YEGIL MBAAX NE YEESU ne Saŋ a bindtuuna 18:4 - NQAARIIT NE ROOG

⁴ Yeesu o mat, a and’a fop ke nar’uuna o dal, a xetiida fa den, a laamit a den ee: «An nu mbaaƭaa?»

YEGIL MBAAX NE YEESU ne Saŋ a bindtuuna 18:4 Referans Kwoze

YEGIL MBAAX NE YEESU ne Saŋ a bindtuuna 13:1

Yaa Xew faa na colandax alaa a faambnooxna, Yeesu a anda yee waxtu um a fadiida, ta war o inoor na adna feeke, a jof maa Faap um. Ne ta fexna wiin um we na adna fee, a fadnatina o mbeq um fa den.

YEGIL MBAAX NE YEESU ne Saŋ a bindtuuna 18:7

Yeesu a dakooxa o laamit a den ee: «An nu mbaaƭaa?» A ndoona yee: «Yeesu o Naanasaret oxe.»

A pi ake 2:28

Andnooraxamo a ƭat ale na ɓisaa no ñoow ole, too xan o ɗaaynooraam mbaambir of.›

A kim a tedu ke 27:3

Boo xiixire a mbogooxanaxama sax oo, o laaw es saɗarkee dara. Boo xire fee a jibna took es, yaqankiraam o jeg a koolax bo ta dey.

YEGIL MBAAX NE YEESU ne Saŋ a bindtuuna 19:28

Cinj kaaga, ye Yeesu a andna yee a fadna bareef um fop, a laya yee: «Kaam hoɗomel.» Kaa lay’un, ndax a Pind a Tedu ke a mbadnoox.

YEGIL MBAAX NE YEESU ne Saŋ a bindtuuna 13:11

A and’a xil oxe jikooxkooguuna, ten tax’u ta lay ee: «Nuun fop nu nqoolee.»

YEGIL MBAAX NE YEESU ne Saŋ a bindtuuna 6:64

A jega koy a ndeer nuun waa ngimeerna.» Yeesu no mberaand naa a andit’u we ngimeerna. A and’a itam oxe nar’uuna o ɓoxot.

YEGIL MBAAX NE YEESU ne Lik a bindtuuna 24:44

Cinj kaaga, a laya a den ee: «Kene refu ke layooguuma a nuun, ye maaduuma o refaa fa nuun, ndax ke bind’eena na mi fop kam a safe ke Moyiis fo na safe ke no duleer we fo na Kim a tedu ke a fadnoox.»

Mace 26:31

Maaga, Yeesu a laya a den ee: «No yeng olene, nuun fop xan nu mbesaam a cinj ne a Pind a Tedu ke a laytuuna yee: ‹Xam war o kaynaak oxe, too xan paal ke no ged le a pictoor.› »

Mace 26:21

Yaa da ñaamaa, Yeesu a laya yee: «No ndigil, mexe layaa a nuun ee: Xan o leng na nuun a ɓoxotaam.»

Mace 26:2

«Nu anda yee Xew fee na colandax ale ñaal ƭik soom yoqu ta fadiid, too teen o Ƥeenqe no kiin oxe a ɓoxotitkeel soo a rengel na kurwaa.»

Mace 16:21

Maaga, Yeesu a fertu o jangnaa daalbe we ten ee a wara o ret Yeerusaleem ndax maak waa fo saasadax maak waa fo jaajangin waa no kebil kaa Moyiis a ñagadilin. Xan a mbarin, ndaa no ñaal ndadkandeer naa, xan a xontoox.

Xa peƭit axe 28:1

O soxodu xe kaa ƴufaa too raxkaand, o cofu xe mat a jeg o woor nen njogoy njanglax.

A kim a tedu ke 3:6

Kaam wondooxaa ɗaan, xes yokoox, yaam o Yaal oxe na saytooxaxam.

Nehemi 6:11

Doonaanum ee: «Xan o koor o podne mi a moof a ƴufaa? O koor o nandu nen a mi, ndax a waaga o rok no sadaxand ole soo a maad o ñoowaa? Ha’aa, rokkiim maaga!»

1 Maad we 18:10

Ne ta wooritna yee o Yaal oxe Roog of oxe ñoowaa, neene a woortu yee o maad oxe yaal es a lula wiin kam qeet ke fop fo kam maat ke fop, ndax ta waaƭong, too boo we na saax akeene a layna yee refiro maaga, a mbara o ƥaat teen a taaƥ ee nga’irang.

1 Piyeer 4:1

Ne Kiristaa a coono’itna no cer ke boog, nuun itam, saƭkityo neene, yaam oxe coono’na no cer um, a ƴutoora fa bakaad.

YEGIL MBAAX NE YEESU ne Saŋ a bindtuuna 18:5

A layaan ee: «Yeesu o Naanasaret oxe.» A doona a den ee: «Mexey!» Yudaa fee naruuna o ɓoxot o mat, oxe geenooxa a ndeer den.