YEGIL MBAAX NE YEESU ne Saŋ a bindtuuna 18:8 - NQAARIIT NE ROOG

⁸ Yeesu a laya yee: «Mee ndax layaam a nuun ee mexey! A refangaa yee mi nu mbaaƭaa kañ, nqaƴyo weeke boog da ndet.»

YEGIL MBAAX NE YEESU ne Saŋ a bindtuuna 18:8 Referans Kwoze

1 Piyeer 5:7

Ndiiseenoo kuu waagna o jaaxɗandaa a nuun, yaam ten na teeteelaa a nuun.

Efees 5:25

Nuun gor we, fat oxuu refna na nuun a fex o teem, ne Kiristaa a fexitna o fog ole no gimu we boo a ɓoxotanin o ñis um.

2 Korint 12:9

Kaa koy, a doonaxam ee: «Yirmande es a deyaang, yaam katil es, we neewna doole a refanu.» Ten taxu yoo, xam moƴ o fakoorit o neew doole es a paax, ndax katil ne Kiristaa a fudoox took es.

1 Korint 10:13

Nu ƭeetlooxkaand ƭeetlax naa o kiin a mosaandeena o ɗeetloox, too Roog fee refna gor xaƴkee a nuun, nu sipanel ƭeetlax naa hupna a nuun doole. Kaa xaƴaa nu ƭeetlooxel, ndaa a naaga o soƥaa ta jagand yaaga naa nu sutoorna teen, ndax nu ngatil ƭeetlax keene.

YEGIL MBAAX NE YEESU ne Saŋ a bindtuuna 16:32

Waxtu fee oxuu refna na nuun a retankaa a xoox um, oxe garaa, too a fadiida sax. Xan nu nqaƴaam, ndaa yoqkiim koƭong, yaam Faap fee, oxe fa mi.

YEGIL MBAAX NE YEESU ne Saŋ a bindtuuna 13:36

Simoŋ Piyeer a layaan ee: «O Yaal oxe, mam o waajaa?» Yeesu a doonaan ee: «Waagiraamo o reefan ndiiki, ndaa i moofangaa boo taa, xan o waagaam o reefan.»

YEGIL MBAAX NE YEESU ne Saŋ a bindtuuna 13:1

Yaa Xew faa na colandax alaa a faambnooxna, Yeesu a anda yee waxtu um a fadiida, ta war o inoor na adna feeke, a jof maa Faap um. Ne ta fexna wiin um we na adna fee, a fadnatina o mbeq um fa den.

YEGIL MBAAX NE YEESU ne Saŋ a bindtuuna 10:28

Kaam ci’aa a den o ñoow o fagkeer ole, too saŋkooxkee muk. O leng suqitkee a den no ɓay es.

Mace 26:56

Kaa koy, keene fop a fadiida, ndax ke duleer we a mbindna a fadnoox.» Maaga, daalbe waa fop a nqaƴaan, a ƈuf.

Esayi 53:6

Kaa i mbirlooxoogu in fop nen fo mbaal fo mo’u, oxuu refna a sak a ƭat xoox um, ndaa o Yaal oxe a doona took um njofaƭar in, in fop.

YEGIL MBAAX NE YEESU ne Saŋ a bindtuuna 18:7

Yeesu a dakooxa o laamit a den ee: «An nu mbaaƭaa?» A ndoona yee: «Yeesu o Naanasaret oxe.»

YEGIL MBAAX NE YEESU ne Saŋ a bindtuuna 18:9

Kaa lay’u naaga, ndax a ƭelem um akeeke a mbadnoox: «O kiin o leng sax no we doxnaxamoona mo’ee.»