YEGIL MBAAX NE YEESU ne Saŋ a bindtuuna 19:9 - NQAARIIT NE ROOG

⁹ A roka no xeloorand olaa, a lay a Yeesu yee: «Mam inooro?» Yeesu o mat, dooniran dara.

YEGIL MBAAX NE YEESU ne Saŋ a bindtuuna 19:9 Referans Kwoze

YEGIL MBAAX NE YEESU ne Saŋ a bindtuuna 18:33

Pilaat a roka no xeloorand olaa, a xoy a Yeesu, soo a layin ee: «Ndax wo refu o maad oxe no Yaawuur we?»

Filip 1:28

Baa we nu ngomritaa a ndiidland a nuun. O ñak o diid nuun kaa lalit ee na saŋkax a ndefu, a lalit ee nuun o mat, nuun we na muc. Keene koy na Roog a hatu,

YEGIL MBAAX NE YEESU ne Saŋ a bindtuuna 8:14

Yeesu a doona a den ee: «Ke um layanaa layan a xoox es fop oo, a ƭelem es ndigil kak oo, yaam kaam and me inooruuma, and me um jofaa. Nuun koy, nu andee me inooruuma, ne’atiim me um jofaa.

Mace 26:63

Yeesu kaa tiimoogu. O saasadax o maak oxaa a dakooxaan o lay ee: «Mexe daaɓoortan a Roog fa ñoow jok fee! Layi a in ndax wo refu Kiristaa fee o Muumucil oxe regteena, refna o Ƥeenqe Roog?»

Esayi 53:7

A ñagadil’e, a jaɓin too yaƥatee tus. Kaa nand’u nen o mbaal onqaa na ɓiseel no warand, nen mbaal naa muumna mbaambir we na nduusan, too yaƥatee o don um sax.

Haahate we 13:6

O tew oxe a reta a lay o kor um ee: «A jega o kiin Roog oxaa garna me mi, a nandtaa malaaka Roog too a saɗarnoox bo. Laamtinum koy me ta inoor’ina, too layiraam gon um.

YEGIL MBAAX NE YEESU ne Saŋ a bindtuuna 18:37

Pilaat a layaan ee: «O maad refo boog?» Yeesu a doona yee: «Ne’aano boo ƴut, o maad refum tigi. Kaam rimel, gar na adna fee, ndax um seede’anaa ndigil ne. Oxuu fogna no ndigil ne kaa nan-gilooxaa o ñuxur es.»

Mace 27:27

Xiixire waa a ƥisa a Yeesu no xeloorand olaa, soo a ndeerin den fop.

YEGIL MBAAX NE YEESU ne Lik a bindtuuna 23:9

A laamtaan laamit mayu, ndaa Yeesu dooniran o ɗelem o leng sax.

YEGIL MBAAX NE YEESU ne Saŋ a bindtuuna 18:28

A inoorta maa Kayif fa Yeesu, soo a ndet no xeloorand olaa, refna ref me gofornoor fee a genoogna. Mbeet naa a xoola, too den Yaawuur we koy mbad’ee kam faa, yaam a mbañaa soɓe a daawit a den no xeloorand olaa, a yaqan a den da ñaam njaw ne na bes fee na Colandax ale.

YEGIL MBAAX NE YEESU ne Saŋ a bindtuuna 18:34

Yeesu a doonaan ee: «Koo xalaatanin a xoox of, ndi lakas layong o ten?»

YEGIL MBAAX NE YEESU ne Saŋ a bindtuuna 19:8

Yaa Pilaat a nanna a ƭelem akeene, a moƴa o diid.

YEGIL MBAAX NE YEESU ne Saŋ a bindtuuna 19:10

Pilaat a dakooxaan o lay ee: «Mi faño doon? Kaa andiro yee waagaaxoong o xaƴ mbaat um rengnong na kurwaa?»