAAX NE YEESU ne Saŋ a bindtuuna 12:37

Ke Yeesu a fi’’ina fi xa anddiloor xa mayu na kid den fop oo, taxee Yaawuur we a ngim no ten.

YEGIL MBAAX NE YEESU ne Saŋ a bindtuuna 2:23

Ye Yeesu a refna Yeerusaleem na Xew fee na colandax ale, mayu a ngima no ten, ye da nga’na xa anddiloor axe ta fi’oogna.

YEGIL MBAAX NE YEESU ne Saŋ a bindtuuna 1:50

Yeesu a doonaan ee: «Ke layoonga yee ga’aaxoong, a soƥ o ref yoora ndun naa soom taxu o gim! Xan o ga kaa hupna keene toox de!»

A kim a tedu ke 96:3

Lambinyo o ndam um a ndeer a saax ake, com’andtu ke ten a ndeer qeet ke fop,

1Saŋ 5:13

Bindaam a nuun keene fop, ndax nu and ee nu njega o ñoow o fagkeer ole, nuun we ngimna no gon no Ƥeenqe Roog.

YEGIL MBAAX NE YEESU ne Saŋ a bindtuuna 4:46

Cinj kaaga, a nomtooxa na saate faa Kana no jegel olaa Galile. Maaga a suptit’u foofi boo ta refat biiñ. A jeg’a koy na teeru faa Kapernawum o kiin oxaa jaloogna no maat ne, too o ƥeem a jir’u.

YEGIL MBAAX NE YEESU ne Saŋ a bindtuuna 5:23

ndax fop a niwit o Ƥeenqe ne da niwitna a Faap fee. Oxe niweerna o Ƥeenqe, niwee a Faap fee luliiduuna.

O baawaare xe 9:7

Yaaga boog, ñaami ngaaf of fo o ɗaay too yer biiñ of fo o mbelakinax, yaam Roog a jaɓa a pi of boo a ƴut.

A kim a tedu ke 72:19

Gon um jegu o ndam a hela simateel boo cay! Fat lanq ke fop a may fo o ndam um! Amiini! Yaasam ta jegit neene!

A cangatin ale 5:24

soo lay ee: ‹O Yaal oxe Roog in a lala a in o ndam um fo o magnel um, too i nana o ñuxur um a ndeer fiɗel le. Xaye boog i nga’a yee Roog a waaga o lay fo o kiin, soo oxeene a maad o ñoowaa.

A sutax ale 4:9

Boo da ngimeerna na xa anddiloor xa ƭaq axeene koy too nan-gilooxee o ñuxur of, fat o xaf na foofi le no xuluɓ ole Niil, ɓaxin a lanq. Foofi leene o xafitkaa no xuluɓ ole koy, xan a suptoox fo’oy took lanq ke.»

2 Korint 4:6

Roog fee layna yee: «Fat a qoolaand ale a naag dañ kam o niɓaan ole», ten naagu dañ kam a qeeñ in, ndax ta andnoor a in o ndam onqe Roog na meleƈtaa na tagid Kiristaa.

2 Korint 3:18

In fop we andoona yee a tagid in faŋ a fi’u, kaa i meleƈtaa no ndam onqe no Yaal in. Neene, kaa i suptel, ndax i nand fo o Yaal oxe. Kaa i sutooraa no ndam, ndokaa no ndam onqaa moƴna o magin. Keene refu boog calel ke no Yaal oxe refna Yiif.

YEGIL MBAAX NE YEESU ne Saŋ a bindtuuna 11:15

Kaa koy, sawaraam lool yaam nuun, no ke reeƭeeruuma maaga ye ta xonna. Xan nu mbaag o ngim tigi. Acayo, i ndet maa ten.»

YEGIL MBAAX NE YEESU ne Saŋ a bindtuuna 1:17

Kebil ke Roog kaa ndaawtel na Moyiis, yirmande fo ndigil a ndaawtel na Yeesu Kiristaa.

Malaki 2:2

Nu nan-gilooxangee, nu njaɓangee o niw gon es fo xeeñ nuun fop, xam saloox a nuun soo saloox parke ke nu ndaawna. Ii, xam saloox a den, yaam nu niwiraam fo a qeeñ nuun fop.

A sutax ale 14:31

Maaga, Ii-isra’el we a nga’a katil fa maak fee o Yaal oxe a saŋkit’ina Miimisira we. A koom, xeet fee a saɗaru o Yaal oxe, a ngoolooxin, a ngooloox a Moyiis fee o paɗ um.

1 Maad we 17:24

O tew oxaa a laya a Eliya yee: «Ndiiki andataam kañ ee o kiin Roog refo, too a woora yee fa lay fee na hataa no don of fa lay no Yaal oxe yoo.»

YEGIL MBAAX NE YEESU ne Saŋ a bindtuuna 1:43

No feet olaa, Yeesu a waaja a tet Galile, soo a xet fa Filip, a layin ee: «Reefaam!»

YEGIL MBAAX NE YEESU ne Saŋ a bindtuuna 2:1

No ñaal ndadkandeer ne, a jeg’a ngulook kam Kana, no jegel olaa Galile, too ya Yeesu a reeƭa maaga.

YEGIL MBAAX NE YEESU ne Saŋ a bindtuuna 4:54

O anddiloor o ɗikandeer oleene, Yeesu xe fi’aan ye ta inoorna Yudee, a gar Galile.

YEGIL MBAAX NE YEESU ne Saŋ a bindtuuna 7:31

Mayu no wiin waa a ngima no ten, too a layaa yee: «Kiristaa fee a garangaa, ndax xan a fi xa anddiloor xa kupu axe oxene a fi’na?»

YEGIL MBAAX NE YEESU ne Saŋ a bindtuuna 9:16

Naaga, leng-leng no Farisiya waa a laya yee: «Oxe fi’na keene hatee na Roog, yaam a ƭat um yongee na bes fee na ñootnax ale.» Lakas na den a laya yee: «Ndi nam o paabakaad a waagu o fi’it xa anddiloor xa nandu neene?» Ñimatir maak a jega a ndeer den.

YEGIL MBAAX NE YEESU ne Saŋ a bindtuuna 10:41

Mayu a ngara no ten, a layaa yee: «Saŋ o Paabatiise xe fi’ee o anddiloor o leng, ndaa fop ke ta layna no kiin oxeeke ndigil kak oo.»

YEGIL MBAAX NE YEESU ne Saŋ a bindtuuna 11:47

Maaga saasadax maak we fo Farisiya we a ndalfooxa o mbokat Mal maak ne den, a lay ee: «Xar i mbi’kaa ndiiki koy? O kiin oxeeke, oxe fi’aa xa anddiloor xa mayu de!

YEGIL MBAAX NE YEESU ne Saŋ a bindtuuna 12:18

Mayu a ngara me ten yaam a yeg o anddiloor oleene ta fi’’ina.

YEGIL MBAAX NE YEESU ne Saŋ a bindtuuna 16:27

Faap fee fa xoox um kaa fex a nuun, yaam ne nu mbexaxama, ngim ee na Roog inoorum.

YEGIL MBAAX NE YEESU ne Saŋ a bindtuuna 16:30

I andata yee andaa fop, too soxla’iro o kiin a laamtong. Ten taxu itam, i ngima yee na Roog inooro.»