YEGIL MBAAX NE YEESU ne Saŋ a bindtuuna 19:4 - NQAARIIT NE ROOG

⁴ Pilaat a dakooxa o sutooxiid, a lay Yaawuur we yee: «Xam sutanin a nuun, ndax nu and ee mi fa xoox es ga’iim no ten sik fa leng.»

YEGIL MBAAX NE YEESU ne Saŋ a bindtuuna 19:4 Referans Kwoze

YEGIL MBAAX NE YEESU ne Saŋ a bindtuuna 19:6

Yaa saasadax maak waa fo alkaati kaa a nga’uuna, a mbuuqooga yee: «Rengeen! Rengeen na kurwaa!» Pilaat a doona a den ee: «Njangeenoo ndengankin a qoox nuun, yaam ga’iim no ten sik fa leng, mi o mat.»

YEGIL MBAAX NE YEESU ne Saŋ a bindtuuna 18:38

Pilaat a layaan ee: «Xar refu ndigil?» Cinj kaaga, Pilaat a sutooxahina, a ret maa no Yaawuur waa. A gara, a lay a den ee: «Ga’iim sik fa leng no kiin oxene.

YEGIL MBAAX NE YEESU ne Lik a bindtuuna 23:4

Pilaat a laya saasadax maak waa fo faan laa yee: «Ga’iim sik fa leng no kiin oxene.»

YEGIL MBAAX NE YEESU ne Lik a bindtuuna 23:47

Yaa o aa-adax oxaa no xiixire waa a ga’na kaa xew’ina fop, a simata a Roog, soo a lay ee: «O kiin oxene a jof’a de!»

1Saŋ 3:5

Nu anda kene sax: Yeesu a feeña, ndax ta watin pakaad ke. Bakaad fa leng refee no ten.

1 Piyeer 3:18

Jaf leng kut, Kiristaa fee jofna a xona yaam pakaad ke no jofaƭaru we, ndax ta ɓisiid a nuun maa Roog. Cer um kiihiin a nqona, ndaa Yiif Tedu le a nomtiidaan no ñoow ole.

1 Piyeer 2:22

«Ten koy, mosee o fi bakaad, too o leng mosee o nan xa maaƥ a sutooraa no don um.»

1 Piyeer 1:19

ndaa fo’oy fo jegu njiriiñ ole Kiristaa, sadaxteena nen o mbaal o njegee sik fo gak.

2 Korint 5:21

Kiristaa fee moseerna o fi bakaad, Roog a gadnaan pakaad ke in, ndax no ten, Roog a ɗeet a in nen jofu.

YEGIL MBAAX NE YEESU ne Lik a bindtuuna 23:41

Na in kaa war, yaam ndabid in i ndaawu. Ten o mat fi’ee paaxeer leng.»

Mace 27:54

Yaa o aa-adax oxaa no xiixire waa fo waa ndeeƭna fo ten, a yetooxaa a Yeesu, a nga’na ne lanq ke a yo’nooritna fo ke xew’ina, a ndiida diid maak. Maaga, a layoogata yee: «O kiin oxeeke reeƭu o Ƥeenqe Roog ndigil!»

Mace 27:24

Yaa Pilaat a ga’na yee ɗaxdee dara, too coow le a moƴ o mayaa, a janga foofi, soo a laxad xa ƥay um mbaambir no wiin waa fop, too a lay ee: «Refiim dara no fo’oy le no cofu xene. Nuun ngadooxun.»

Mace 27:19

Yaa ta moofna no hate’and olaa, o teem a ɓisnitiidaan ee: «Baa jeg dara a ndeer of fo o kiin o cofu xeene! Xa ƭaaɗ kaa nqijlaam bo no yeng olene yaam o ten.»

Mace 27:4

too a lay a den ee: «Bakaadaam ye andoona yee kaam ɓoxot fo’oy fo jegee sik.» Maaga, a ndoonaan ee: «A ƭat in yongee teen. Wo andu!»

Hebre 7:26

Yeesu refu boog o saasadax o maak oxe i soxla’na: Kaa fel a Roog, mosee o fi paaxeer leng, too bakaad refee no ten. Roog kaa xaajin fo baabakaad we, soo a ŋaaynin took-ee-took asamaan.

YEGIL MBAAX NE YEESU ne Saŋ a bindtuuna 18:33

Pilaat a roka no xeloorand olaa, a xoy a Yeesu, soo a layin ee: «Ndax wo refu o maad oxe no Yaawuur we?»